Íslensk bókatíðindi - 01.12.1990, Qupperneq 39

tiandbækur
SPIL OG SPÁDÓMAR
Þýðandi: Óskar Ingimarsson
Hvaða vitneskju getum við fengið
um framtíð okkar og örlög? í þess-
ari bók eru lesendum kynntar
margar þær aðferðir sem menn
hafa þekkt í aldaraðir til að sjá fyrir
óorðna hluti. Hvort sem menn trúa
á spádóma eða ekki, þá er hér um
mikinn fróðleik að ræða um dulda
krafta og áhrif þeirra á örlög
manna. Hér er horft inn í framtíð-
ina, fjallað um spilaspár, stjörnu-
speki, lófalestur, draumaráðningar
og margt fleira.
136 blaðsíður í stóru broti og
með mörg hundruð teikningum.
Setberg.
Verð: 1680 kr.
FERMINGARKVERIÐ
Sr. Páll Pálsson á
Bergþórshvoli
Ný handbók fyrir barnalærdóminn.
Það er óvenjulegt við form hennar,
hvað hún er líflega sett upp með
fjölda teikninga og Ijósmynd. Þá er
textinn að mestu leyti settur sam-
an úr spurningum og svörum til að
örva áhugann. Hér eru allir megin-
þættir barnalærdómsins, útskýring
skírnar og fermingar. Lýst eðli
Guðs, Sonar og Heilags anda.
Boðorðin, Faðirvorið og Trúarjátn-
ingin sett upp fagurlega og út-
skýrð.
176 blaðsíður.
Fjölvi/Vasa.
Verð: 1680 kr.
ÍSLENSK SKIP l-IV
Jón Björnsson frá
Bólstaðarhlíð
Þetta fjögurra binda verk geymir
ómetanlegan fróðleik um öll þau
skip og báta sem skráð hafa verið
á Islandi frá upphafi skipaskrán-
ingar. Bækurnar eiga erindi til allra
þeirra sem áhuga hafa á sjó-
mennsku og sjósókn, enda óhætt
að fullyrða að hvergi sé að finna
viðameiri heimild um þróun og
sögu íslenska skipaflotans. Hér er
rakin saga á fjórða þúsund skipa
og sagt frá eigendum þeirra, auk
þess sem í verkinu er nær hálft
þriðja þúsund mynda.
Iðunn.
Verð: 18880 kr.
LÆRIÐ AÐ PRJÓNA
Erla Eggertsdóttir
Lærið að prjóna er afar handhæg
og aðgengileg bók, sú fyrsta sinn-
ar tegundar á íslensku. Hér er að
finna öll undirstöðuatriði og grunn-
aðferðir fyrir þá sem eru að fitja
upp í fyrsta sinn, og hugmyndir,
fróðleik og ýmsar útfærslur á
prjóni fyrir þá sem lengra eru
komnir, svo sem ítarlegar leiðbein-
ingar um munsturprjón, t.d. klukku-
prjón og kaðlapjón, útreikningar á
stærðum og frágang. Mikill fjöldi
skýringarmynda er í bókinni sem
auðveidar notkun hennar.
Iðunn.
Verð: 2280 kr.
SPILAKAPLAR AB
Þórarinn Guðmundsson
Fjölbreytni kapla er mikil og talið
er að þeir séu fleiri en önnur spil til
samans og meira spilaðir. í bók
þessari er lýst mörgum þeim köpl-
um sem hafa náð hvað mestum
vinsældum, hér á landi sem er-
lendis. Víða hefur verið leitað
fanga, bæði í bókum og með sam-
tölum við kapalspilara.
Margir kaplar eru þess eðlis
að auðvelt er að gera úr þeim
skemmtileg spil fyrir tvo eða fleiri.
Því eru einnig nokkur kapalspil
með í þessari bók.
189 blaðsíður.
Almenna bókafélagið.
Verð: 2190 kr.
ÍSLENSKA KYNLÍFSBÓKIN
Óttar Guðmundsson
íslenska kynlífsbókin fjallar á hisp-
urslausan hátt um alla helstu þætti
kynlífsins. Nöfn meginkaflanna
gefa góða hugmynd um efni bók-
arinnar. Kaflarnir nefnast: Kynlífs-
sagan, Fyrsta kynþróunin, Kyn-
færin, Kynhegðun, Samskipti kynj-
anna, Kynlífið, Kynlífsvandamál,
Getnaðarvarnir, Klám og vændi,
Samkynhneigð, Afbrigðilegt kynlíf
og Kynsjúkdómar. Höfundurinn,
Óttar Guðmundsson, nam læknis-
fræði við H.í. og lauk doktorsprófi
frá Gautaborgarháskóla 1984.
256 blaðsíður.
Almenna bókafélagið.
Verð: 3482 kr.
LÍKAMSTJÁNING
Að lesa hug manns af látbragði
hans
Allan Pease
Bjöm Jónsson íslenskaði
Bókin Líkamstjáning kennir þér að
ráða í hugsanir fólks út frá hreyf-
ingum og látbragði þess. Höfundur
bókarinnar er sérfræðingur á sviði
líkamstjáningar - samskipta án
orða. Af bókinni geturðu margt og
mikið lært: Séð hvort fólk er að
Ijúga, bætt eigin framkomu, fengið
fólk til að vinna með þér, lært að
stjórna viðtölum og jafnvel krækt
þér í heppilegan lífsförunaut.
150 blaðsíður.
Almenna bókafélagið.
Verð: 2004 kr.
ALLT UM NUDD
Lucinda Lindell og Sara
Thomas o.fl.
Bókin inniheldur skýrar leiðbein-
ingar sem koma öllum að notum
sem hyggjast leggja stund á nudd.
Snerting er hverjum manni nauð-
synleg, nudd stuðlar að slökun og
vellíðan, dregur úr streitu, spennu
og linar sársauka. Hendur okkar
eru undursamleg verkfæri og
þessi bók kennir handtök og að-
ferðir á skýran og auðveldan hátt.
Fjöldi mynda og teikninga er í bók-
inni.
194 blaðsíður.
Skjaldborg hf.
Verð: 2600 kr.