Læknaneminn - 01.04.1986, Síða 6

Leiðari
Ágætu lesendur!
Loksins sér fyrir endann á þeirri
tímaskekkju sem hefur verið á út-
gáfu Læknanemans nú í nokkur
ár. Skekkjuna hefur tekist að leið-
rétta með því að sameina mis-
mörg tölublöð í eitt blað undanfar-
in ár og með því einfalda ráði að
fækka tölublöðum úr fjórum í tvö.
Stefnt er að því að þessi tvö tölu-
blöð komi út að vori og hausti ár
hvert og væri vel ef slík regla
kæmist á. Það blað, sem nú kemur
út, er-sameinað 2. tölublað 1985
og 1. tölublað 1986. Til málsbóta
er, að blaðið er efnismikið og það
svo að jafna má til tveggja tölu-
blaða! Hefði réttum tíma verið
fylgt, ætti ársskýrsla frá aðalfundi
Félags læknanema að birtast í
þessu blaði. Af óviðráðanlegum
orsökum reyndist þetta því miður
ekki kleift, en skýrslan mun birtast
í næsta blaði. Það blað kemur út í
haust og mun heita 2. tölublað
1986. Með öðrum orðum: næsta
blað verður eitt tölublað og von-
andi að sú tíð sé liðin er ýmist ekk-
ert blað um langa hríð eða mörg
tölublöð í einu blaði berist lesend-
um.
Áskrifendaskrá Læknanemans
hefur ekki farið varhluta af tíma-
skekkju í útgáfu. Ef eitthvert ykkar
hefur ekki fengið eldri blöð sem
ykkur hefur borið, vinsamlega haf-
ið samband við fólk í ritstjórn eða
skrifið Læknanemanum í nýtt
póstfang sem er:
Læknaneminn
Pósthólf 1471
121 Reykjavík.
Ennfremur hvetjum við alla til að
bregðast fljótt og vel við gíróseðli
fyrir áskrifendagjöld 1985 sem
fylgir blaðinu. Læknanemar, sem
greitt hafa félagsgjöld til Félags
læknanema, fá að sjálfsögðu eng-
an gíróseðil, þeir hafa þegar greitt
áskrift með félagsgjaldi sínu. Allir
meðlimir í Félagi læknanema
1985-86 eiga að fá þetta blað,
enda reglan sú að þeir fái Lækna-
nemann sem tekur til þess tima
sem þeir eru í félaginu.
Erfiðlega hefur gengið að halda
utanum þann hóp lækna sem
greitt hefur áskriftargjöld. Hér
kemur m. a. til að margir flytja á ári
hverju til útlanda, en aðrir til
íslands. Skrá Læknafélags ís-
lands er okkur hér til mikillar hjálp-
ar og þökkum við aðgang að
henni. Enn einu sinni bregðum við
hins vegar á það ráð að senda öll-
um læknum á íslandi blaðið og
hvetjum alla til að gerast áskrif-
endur sem ekki eru það nú þegar.
Að lokum svolítið um eilífðarmál
Læknanemans, ritstjórnarstefn-
una. Eilífðarmál, af þvi að rit-
stjórnarstefna á að vera stöðugt
umræðuefni þeirra sem að blaðinu
standa. í gömlum Læknanema
stendur eitthvað á þá leið að blað-
ið eigi að vera skemmtilegt, fræð-
andi og flytja fréttir af nemendum í
leik og starfi. Ef til vill hefurfræðsla
í formi fræðilegra greina verið of
ríkur þáttur í efni blaðsins á síð-
ustu árum og þá einkum á kostnað
frétta úr deildinni. Veigamikil skýr-
ing þessa eru Meinvörp, fréttablað
læknanema, sem í hafa verið
helstu fréttir af námi og félags-
störfum nemenda. Kosturinn við
Meinvörp er að þau hafa náð fljótt
til nemenda, en afleiðingin sú að
Læknaneminn hefur ekki flutt les-
endum sínum efni um það sem
helst er að gerast hverju sinni. Á
þennan hátt hefursamband lækna
við nemendur og námið að ein-
hverju leyti rofnað. En tengslin
geta líka verið á hinn veginn: hinir
fulllærðu sýni okkur nemendum
hvernig lífið og tilveran blasa við
lækninum, rannsóknarmanninum,
kennaranum eða af öðrum þeim
sjónarhóli sem þeir eru staddir á.
Hvaða skoðanir hafið þið á
þessu? Skrifið um þetta eða
annað. Draumur ritstjórnar er að
geta öðru hverju setið við það eitt
að taka upp póstinn sem berst.
Um leið og þið skrifið meira, verð-
ur Læknaneminn meira blaðið
ykkar sem okkur öll langar til að
lesa.
H.H. S.K.
4
LÆKNANEMINNyi985-'/1986-38.-39. árg.