Rökkur : nýr flokkur - 01.06.1969, Síða 38

Rökkur : nýr flokkur - 01.06.1969, Síða 38
heyrt nefnda á nafn þá, sem drengilegast börðust fyrir því, að þjóðin eignaðist sinn eigin fána, þótt þeir yrðu að sætta sig við þau vonbrigði, að þjóðfáninn yrði af armarri gerð en sá var, sem þeir höfðu barist fyrir. Vonandi verður uppfræðsla í þessum efn- um, svo sem vera ber í skólum landsins á komandi tímum. Lestur áðurnefndrar blaðagreinar varð til þess, að ýmsar gaml- ar minningar vöknuðu í huga mínum frá þeim tíma, er Reykja- vík var lítill bær, þar sem danskir fánar blöktu við hún, þegar flaggað var, sem var ærið oft. Aðra fána gat þó að líta og eru mér minnisstæðastir frá fyrstu bernskuárunum franski fáninn hjá Zimsen, er var ræðismaður Frakka, og fáni Hjálpræðishersins, en þetta var laust eftir aldamótin og bernskuheimili mitt var við Austurvöll, í grennd við Frönsku húsin, sem voru norðan vallar- ins, í grennd einnig við Herkastalann gamla. Og svo var líka blár og hvítur fáni sömu gerðar og Þorbjörg Sveinsdóttir saumaði, á annarri af tveimur stöngum í garðinum okkar. Ég minnist smáatviks frá þesum árum. Ég var að vappa kring- um móður mína í eldhúsi, en þar sat á stól við eldhúsborðið vatns- berinn okkar, Jóu að nafni, oft kallaður hringjari, kátur karl, einkum ef hann var ofurlítið hýr, sem gat komið fyrir. Hann var nýbúinn að fylla vatnstunnuna frammi í skúr, en vatnið var sótt í póstinn við Aðalstræti, og handvagn með tunnu á notaður til flutninganna. Og nú var þessu lokið í þetta skiptið og Jón beið eftir kaffinu. — Af hverju er flaggað í dag, Jón? spurði móðir mín, þegar hún hellti í bollann hans. — O, það er nú enginn annar en kóngurinn, sem á gebúrtsdag í dag, sagði Jón dálítið drjúgur. Gamla Reykjavík hafði sem sé sett upp Dannebrogshattinn þennan dag. „Hún bar nokkuð drembin sinn Dannebrogshatt og dálítinn umskiptingskeim . . .“ segir í kvæði Þorsteins um Jörund hundadagakóng, og svipurinn þennan dag var sennilega ekki ýkja mikið breyttur. Á þessum tíma er þjóðin farin að finna æ betur nýjan þrótt í æðum. Það má vafalaust rekja langt aftur í tímann og þakka baráttu Eggerts 32

x

Rökkur : nýr flokkur

Beinleiðis leinki

Hvis du vil linke til denne avis/magasin, skal du bruge disse links:

Link til denne avis/magasin: Rökkur : nýr flokkur
https://timarit.is/publication/1772

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.