Borgfirðingabók - 01.12.2010, Síða 161

161Borgfirðingabók 2010
að í þessu umhverfi og í návist hestanna færi fram mjög sérstakt
nám. Svona hafði ég ekki séð áður og mér fannst að það þyrfti að
reyna að nýta hestana við almenna grunnskólakennslu til að kenna
náttúrufræði og jafnvel fleiri námsgreinar. Það má vel koma fram
hér að agavandamál eru óþekkt fyrirbæri á námskeiðunum. Það segir
sína sögu.
Námshestar verða til
Námshestar urðu til sem „viðskiptahugmynd“ á útmánuðum 2007,
þegar ég sótti námskeið á vegum Iðntæknistofnunar sem nefnist
Brautar gengi og er ætlað konum sem vilja hefja eigin atvinnurekstur.
Undir handleiðslu frábærra kennara þróaði ég hugmyndina um úti-
kennslu í náttúrufræði með áherslu á notkun hesta til að vekja og virkja
áhuga nemenda fyrir umhverfinu. Ég naut góðs af félagsskap kvenna
sem allar voru að stíga sín fyrstu skref í átt til sjálfstæðs rekstrar.
Við höfum haldið hópinn síðan, hittumst reglulega og fylgjumst með
hvern ig gengur. Fyrirtækið Námshestar var svo stofnað formlega
fyrir um það bil ári.
Á haustmánuðum 2007 bauð Menntavísindasvið HÍ upp á
viðbótarnám í náttúrufræði fyrir grunnskólakennara. Það tilboð hent-
aði mér ákaflega vel og ég hef fengið tækifæri til að vinna með hug-
myndir um útikennslu undir handleiðslu kennaranna þar, sjá vefinn
nams hestar.is, en þar eru nokkur útikennsluverkefni kynnt. Eitt af
verkefnunum sem ég vann þarna var að halda málþing um útikennslu.
Málþingið var haldið vorið 2009, að hluta til í félagsheimilinu
Miðgarði í Hvalfjarðarsveit og að hluta til á Kúludalsá. Um eitt
hundrað manns komu og troðfylltu félagsheimilið. Frummælendur
á málþinginu voru Hrefna Sigurjónsdóttir og Eggert Lárusson, bæði
kennarar við HÍ, einnig Ingibjörg Daníelsdóttir kennari og bóndi á
Fróðastöðum í Hvítársíðu, Helgi Grímsson skólastjóri Sjálandsskóla
og Margrét Pála Ólafsdóttir framkvæmdastjóri Hjallastefnunnar. Mál-
þing ið heppnaðist gríðarlega vel. Frummælendurnir voru hver öðrum
betri. Við veitingarnar í Miðgarði fékk ég mikla og góða aðstoð. Ég
má til með að nefna sérstaklega þau Magnús Þorgrímsson bróður
minn og Sigrúnu Sigurgeirsdóttur vinkonu mína, en fleiri komu
að verki. Veðrið setti aftur á móti dálítið strik í reikninginn vegna
þess að hluti af málþinginu átti að fara fram á umhverfisstígnum í