Bókatíðindi - 01.11.2023, Qupperneq 43

IB SVK
Kvæði & sögur
Höf: Edgar Allan Poe
Loksins á íslensku! Myndarlegt úrval af kvæðum
og sögum þessa brautryðjanda vestrænna
nútímabókmennta, sannkölluð stórbók með
þýðingum frá fyrri tíð, en líka glænýjum þýðingum
eftir marga kunna þýðendur. Ástráður Eysteinsson
bókmenntafræðingur ritar ítarlegan inngang
um höfundarverkið og þýðingarnar.
498 bls.
Dimma
SVK
Leiðir hugann seiður
Höf: Bragi Björnsson
Bragi Björnsson frá Surtsstöðum (1929-2011) var
gott og afkastamikið ljóðskáld og í bókinni birtist
aðeins hluti af áður óprentuðum kveðskap hans.
Yrkisefnin eru fjölbreytt, mannlífið í víðum skilningi
og hin lifandi náttúra skipa þar heiðurssæti ásamt
ljóðum um sögulegt efni. Áður hafa komið út eftir
Braga bækurnar Agnir og Laðar nótt til ljóða.
167 bls.
Félag ljóðaunnenda á Austurlandi
SVK
Ljóð fyrir klofið hjarta
Höf: Helen Cova
Myndir: Rubén Chumillas
Skáldið fer með þér í innilegt ferðalag um landslag
tilfinninga og endurómar hvísl tveggja heima.
Þessi ljóð blanda fallega saman Íslandi og Venesúela
og skapa einstakan samruna sem fagnar bakgrunni
skáldsins á sama tíma og skáldið kannar andstæðurnar
milli hennar fyrsta og núverandi heimilis.
56 bls.
Karíba útgáfa
KIL
Myndskreytt ljóðabók
Ljósbrot
Höf: Lísa María Jónsdóttir
Með því að seilast eftir orðum hugans kafar
höfundur dýpra í sína innri verund til að þroska
sjálfa sig og efla. Fallega myndskreytt ljóðabók
sem jafnframt er þriðja bók höfundar.
120 bls.
Lísa María Jónsdóttir
KIL
Hrópað úr tímaþvottavélinni
Höf: Guðmundur S. Brynjólfsson
„Í dag eru teknar milljónir mynda. Þær eru helst
aldrei skoðaðar. Enda ekki teknar til þess. Heldur
til að drepa tímann. Festa tímann. Frysta tímann.
Ef tíminn er þá til.“ Hvergi fremur en í þessari
angursáru bók ljóða og athugasemda gefur að líta
skorinorðari greiningu á stöðu nútímamannsins –
þess manns sem virðist úreltur fyrir aldur fram.
72 bls.
Bókaútgáfan Sæmundur
KIL
Hugleiðingar
Miðaldra, hvítur, íslenskur, sískynja,
gagnkynhneigður karlmaður yrkir um samtímann og
farinn veg
Höf: Gísli Jökull Gíslason
Hér er ort um miðaldra, hvítan, íslenskan, sískynja,
gagnkynhneigðan karlmann sem hefur það ansi gott.
Það er of lítið ort um slíka menn. Þemu bókarinnar eru
samfélagsskoðun, lífsspeki og minnisstæð augnablik.
Sum eru gamansöm en önnur eru alvarlegri. Ljóðin
tala sínu máli og best skoða og máta sig við þau.
Höf. er rannsóknarlögregla og rithöfundur
60 bls.
Bókaútgáfan Sæmundur
IB RAF
Í myrkrinu fór ég til Maríu
Höf: Sonja B. Jónsdóttir
Árið 1989 varð Sonja fyrir því skelfilega áfalli
að missa 19 ára dóttur sína í bílslysi í blóma
lífsins. Í þessari ljóðabók fer hún með lesandann
í gegnum það sem beið hennar eftir andlát
dótturinnar – allt fram á daginn í dag.
80 bls.
Veröld
KIL
Kurteisissonnettan og önnur kvæði
Höf: Gunnar J. Straumland
Frá unglingsárum hefur Gunnar ort, bæði háttbundin
kvæði og frjálsari í formi. Undanfarna áratugi hefur
hann einbeitt sér að margbreytileika íslenskra
bragarhátta og yrkir undir fjölbreyttum háttum.
Hann er virkur í starfi Kvæðamannafélagsins
Iðunnar og Kvæðamannafélagsins Snorra
í Reykholti. Kurteisissonnettan og önnur
kvæði er önnur bók hans.
236 bls.
Bókaútgáfan Sæmundur
B Ó K A T Í Ð I N D I 2 0 2 3 43GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa
Ljóð og leikhandrit