Tímarit lögfræðinga - 01.12.2013, Blaðsíða 57

403
Hafsteinn Dan Kristjánsson
er aðstoðarmaður umboðsmanns Alþingis
og aðjúnkt við lagadeild Háskóla Íslands.
Hafsteinn Dan Kristjánsson:
NOKKUR ORÐ UM LÖGSKÝRINGARLEIÐIRNAR •1
EFNISYFIRLIT
1. SKOÐANIR FRÆÐIMANNA UM LÖGSKýRINGAR-
LEIÐIRNAR
2. GLUGGAÐ Í LÖGSKýRINGARLEIÐIRNAR
2.1 Hinn merkingarfræðilegi rammi o.fl.
2.2 Nánar um inntak lögskýringarleiðanna
3. TENGSL LÖGSKýRINGARLEIÐAR VIÐ LAGAREGLUNA
1. SKOÐANIR FRÆÐIMANNA UM LÖGSKýRINGAR-
LEIÐIRNAR
Í dómsforsendum er stundum stuðst við orðalag á borð við að túlka
beri lagaákvæði þröngt eða rúmt; eða þá í samræmi við (skýrt)
orðalag þess. Hafa þetta verið nefndar lögskýringarleiðir. Eru þær
almennt taldar vera þrjár: almenn lögskýring, rýmkandi lögskýring
og þrengjandi lögskýring. Við lestur íslenskra fræðirita á sviði lög-
skýringarfræði virðist mega draga þá ályktun að uppi sé ágreining-
ur meðal fræðimanna um eðli lögskýringarleiðanna – inntak hug-
takanna. Lýsir hann sér í fyrsta lagi í því að annars vegar hafa fræði-
menn skýrgreint hugtökin út frá orðalagi lagaákvæðis og hins vegar
1 Ég færi þeim Flóka Ásgeirssyni og Vilhelmínu Ósk Ólafsdóttur, lögfræðingum hjá
embætti umboðsmanns Alþingis, þakkir fyrir að hafa lesið drög að greinarkorninu og
komið með athugasemdir um það sem betur mætti fara.
• Þessi grein hefur staðist þær fræðilegu kröfur sem gerðar eru samkvæmt verklags- og
ritrýnireglum Tímarits lögfræðinga.