Borgfirðingabók - 01.12.2010, Qupperneq 181

181Borgfirðingabók 2010
Þrjú lög til viðbótar heyrast
stöku sinnum sungin af kvartettum,
eða Má ég fá harðfisk, mjög smell-
ið lag, og hin angurværu Ó, komdu
heim í dalinn og Við sitjum hljóð.
Í nótnaheftinu er höfundar texta
síðast nefnda lagsins ekki getið. Í
fljótu bragði mætti giska á að Þor-
valdur sé sjálfur höfundur. Svo er
þó ekki heldur er það Skagfirð ing-
urinn Friðrik Hansen. Svo virðist
sem erindið hafi losnað frá réttum
höfundi og orðið að eins konar
þjóð stefi því það er notað lítið
breytt inni í texta alþekkts slagara
sem söng konan vinsæla Ingibjörg
Smith söng á hljómplötu árið 1956,
Við geng um tvö. Þar er Friðriks að
engu getið.
Einsöngslög Þorvaldar eru nokkur en hafa því miður lítið heyrst.
Í nótnaheftinu eru aðeins fjögur lög skrifuð þannig að söngrödd og
undirleikur eru aðskilin. Í öðrum lögum leikur hljóðfærið ætíð söng-
línuna. Handrit Þorvaldar komu aldrei í leitirnar eftir að nótna heftið
kom út og þess vegna er óljóst hvort handriti var fylgt nákvæm lega
eða ekki.
Aðdáendur Robert Schumann munu sumir kannast við lag sem
heitir Käuzlein. Þorvaldur þýddi kvæðið og kallaði Uglu-ungann og
samdi lag við og er það einna efnismest einsöngslaganna. Vel má
geta sér þess til að hann hafi í þessum texta fundið lýsingu á eigin lífi
og mótlæti því sem hann mátti þola.
Sigurjón Guðjónsson, síðar prófastur í Saurbæ á Hvalfjarðarströnd,
og Þorsteinn Ö. Stephensen, sem varð síðar einn þekktasti leikari
þjóðarinnar og lengi leiklistarstjóri útvarpsins, voru meðal bestu vina
Þorvaldar og samtíma honum í menntaskóla. Þeir eiga báðir texta
í nótnaheftinu. Þorsteinn semur texta sem hann nefnir Ævintýr en
Sigurjón þrjá, þar á meðal við áðurnefnt lag, Ó komdu heim í dalinn.
Auk þess þýðir Sigurjón ljóð eftir J.P. Jacobsen hinn danska (Til
mömmu).
Þorvaldur Blöndal. Héraðsskjalasafn.