Læknaneminn - 01.04.1990, Qupperneq 31

Nærkjúka.
Brot um skaftið er ýmist þverbrot eða skábrot sem
oft hanga vel saman (innkýld brot). Þegar um óstabil
brot er að ræða kemur fram hornskekkja með opnu
horni baklægt og dregst distal brothlutinn í ofrétt-
ingu vegna togs á réttisinafestu á miðkjúku.
Þessi brot gróa á u.þ.b. 4 vikum. Við brot sem
ekki er hægt að veita stöðugleika á þennan hátt þarf
að fríleggja brotin, Ieiðrétta þau og festa með innri
festingu.
Brot um vaxtarplötu.
Við brot án tilfærslu og innkýld brot sem hægt er
að leiðrétta án skurðaðgerðar nægir oft að plástra
brotna fingurinn við næsta fingur og beygja síðan
báða fingur yfir mjúkar umbúðir og festa með plástri
eða elastoplasti. Þetta er hægt vegna þess að réttisin
og aponeurosa veita góðan stuðning þegar fingurinn
er boginn í fingurliðum.
Óstöðug brot er oft hægt að leiðrétta án
skurðaðgerðar, plástra saman 2 fingur og festa þá
yfir álspelku með MC-liði og IP-Iiði í lítilli flexion.
í stað álspelku má líka nota í upphafi krepbindi til
að beygja fingurna yfir. Við fingurbrot þarf að athuga
að rotation á fingri sé rétt sem verður augljóst með
því að líta á plan naglanna og stefnu fingranna þegar
að fingur eru beygðir í fingurliðum.
Brot um vaxtarplötur nærkjúku er mjög algeng
hjá börnum og koma helst fyrir í sambandi við
boltaleik. Venjulega er urn að ræða snúningsskekkju
auk hornskekkju og er þægilegast að greina tilfærsluna
við skoðun á fingrum sem haldið er í flexion um alla
liði. Þessi brot þarf að lagfæra og rétta nákvæmlega,
þau festast mjög fljótt og má heita vonlaust að breyta
stöðu þeirra jafnvel eftir fáa daga. Eftir að þessi brot
hafa verið leiðrétt nægir að festa þau við næsta fingur
með plástri og halda þeim í léttri beygingu meðan
þau eru að gróa, en umbúðum má venjulega sleppa
eftir 3 vikur.
Grænviðarteinungsbrot á fingurkjúkum koma
fyrir hjá börnum en yfirleitt gengur vel að rétta þau
og nægir að nota við þau plásturssumbúðir líkt og
við epiphysubrot.
LÆKNANEMINN 1 1990 43. árg.
29