Íslenska þjóðfélagið - 23.12.2021, Page 60

Væntingar Íslendinga og hugmyndir innflytjenda um aðlögun innflytjenda að íslensku samfélagi
60 ..
Tíðasta gildi aldurs í könnunni fyrir innflytjendur var á bilinu 26–40 ára (59%), á meðan fæstir eða
innan við 1% voru á aldrinum 67 ára og eldri. Flestir eða rúmlega 50% þátttakenda höfðu lokið há-
skólanámi, en um 4% sögðu að grunnskólapróf væri þeirra hæsta prófgráða. Af þeim sem gáfu upp
tekjur sögðust flestir vera með mánaðartekjur á bilinu 200–399 þúsund krónur á mánuði eða um
48%. Fæstir sögðust vera með 1.200 þúsund krónur í mánaðartekjur eða innan við 1%. Langflestir
sögðust vera í fullu starfi eða um 74%. Fæstir sögðust vera í fæðingarorlofi eða tæp 3%. Um 58%
þátttakenda töldu að þeir myndu ekki búa lengur en 10 ár á Íslandi á meðan um 42% þátttakenda
höfðu lengri búsetuáform (N=868).
Viðhorf Íslendinga
Þrjár lykilspurningar um samlögunar- og samþættingarvæntingar Íslendinga til innflytjenda voru
um íslenskunám, hvort taka bæri upp siði og venjur heimamanna og hvort innflytjendur ættu að tala
íslensku við börnin sín. Íslendingar eru flestir sammála því að innflytjendur eigi að læra íslensku.
Dreifingin er á einn veg og eru um 85% þátttakenda sammála staðhæfingu um að innflytjendur verði
að læra íslensku. Um 8% eru henni frekar ósammála og 7% eru henni hvorki sammála né ósammála

50,5%
35,3%
6,9% 5,5%
1,7%
Mjög sammála Frekar
sammála
Hvorki sammála
né ósammála
Frekar
ósammála
Mjög ósammála
%
Mynd 1. Svör Íslendinga: Útlendingar sem koma til að búa í sveitarfélaginu okkar verða að
læra íslensku
Þegar spurt var hvort innflytjendur ættu að taka upp siði og venjur Íslendinga dreifðust svörin
tiltölulega jafnt á svarmöguleikana. Voru um 42% þátttakenda því sammála á meðan 36% voru því
ósammála og 22% hvorki sammála né ósammála (mynd 2).