Heilbrigt líf - 01.12.1950, Side 24

einnig örðugt með að nefna bókstafi, orð og setningar.
Sama máli gegnir um réttritun, vill þá mjög bera á mis-
ritun.
Sjúkdómur þessi er ekki sjaldgæfur, en oft er hann á
mismunandi stigum. Oftast er hægt að bæta þetta að
fullu með sérstökum kennsluaðferðum. Ef sjúkleiki þessi
er á háu stigi, er áríðandi, að hafizt sé fljótt handa og
sjúklingnum komið í kennslu til sérfróðra kennara. Að
öðrum kosti getur vangeta þessi valdið alvarlegum sál-
rænum truflunum, svo sem mikilli vanmetakennd og jafn-
vel þunglyndi.
Fávitahætti má skipta í tvo höfuðflokka, eins og áður
var sagt, hinn arfgenga og hinn óarfgenga, og er sá
flokkurinn miklu fámennari.
Orsakir hins óarfgenga fávitaháttar eru afleiðingar
ýmissa heilasjúkdóma eða áverka eða skemmda á heila,
sem annaðhvort hefur orðið við fæðingu eða á unga aldri
barnsins.
Sumir læknar hafa álitið, að fóstrið geti sýkzt af
heilabólgu, og geti bólgan valdið fávitahætti barnsins.
Slíkt er erfitt að sanna. En hitt er víst og sannað, að
sárasótt (syphilis) er stundum meðfæddur kvilli og hefur
fóstrið sýkzt af móður sinni, og getur sárasóttin sýkt
heila barnsins og valdið fávitahætti. Einnig getur lengd
meðgöngutíma og næringarástand fóstursins valdið nokkru
um sálrænan vanþroska barnsins. Börn, sem fæðast löngu
fyrir tíma og eru mjög lítil og létt við fæðingu, ná sjaldn-
ast fullum sálrænum þroska. Þannig er um börn, sem
vega minna en 1 kg. við fæðingu, að þau ná sjaldan full-
um sálrænum þroska. Við seinar og erfiðar fæðingar,
auk þess við tangarfæðingar, blæðir stundum á heila
barnsins, og ef blæðingar eru miklar, geta þær valdið svo
miklum skemmdum á heila barnsins, að fávitaháttur hljót-
ist af. Enginn má gleyma, að næringar- og fjörefnaskortur
118
Heilbrigt líf