Borgfirðingabók - 01.12.2010, Qupperneq 191

191Borgfirðingabók 2010
Rekstur sveitarfélagsins
Rekstur Borgarbyggðar var þungur á árinu 2009. Strax í árslok 2008
var ljóst að það stefndi í tekjufall vegna erfiðleika í atvinnulífinu.
Stöðugildum hjá fyrirtækjum fækkaði verulega og má ætla að bara
í bygginga- og verktakaiðnaði hafi stöðugildum fækkað um tæplega
300 á síðari hluta árs 2008 og á árinu 2009. Í kjölfar þessa jókst
atvinnuleysi og varð á bilinu 4 til 6%. Mest varð atvinnuleysi á
vormánuðum, en síðan dró verulega úr því yfir sumartímann, en það
jókst síðan aftur í árslok og var þá rúmlega 5%. Íbúum sveitarfélagsins
fækkaði mikið á árinu 2009, fækkunin var 5.4% eða um 204 íbúa.
Þetta er gríðarleg breyting frá undanförnum árum. Árið 1982 voru
íbúar í Borgarbyggð um 3500 en fækkaði jafnt og þétt næstu árin
og voru rétt um 3300 árið 1999. Eftir það fjölgaði íbúum hins vegar
hratt næstu árin og urðu flestir 3765 um mitt ár 2008. Fækkun íbúa
á árinu 2009 var mest í Borgarnesi, en einnig varð töluverð fækkun
á Hvanneyri og á Bifröst auk þess sem íbúum fækkaði lítillega í
dreifbýli.
Aukið atvinnuleysi og fækkun íbúa dró úr útsvarstekjum sveitar-
félags ins auk þess sem lægri skatttekjur ríkissjóðs leiddu til sam-
dráttar í framlögum Jöfnunarsjóðs sveitarfélaga. Þessu tekjufalli varð
að mæta með samdrætti og hagræðingu í rekstri sveitarfélagsins og
náðist að lækka rekstrarkostnað milli áranna 2008 og 2009 um 4.9%
eða 118 milljónir.
Hagræðing í rekstri hafði áhrif á þjónustu einstakra stofnana.
Þann ig var opnunartími á leikskólum og í tómstundaskólum styttur
sem og opnunartími íþróttamiðstöðva og Safnahúss. Dregið var úr
kennslumagni í tónlistarskóla og einnig úr viðhaldi gatna og mann-
virkja og minna fjármagn veitt til umhirðu og umhverfismála. Loks
var ítrasta aðhalds gætt í vöru- og þjónustukaupum. Hins vegar var
það yfirlýst stefna sveitarstjórnar að standa vörð um félagsþjónustu
Borgarbyggðar í því ölduróti sem samfélagið gekk í gegnum og voru
fjárveitingar til þjónustunnar auknar og fjármagnið nýtt m.a. til að
ráða félagsráðgjafa til starfa.
Í samráði við Akraneskaupstað og Hvalfjarðarsveit var farið í
stórt verkefni með Strætó bs. um að stórefla almenningssamgöngur á
sunnan verðu Vesturlandi. Í þessu fólst að boðið var upp 4 til 8 ferðir á
dag milli Borgarness og höfuðborgarsvæðisins. Því miður gekk þetta
verk efni ekki sem skyldi og var því hætt á haustmánuðum.