Bænavikan - 04.11.1972, Blaðsíða 49

hvíld. Við skulum með augum trúarinnar skoða framtíðar-
heimili okkar eins og það er opinberað okkur af Guði. Sá, sem
dó fyrir synd heimsins, opnar hlið Paradísar öllum þeim, er
hans bíða. Brátt er baráttan á enda og sigurinn unninn. Brátt
munum við sjá hann, sem eilífðarvon okkar byggist á. I ná-
vist hans munu reynslur og þjáningar þessa lífs virðast smá-
vægilegar. „Hið fyrra mun engum í hug koma."
Varpið eigi frá yður djörfung yðar
„Varpið því eigi frá yður djörfung yðar, er mikla umbun
hefur, því að þolgæðis hafið þér þörf, til þess að þér úr býtum
berið fyrirheitin, er þér hafið gert Guðs vilja. Því að innan
harla skamms tíma mun sá koma, sem koma á, og ekki dvelst
honum.“ Hebr. 10, 35—37.
Lítið upp, og látið trúna vaxa og vísa til vega á hinni mjóu
braut, sem liggur gegnum borgarhliðin til hins mikla ókunna
lands —hinnar dýrðarríku framtíðar, sem bíður hinna endur-
leystu. „Þreyið því bræður, þangað til Drottinn kemur. Sjá
akuryrkjumaðurinn bíður eftir hinum dýrmæta ávexti jarðar-
innar og þreyir eftir honum þangað til hann hefur fengið
haustregn og vorregn. Þreyið þér og styrkið hjörtu yðar, því
að koma Drottins er í nánd.“ Jak. 5, 7—8.
Guð mun uppfylla orð sitt á sínum tíma. Ætti nokkur að
þreytast á þessum tíma? Ættum við að missa traust okkar
nú, þegar við erum komin að landmærum hins nýja heims?
Er viðeigandi að segja, að ríki Guðs sé enn langt undan? Fjarri
fer því. Eftir skamma stund munum við sjá konunginn í fegurð
hans. Eftir skamma stund mun hann þerra hvert tár af augum
okkar. Eftir skamma stund mun hann „láta oss birtast lýta-
lausa dýrð hans til vegsemdar.“
47