Borgfirðingabók - 01.12.2010, Side 202

202 Borgfirðingabók 2010
ingu prófessora, m.a. erlendis frá. Flestir starfsmenn okkar í stoð-
deildum skólans hafa lokið meistaraprófi og er mikil áhersla lögð á
það af hálfu skólans.
Í hluta meistaranámsins, einkum í viðskiptadeild, er frá 2009 hægt
að ljúka prófi með fleiri námskeiðum án þess að skrifa hefðbundna
meistararitgerð í námsleiðum sem einkennast meira af vilja nemenda
til raunhæfs náms en minna til ítarlegra rannsókna. Það hefur gefist
vel að hafa slíkt val, en þetta er algengt erlendis.
Nú er meira en helmingur nemenda skólans í blöndu af fjar- og
stað námi en innan við helmingur nemenda er nú búsettur hér á Bif-
röst. Við mætum þessari fjölgun fjarnema með aukinni þjónustu.
Fjar nem ar koma á vinnuhelgum á Bifröst og gengur það vel. Nær
allar helgar er vinnuhelgi í einhverri af námsleiðunum á Bifröst. Á
Bif röst er kennt 50 vikur af þeim 52 sem eru í árinu fyrir utan hinar
hefð bundnu tvær vikur um jól.
Skólinn hefur lagt mikla áherslu á hið þríþætta hlutverk sitt að
vera háskóli, undirbúa fyrir háskólanám með frumgreinadeild og vera
símenntunarskóli með Mætti kvenna, verslunarstjórnarnámi, námi í
Rekstri smærri fyrirtækja og fleiri styttri námsleiðum auk þess að
gefa fólki gott tækifæri að koma aftur til náms, dvelja á Bifröst með
börn og vera í fyrsta flokks umhverfi, m.a. fyrir einstæða foreldra.
Fjölmörg börn og unglingar búa á Bifröst. Hér er öflugur leikskóli
(Hjallastefnan) og góður grunnskóli á Varmalandi sem skipta miklu
máli svo og hinn nýi menntaskóli í Borgarnesi.
Skólinn hefur unnið nýja stefnu fyrir skólann fyrir árin 2008-
2012 og mun halda áfram að mennta forustufólk fyrir atvinnulíf og
samfélag og skerpa sín vinnubrögð og sérstöðu enn frekar og vera
áfram mikilvægur þáttur í mannlífi í Borgarfirði.