Borgfirðingabók - 01.12.2010, Page 127

127Borgfirðingabók 2010
hafði verið stækkað upp úr 1946 var safnið flutt í risherbergi norður
af leiksviðinu en var síðan flutt í syðra risherbergið fyrir ofan það,
sem eftir stækkunina var borðstofa en við þekkjum nú sem eldhús.
Frá árinu 1964 er þess oft getið í fundargerðum stjórnar bókasafnsins
að þörf sé á bættu húsnæði, ástand þess sé slæmt og bókagjöf Gríms
Þórðarsonar þrengdi að sjálfsögðu að því. Þegar að stækkun hússins
kom 1968 var gert ráð fyrir safninu í sérstöku herbergi í anddyri
viðbyggingarinnar. Reykholtsdalshreppur mun hafa sett fram skilyrði
um pláss fyrir safnið þegar hann samþykkti að taka þátt í stækkun
hússins í það skiptið. Bókafulltrúi ríkisins lofaði einnig tuttugu og
fimm þúsund krónum til innréttinga í safnið gegn jafn háu framlagi
sveitarsjóðs10. Á fundi þann 7. febrúar 1974 kom fram að safnið sé
komið á sinn stað og verði opið tvisvar í viku. Umræður spunnust
um gamlar bækur, sem einhverjir vildu að yrðu fluttar í geymslu
í Borg ar nes. Þá var lögð fram tillaga um að bækurnar skyldu ekki
fluttar, heldur geymdar í safninu og hafðar til sýnis. Í nýja húsnæðið
voru smíðaðar hillur með veggjum úr prófíljárni og viði og úti á gólfi
stóðu stálhillur, sem síðan hefur verið bætt við og þeim snúið í norður
suður. Þá var á 9. áratugnum keyptur lokaður skápur fyrir elsta hluta
safnsins og árið 1996 var Þórdís Sigurbjörnsdóttir fengin til að binda
inn nokkuð af gömlum bókum. Þá hefur stjórn bókasafnsins unnið
að ýmsum lagfæringum á húsnæðinu, klætt vesturvegg og þétt gler í
gluggum.
Fjármál
Lengi vel báru ekki aðrir fjárhagsbyrðar vegna bókasafnsins en
félagið sjálft. Safnið mun hafa fengið ákveðna upphæð af félags-
gjaldinu. Árið 1911 var hún 50 aurar af hverjum félaga og 2 krónur
af utanfélagsmönnum11. Á aðalfundi í byrjun árs 1909 var samþykkt
tillaga um að veita 20 krónur úr félagssjóði „til bókakaupa í
lestrarfjelagið“ 30 krónur á næsta ári og 50 krónur árið 1912. Bjarni
Bjarnason mun hafa séð um að útvega bækur fyrstu árin og barnabarn
hans Bjarni Guðráðsson telur að það hafi hann gert hjá Guðmundi
Gamalíelssyni bóksala og bókaútgefanda. Vigdís Hannesdóttir, fyrsti
10 Fundargerð bókasafnsstjórnar 5. október 1972
11 36. fundur [rétt: 46. fundur!]10. september 1911