Borgfirðingabók - 01.12.2010, Side 124

124 Borgfirðingabók 2010
gætu hafa verið leifar af lestrarfélagi
presta, sem víða voru stofnuð um miðja
19. öld í kjölfar bókagjafa Jens Møllers
prófessors í Kaupmannahöfn og kölluð
voru Möllersku lestrarfélögin4. Þess má
einnig til gamans geta að Kvenfélag
Reykdæla stofnaði barnabókasafn
árið 1931 „í þeim til gangi að börnum
á félagssvæðinu gefist kostur á að sjá
fleiri bækur en keyptar eru á heimilum.“5
Þessu safni var komið fyrir á tveimur
bæjum, Kjalvararstöðum og Geirshlíð,
og bókum skipt jafnt á milli og ætlast
til að skipt yrði um þegar börnin voru
búin að lesa hvorn flokk. Þetta safn mun
hafa lifað og flust eitthvað á milli bæja
fram að því að barnaskóli tók að starfa
rétt fyrir miðja öldina, meðal annars í
Ásgarði, Skrúði (við Dalbæ), Samtúni
og síðar á Kleppjárnsreykjum. Helga
Guðráðsdóttir telur að kvenfélagið hafi lagt safnið til barnaskólans
þó þess sé ekki getið formlega í gerðabókum.
Fyrstu skrefin
Þó reglur um starf bókasafnsins fyrstu árin liggi ekki órækar fyrir
verður af fundargerðum lesið að fyrst um sinn hafi aðalhlutverk
bókavarðar verið að koma bókum í umferð meðal félaga og sjá um
að sem flestir fengju þeirra notið. Á félagsfundum var tími notaður til
útlána og skila, en þess á milli hefur bókavörðurinn líklegast séð um
að bækur gengju á milli manna. Á fundi 20. ágúst árið 1911 var kjörin
nefnd til að „íhuga bókasafnsmálið“ og lagði hún meðal annars til nýja
tilhögun á kosningu bókavarðar, sem áður fylgdi aðalfundarstörfum.
Bókavörður skyldi samkvæmt henni hafa tvo aðstoðarbókaverði
og þeir allir kosnir á fyrsta fundi í september. Við þessa breytingu
4 Friðrik G. Olgeirsson (2004) Á leið til upplýsingar, 18
5 14. fundur Kvenfélags Reykdæla 2. janúar 1931
Ritsýni úr bókaskrá, ritaðri af
Birni Sigurbjörnssyni í Hrís-
um, sem lengi hafði um sjón
með safn inu. Ljósmynd: Þórdís
Sigur björnsdóttir.