Bókatíðindi - 01.11.2023, Síða 31

IB
Sumar með Rebekku
Höf: Þórarinn Örn Þrándarson
Listmálarinn Erik býr í foreldrahúsum undir ströngu
eftirliti móður sinnar. Eitt sumar verður Erik yfir
sig ástfanginn af Rebekku. Þrátt fyrir vanþóknun
móður Eriks á ástarsambandinu upplifir Erik
hamingjusömustu daga ævi sinnar. Á mörkum bjartrar
framtíðar og nýs lífs á Langafirði er Erik jafnframt á
barmi myrkurs sem á eftir að umsnúa lífi hans.
221 bls.
Viðja Jewelry
KIL HLB
Svikabirta
Höf: Ingi Markússon
Fáeinum árum eftir að himnarnir opnuðust eru
grimmileg morð framin á heimskautinu. Sú eina sem
getur stöðvað morðingjann er norn sem er fangelsuð
í fjarlægu landi. Í Svikabirtu dregur Ingi Markússon
lesendur enn lengra inn í hélaðan heiminn sem hann
skóp með fyrstu skáldsögu sinni, Skuggabrúnni, sem
vakti mikla athygli og einróma lof gagnrýnenda.
312 bls. / klst.
Sögur útgáfa
IB RAF HLB
Sæluríkið
Höf: Arnaldur Indriðason
Mögnuð og áleitin saga um brostna drauma,
kalda grimmd og fólk sem á stórra harma
að hefna. Líkfundur við Hafravatn hleypir af
stað óvæntri atburðarás og upprifjun gamalla
frétta og sakamála verður til þess að heiftúðugt
andrúmsloft kaldastríðsáranna leitar á huga
Konráðs sem var lengi í lögreglunni. Geysivel
fléttuð bók frá meistara glæpasögunnar.
286 bls.
Forlagið - Vaka-Helgafell
KIL
Töfrar duftsins
Höf: Sveinn Snorri Sveinsson
Fyrir um tíu þúsund árum býr ættbálkur sem kallar
sig Nútímafólkið í Vestur-Evrópu. Á meðal þeirra
er ungur maður sem heitir Sindros sem kemst í
kynni við Baldar töfralækni Bláa fólksins. Hann
varðveitir leyndardóm sem reynist örlagavaldur í
lífi Sindrosar eftir að hann tekst á hendur hlutverk
sem enginn veit hvort hann getur uppfyllt.
220 bls.
Deus
KIL
Umbrot
Höf: Sigurjón Bergþór Daðason
Pétur lifir kyrrlátu lífi, vinnur við að smíða gervilimi
og aðstoðar vin sinn sem hannar íslenskan talgervil.
Hann er flæktur í heim eftirlíkinga, en þegar
hann neyðist skyndilega til að horfast í augu við
fortíð sína sækja að honum erfiðar spurningar
sem hann hefur hingað til látið ósvarað.
200 bls.
Bókaútgáfan Sæmundur
KIL RAF HLB
Sólskinshestur
Höf: Steinunn Sigurðardóttir
Áhrifamikil saga um ástlausan uppvöxt í stóru húsi
og óhöndlanlega hamingju, um draumóra og kaldan
veruleika, æskuást sem týnist og birtist á ný, djúpa
sorg – og um dauðann. Þessi einstaka skáldsaga, í
senn bráðfyndin og nístandi sár, kom fyrst út 2005
og er ein skærasta perlan í höfundarverki Steinunnar.
Guðrún Steinþórsdóttir skrifar eftirmála.
Forlagið
IB RAF HLB
Steinninn
Höf: Ragnheiður Gestsdóttir
Steinunn Sumarliðadóttir hefur boðið til veislu, enda
á hún sjötugsafmæli og því ber að fagna. Á svona
tímamótum er til siðs að líta yfir farinn veg en óvænt
afmælisgjöf verður til þess að Steinunn kýs að rífa af sér
alla fjötra síns fyrra lífs og fljóta á vit hins óvænta.
192 bls. / klst.
Björt bókaútgáfa - Bókabeitan
SVK
Stjörnufallseyjur
Höf: Jakub Stachowiak
Myndh: Marta María Jónsdóttir
Draumkennd frásögn um söknuð og sorg dregur fram
andstæður í hverfulum heimi. Líkamar skjálfa, borgir
verða að lófum, hornlausir einhyrningar birtast og
gamlar konur baða sig við ljósið í myrkrinu. Og svo
eru líka leyndardómsfullar dyr, hvít hús sem fljóta
á nætursvörtu vatni og hvíslandi trjágreinar.
71 bls.
Dimma
KIL
Strákar sem meiða
Höf: Eva Björg Ægisdóttir
Maður finnst myrtur í sumarbústað í Skorradal.
Á veggnum fyrir ofan hann hafa verið skilin
eftir blóðug skilaboð. Elma, sem aðdáendur Evu
Bjargar þekkja úr fyrri bókum hennar, glímir hér
við sérlega erfitt mál sem teygir anga sína víða um
samfélagið og tugi ára aftur í tímann – ekki síst
eftir að gömul dagbók ungs drengs finnst.
370 bls.
Veröld
KIL RAF HLB
Sumarblóm og heimsins grjót
Höf: Sigrún Alba Sigurðardóttir
Grípandi örlagasaga um ást og vináttu, flókin
fjölskyldubönd og aðferðir fólks til að bjarga sér á
fyrri hluta 20. aldar. Þegar Sóley stendur ein uppi með
nýfætt barn þarf hún að gangast undir samkomulag
sem færir henni bæði frelsi og fjötra. Áföllin dynja
yfir en seiglan fleytir henni langt. Fyrsta skáldsaga
höfundar, innblásin af sönnum atburðum.
295 bls.
Forlagið - Mál og menning
B Ó K A T Í Ð I N D I 2 0 2 3 31GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa
Skáldverk ÍSLENSK