Borgfirðingabók - 01.12.2010, Page 176

176 Borgfirðingabók 2010
stað. Við höfum gert dálítið af að tæta landið gróft áður en plantað er.
Það stoppar grasvöxtinn í bili. Hefur þetta gefist nokkuð vel ef sett er
ári eftir að tætt er.
Reynt hefur verið að hafa nokkra fjölbreytni í vali trjátegunda þótt
ákveðnar tegundir séu ríkjandi. Einnig er tekið tillit til jarðvegs við val
á trjám. Við höfum notið aðstoðar sérfræðinga frá Skógræktarfélagi
Íslands við skipulagningu og val á trjám.
Lokaorð
Framtíð félagsins er óræð. Meðalaldur félagsmanna er hár og
fáir nýliðar koma inn. En skógurinn vex og heimsóknum fjölgar í
skóg inn, sem er hið besta mál. Til þess var leikurinn gerður. Það
er gam an að sjá hvaða aðdráttarafl skógurinn hefur þegar hann er
orðinn svo hávaxinn að ekki dugir að standa upp til að sjá yfir trén.
Það er notalegt að ganga í rólegheitum um skógarstíga í góðu veðri
í skjóli trjánna. Þetta er kallað yndisskógur eða útivistarskógur og
er öllum frjálst að ganga um hann með því skilyrði að vel sé gengið
um. Búið er að leggja töluvert af stígum um svæðið. Lengd stíga er
7,0 km. Er þeim haldið við með því að slá þá þrisvar á sumri. Guðjón
Guðmunds son á Arkarlæk hefur séð um það með sínum MF-35 og
sláttu tætara. Þannig að ekki þarf að raka eftir.
Það fækkar heldur þeim félögum sem koma til að vinna við
gróður setningu og önnur störf, en þörfin á vinnuafli eykst að sama
skapi. Nú er svo komið að helst þyrfti að vera þarna starfsmaður í
fullu starfi yfir sumarið til að sinna nauðsynlegri umhirðu um svæðið.
Auk þess þarf að kaupa að vinnuafl í ýmis störf. Það þarf að grisja,
leggja stíga, slá grasflatir, merkja stíga, setja upp bekki o.fl. Ungt
fólk úr sveitafélaginu hefur komið í sumarvinnu undanfarin ár og
unnið vel. Má þar sérstaklega nefna atvinnuátakið síðastliðið sumar í
samvinnu við hreppinn og Skógræktarfélag Íslands, sem gekk mjög
vel. Vonandi verður eitthvert framhald á því.
Innan raða félagsins voru hagyrðingar, sem ortu vísur og bragi
við hátíðleg tækifæri. Ber þar að nefna helsta Valgeir Runólfsson frá
Gröf sem orti þekktan gamanbrag um frægan deilufund um byggingu
járnblendiverksmiðju og Sæmund Helgason frá Galtalæk. Sæmundur
var mikill náttúruunnandi og hafði áhyggjur af verksmiðjubyggingum
í Hvalfirði sem hann tjáði í ljóðinu sem hér fer á eftir