Borgfirðingabók - 01.12.2010, Síða 160

160 Borgfirðingabók 2010
öðrum. Í öðru lagi hafa námskeið sem ég hef haldið um árabil um
hesta og hestamennsku sýnt mér að í náttúrulegu umhverfi fer fram
allt annars konar nám.
Námskeiðin byrjuðu á Akranesi um 1990. Hvatamaður að þeim var
Einar Skúlason, en hann hefur lengi unnið að æskulýðsmálum hjá
Akraneskaupstað. Hélt ég námskeiðin lengi vel í samvinnu við
Akraneskaupstað, en nú eru þau haldin að Kúludalsá á vegum Náms-
hesta.
Markmið námskeiðanna er að kenna börnum að umgangast hesta
og leiðbeina þeim við ásetu og stjórnun. Það vakti fljótlega athygli
mína hvað börnin tóku vel eftir öllu þegar við vorum að vinna með
hestana og hvað þau lögðu sig fram að gera rétt. Það var engu líkara
en nærvera hestanna hefði jákvæð áhrif á athygli þeirra og virðingu.
Þau skildu fljótt að þau þurftu að ná góðu sambandi við hestinn
sinn. Þau þurftu að virða hugsanir hans og tilfinningar en einnig
að taka forystuna í samskiptunum við hann. Þarna er um nokkur
mjög krefjandi viðfangsefni að ræða sem börnin þurftu að takast á
við á sama tíma og þau lögðu sig mjög fram um að gera rétt.
Það var mjög athyglisvert að sjá að vinnan með hestana virtist
henta flestum börnum. Sú hugsun sótti fljótlega mjög sterkt á mig
Á námskeiði heima á Kúludalsá. R.Þ.