Læknaneminn - 01.04.1990, Síða 98

er áhuga hafa. Því miður verður að segjast eins og er
að niðurstöðurnar eru orðnar dálítið gamlar og að þær
eru fremur rýrar fyrir 4ða árið og engar fyrir 5.-6. ár.
Hins vegar er í þeim margt að finna sem við vissum,
en höfum nú fengið “staðfest”. Viljum við hvetja
ykkur til að skoða niðurstöðurnar sjálf. Eftir alla þá
vinnu sem við höfum Iagt í þessa könnun er það mat
okkar að bráðnauðsynlegt sé að deildin sjálf, í sam-
ráði við stúdenta, taki ákvörðun um hvernig hún vilji
standa að gæðamati í framtíðinni.
Gæðamat Kennslumálanefndar H.í. var einnig lagt
fyrir í des. og maí. Því miður hentar sú könnun okkur
ekki vel. Henni fylgir mikið pappírsflóð og ekki má
ræða eða birta niðurstöður hennar opinberlega. Hún
kemur því engan veginn í stað okkar eigin könnunar.
Erlend samskipti
Kennslumálanefnd er í samstarfi við kennslu-
málanefndir á Norðurlöndum í gegnum NFMU
(Nordisk Federation for Medicinsk Undervisning).
Fulltrúar okkar sækja ráðstefnur á vegum NFMU þar
sem skipst er á skoðunum og hugmyndum um
nýbreytni í kennslu í læknadeildum svo og
upplýsingum um það sem þegar hefur verið
framkvæmt, og reynslu af því. Einnig eru tekin fyrir
ýmis málefni sem erindi eiga til lækna og læknanema.
Á síðastliðnu ári voru sóttar tvær lfkar ráðstefnur, en
sú fyrri var í Uppsölum 8. - 9. febrúar, undir heitinu
“Alþjóðleg afstaða í kennslu í læknisfræði” og fjall-
aði hún um hvað stendur til boða og hvaða möguleikar
eru fyrir hendi í læknaskólum á Norðurlöndum til
menntunar í læknishjálp í þriðja heiminum. Þar komu
fram ýmsar hugmyndir um samnýtingu slíkrar kennslu
á Norðurlöndum.
Hin ráðstefnan var haldin í Vilhelmina í Svíþjóð 14 -
16. júní og fjallaði um lækningar í dreifbýli og kennslu
með tilliti til þeirra. Þar var jafnframt haldinn
aðalfundur NFMU þar sem ný stjóm var kosin. Fulltrúi
Islands er áfram Jón G. Stefánsson dósent, en stúdentar
fengu að þessu sinni fulltrúa inn í stjórnina og er það
Helga Edwald, 3. ári.
Önnur mál
Þar má nefna að unnið var í nefnd um tutora-kennslu
í læknadeild. Sú vinna skilaði því miður fremur litlu
þar sem litlir peningar eru fyrir hendi og vilja virðist
skorta til að nýta þá möguleika sem fyrir hendi eru.
Smávægilegar breytingar urðu á meinaefnafræðinni,
en tímarnir voru fluttir inn í klíníska tímabilið. Þá
voru einnig gerðar tilfæringar á tímum til að hliðra
fyrir dvöl hjá heimilislækni, en eins og fyrr er erfitt að
samræma heimilislækni kennsluna öðru námi. Þá fór
drjúgur tími formanns kennslumálanefndar í að vinna
í “38. greininni” , en eins og allir vita var það heitasta
mál félagsins í fyrra.
Að lokum
Að lokum er ekki úr vegi að minnast á það sem
framundan er. Að sjálfsögðu verður áfram vinna í
endurskipulagningunni og þá einkum varðandi
vísindaverkefnið. Nauðsynlegt er að skoða betur
klínísku kennsluna, auka þarf samræmingu þar og í
sumum greinum þarfnast kennslan gagngerrar
endurskoðunar við. Á næstunni þarf einnig að taka
ákvarðanir um framhald gæðamats á kennslunni og
búast má við talsverðri vinnu við það. Á næstu
dögum mun líka taka til starfa nefnd sem fjalla mun
um próf í læknadeild. Er full þörf á að endurskoða
þær reglur er í gildi eru þar og hugleiða markmið
prófa yfirleitt. Eitt af því sem núverandi
kennslumálanefnd langar til að gera í vetur er að
halda ráðstefnu um eitthvert þema sem tengist
kennslunni - eða náminu - og eru allar hugmyndir þar
að lútandi vel þegnar. Að lokum viljum við þakka
Olafi Þór Gunnarssyni fyrir unnin störf með nefnd-
inni.
Þórdís Jóna Hrafnkelsdóttir og Helga Edwald.
SKÝRSLA RÁÐNINGASTJÓRA
Vinna. Yfirlit yfir læknastöður 1989-90 (dagafjöldi)
sjá töflu á næstu síðu:
Eins og sést í þessari töflu þá var nóg framboð á
læknastöðum. Yfir vetrarmánuðina voru allt að
helmingi fleiri
vinnudagar í boði heldur en árið á undan og yfir
sumarið var aukningin í kringum 20%. Skortur á
aðstoðarlæknum
leiddi til þess að allmargar aðstoðarlæknisstöður á
96
LÆKNANEMINN 1 1990 43. árg.