Borgfirðingabók - 01.12.2010, Qupperneq 165

165Borgfirðingabók 2010
að ræða kennslu sem fer fram utan skólastofunnar. Það er ekki skil-
yrði að hún fari alltaf fram úti undir beru lofti. Hjá Námhestum fer
hluti kennslunnar fram undir þaki, en í húsakynnum sem tengjast
við fangs efninu á bóndabæ, í hesthúsi og í reiðskemmu. Oftast er þó
verið úti. Nokkrir af kostum útikennslunnar hjá Námshestum eru:
a. Fjölbreytni og sveigjanleiki
útikennslan býður upp á mikla fjölbreytni og sveigjanleika. Í henni
er auðvitað fjallað um viðfangsefnin á faglegan hátt en jafnframt lögð
áhersla á persónulega upplifun nemendanna og að þeim gefist
tækifæri til að nota öll skilningarvitin við námið. Nemendur læra um
landslag og landmótun, dýr og gróður. Lögð er áhersla á að þeir beri
virðingu fyrir lífríkinu. Þeir þurfa að læra að vera úti, spá í veðrið og
klæða sig í samræmi við veðurhorfur. útikennslan er sveigjanlegt
kennsluform og hún mætir nemendanum þar sem hann er staddur. Þá
kemur gjarnan eitthvað í ljós sem nemendur eru góðir í en hafa ekki
haft tækifæri til að sýna áður.
b. Áhersla á samþættingu námsgreina
Í útikennslu er auðvelt að flétta saman námsgreinar í ákveðin þemu.
Námsefnið getur þannig fengið heildrænna og merkingarbærara
samhengi en ella. Sem dæmi má nefna umhverfisstíginn í landi
Kúludalsár. Á honum eru margar stöðvar þar sem staldrað er við
og ýmis fyrirbæri skoðuð. Allt er í rauninni skoðunarvert, bæði
náttúrulegt og manngert og hægt að tengja efnið á ótal vegu, ekki síst
við söguna og lifnaðarhætti fólks fyrr og nú.
c. Áhersla á verklegt nám
Í útikennslunni er bóknám lagt til hliðar en lögð áhersla á það
sem verklegt er, en fyrst og fremst er áherslan á upplifun, að skoða
og ræða um það sem fyrir augu ber. Náttúran sjálf er sem opin bók.
Tenging útináms við list- og verkgreinar er mjög æskileg.
d. Áhersla á náttúruvitund
Með útinámi í náttúrufræði og skyldum greinum fá börn mun
meiri tilfinningu fyrir náttúrunni en við hefðbundna kennslu innan
veggja skólans. Þau öðlast einnig meiri skilning á hættum sem steðja
að náttúrunni og hvernig hægt sé að verja hana áföllum.
Auka þarf þátt útikennslunnar í grunnskólum landsins, einkum
hvað snertir náttúrufræðina. Öðruvísi menntum við ekki nemendur
til meiri náttúruvitundar. Allir þurfa að skynja að við menn erum hluti