Bændablaðið - 20.07.2023, Page 4

4 Bændablaðið | Fimmtudagur 20. júlí 2023
FRÉTTIR
www.kofaroghus.is - Sími 553 1545
TIL Á LAGER
Ítarlegar upplýsingar og teikningar ásamt ýmsum öðrum fróðleik
STAPI - 14,98 fm
Tilboðsverð
779.000 kr.
25%
afsláttur
BREKKA 34 - 9 fm
Tilboðsverð
489.000 kr.
25%
afsláttur
NAUST - 14,44 fm
Tilboðsverð
539.000 kr.
30%
afsláttur
VANTAR
ÞIG PLÁSS?
Afar einfalt er að reisa
húsin okkar. Uppsetning
tekur aðeins einn dag
TILBOÐ Á GARÐHÚSUM!
Hestaíþróttir:
Hross og knapar til
reiðu búnir
Hinrik Þór Sigurðsson, verkefnastjóri afreks- og mótamála, Berglind Karlsdóttir, framkvæmdastjóri LH, Erlendur
Árnason, járningamaður landsliðsins, Guðni Halldórsson, formaður LH, Kristinn Skúlason, formaður landsliðsnefndar,
Elvar Þormarsson, Benedikt Ólafsson, Sara Sigurbjörnsdóttir, Teitur Árnason, Herdís Björg Jóhannsdóttir, Jakob
Svavar Sigurðsson, Glódís Rún Sigurðardóttir, Jóhanna Margrét Snorradóttir, Sigríður Ingibjörg Einarsdóttir,
Páll Bragi Hólmarsson, Aðalheiður Anna Guðjónsdóttir, Þorgeir Ólafsson, Hans Þór Hilmarsson, Guðmundur
Björgvinsson, Ingibergur Árnason, Árni Björn Pálsson, Jón Ársæll Bergmann, Benjamín Sandur Ingólfsson, Hekla
Katharína Kristinsdóttir U21 landsliðsþjálfari og Sigurbjörn Bárðarson landsliðsþjálfari. Mynd / HF
Farsælt keppnispar í hesta-
íþróttum mun ljúka ferli sínum
saman á heimsmeistaramóti sem
fram fer í Oirschot í Hollandi
dagana 7.–13. ágúst. Jóhanna
Margrét Snorradóttir segist
ekki finna fyrir aukinni pressu
en veit að fram undan er erfið
kveðjustund þeirra Bárðar frá
Melabergi.
Landsliðsþjálfarar kynntu
liðið föstudaginn 14. júlí sl. í
sýningarsal Öskju við hátíðlega
athöfn. Íslendingar senda frá
sér fullskipað lið ásamt þremur
ríkjandi heimsmeisturum, Benjamín
Sandi Ingólfssyni, Guðmundi
Björgvinssyni og Teiti Árnasyni.
Mikil ólga hefur verið í kringum
landsliðsmálin undanfarin misseri
en tveir ríkjandi heimsmeistarar hafa
verið settir úr liðinu vegna agabrota.
Jóhanna Margrét Snorradóttir og
Bárður frá Melabergi hafa verið í
mikilli uppsveiflu í vor og í sumar.
Þau urðu þrefaldir Íslandsmeistarar
á nýafstöðnu Íslandsmóti og eru
miklar væntingar bundnar við
árangur þeirra á mótinu. Aðspurð
hvort Jóhanna finni fyrir aukinni
pressu segir hún það ekki vera. „Ég
finn bara fyrir þeirri pressu sem ég
set á mig sjálf. Mig langar að gera
vel og markmiðið er að standa mig
vel og gera betur en á síðasta móti.“
Það var ekkert launungarmál
að Jóhanna stefndi á
að komast með Bárð á
Heimsmeistaramótið og
tók hún ákvörðun
snemma í vetur
að sleppa því
að taka þátt
í Meistara
deildinni en þau
hafa átt farsælan
feril í deildinni.
„Það var rétt
ákvörðun hjá
mér. Hesturinn
hefur aldrei verið
jafnferskur og í eins
miklu stuði á þessum
tíma og nú. Mikið álag
um veturinn, eins og
hefur verið á honum,
hefur stundum orðið
til þess að hann mætir
aðeins þreyttur inn
í vorið.“
Þetta er sjötta
keppnistímabilið þeirra
Jóhönnu Margrétar og Bárðar og
kveðjustundin í Hollandi verður
eflaust erfið hjá þessu frábæra pari.
„Bárður mun fara til Sviss og er
ég búin að plana nokkrar helgar
næsta haust og vetur að hjálpa
nýjum eiganda svo þetta er engin
endastöð fyrir okkur. Ég reyni að
hugsa ekki mikið um kveðjustundina
og einbeiti mér frekar að verkefninu
sem er fram undan. Gera okkar allra
besta á mótinu og svo kemur að
kveðjustund sem verður erfið.“
Sterkt landslið
Jóhanna og Bárður munu keppa í
tölti, fjórgangi og samanlögðum
fjórgangsgreinum. Elvar Þormarsson
og Fjalladís frá Fornusöndum
keppa í gæðingaskeiði, Sara
Sigurbjörnsdóttir og Flóki frá
Oddhóli í fimmgangi, Þorgeir
Ólafsson og Goðasteinn frá
Haukagili, Hvítársíðu keppa í
fimmgangi, tölti, gæðingaskeiði og
samanlögðum fimmgangsgreinum
og Páll Bragi Hólmarsson og Vísir
frá Kagaðarhóli í fjórgangi og tölti.
Á skeiðvængnum verða Ingibergur
Árnason á Sólveigu frá Kirkjubæ
og Hans Þór Hilmarsson á Jarli frá
Þóroddsstöðum.
Miklar vonir eru bundnar við
U21 landsliðið en óhætt að segja
að aldrei hafi verið sendur áður
jafnöflugur hópur. Í hópnum eru þau
Benedikt Ólafsson á Leiru-Björk
frá Naustum en þau eru þrefaldir
Íslandsmeistarar í gæðingaskeiði,
Glódís Rún Sigurðardóttir og Salka
frá Efri-Brú, Íslandsmeistarar, sem
hlutu 7,60 í fimmgangi, Herdís
Björg Jóhannsdóttir og Kvarði frá
Pulu sem hafa farið yfir 8,00 í tölti,
Jón Ársæll Bergmann og Frár frá
Sandhóli, sem eru Íslandsmeistarar
í tölti, fjórgangi og samanlögðum
fjórgangsgreinum og að lokum
Sigríður Ingibjörg Einarsdóttir á
öskufljótri Ylfu frá Miðengi.
Að auki verða kynbótahross í
öllum flokkum. Ársól frá Sauðanesi
verður sýnd af Aðalheiði Önnu
Guðjónsdóttur í flokki 5 vetra
hryssna, Hrönn frá Fákshólum
verður sýnd af Jakobi Svavari
Sigurðssyni í flokki 6 vetra hryssna
og í elsta flokki hryssna sýnir Árni
Björn Pálsson Kötlu frá Hemlu II.
Hann sýnir jafnframt Geisla frá
Árbæ í flokki 6 vetra stóðhesta.
Höfði frá Bergi verður sýndur
í flokki 5 vetra stóðhesta
af Þorgeiri Ólafssyni og í
elsta flokki stóðhesta
er það Hersir frá
Húsavík, sýndur af
Teiti Árnasyni. /hf
Enn að átta sig
Ingibergur Árnason var valinn í lands-
lið Íslands korter í kynningu, en hann og
Sólveig frá Kirkjubæ eru eitt alfljótasta
parið á heims vísu í skeiðgreinunum
og hafa verið um árabil.
„Ég fékk að vita af þessu klukkan
ellefu í morgun svo ég er kannski
aðeins að átta mig enn þá á þessu
en ég er spenntur fyrir verkefninu,”
sagði Ingibergur við blaðamann eftir
kynningu landsliðsins.
Það sem er skemmtilegt við val
Ingibergs og Sólveigar er að Ingibergur
er áhugamaður úr hestamanna-
félaginu Sörla sem stundar útreiðar af
kappi en er ekki atvinnu maður í faginu.
Hann hefur verið duglegur að keppa í
skeiði og náð eftirtektar verðum árangri.
„Markmiðið mitt er alltaf að gera
eins vel og ég get. Það er auka bónus
að fá þetta tækifæri. Þetta er samt ekki
auðveld ákvörðun. Þú þarft auðvitað að
selja hrossið og getur
ekki haldið áfram
með það. Sólveig á
mörg ár eftir og mér
finnst hún ekki hafa
toppað sig enn.
Þetta verður erfitt
en tækifæri sem
maður grípur.”
Bárður frá Melabergi mun fara til Sviss að móti loknu.
Jóhanna Margrét mun fylgja honum eftir á nýjum
heimaslóðum fyrst um sinn.
Samkvæmt útreikningum
Bændasamtaka Íslands er hækkun
á dilkakjöti milli ára 17%.
Árið 2022 var reiknað afurðaverð
fyrir dilkakjöt 748 kr/kg en er
nú 876 kr/kg. Verð á kjöti fyrir
fullorðið hækkar aðeins um 3%
milli ára. Ekki hefur verið birt
afurðaverð hjá Fjallalambi og
Sláturfélagi Vopnafjarðar og miða
útreikningar við afurðaverð þessara
sláturleyfishafa árið 2022.
Trausti Hjálmarsson, formaður
deildar sauðfjárbænda hjá BÍ, segir
ánægjulegt að afurðaverð komi fram
svo snemma.
„Þessi hækkun er þó minni en
mínar væntingar stóðu til. Við
hjá Bændasamtökunum teljum að
framleiðslukostnaður á dilkakjöti
sé ríflega 2.000 kr/kg. Miðað við
það vantar okkur nærri 300 kr/kg
upp í þann kostnað þegar tekið
hefur verið tillit til stuðnings úr
búvörusamningum.“
Afkoman verri þrátt fyrir hækkun
Árið 2022 fengu bændur viðbótar-
stuðning sem nam um 111 kr/
kg samkvæmt rekstrargreiningu
RML. Ekki verður greiddur neinn
viðbótarstuðningur til bænda á þessu
ári. Þá er ljóst að ýmsir kostnaðarliðir
hafa hækkað talsvert milli ára.
Trausti segir því allt stefna í að
afkoma sauðfjárbúa versni milli
ára, þrátt fyrir hækkun afurðaverðs.
„Við megum alls ekki við því að sjá
framleiðsluna dragast meira saman.
Ég á von á því að við sjáum frekari
hækkun afurðaverðs og síðan stendur
yfir endurskoðun búvörusamninga.
Þar hlýtur ríkið að horfa til stöðu
greinarinnar og koma til móts við
hana.“ /uss-ghp
Sláturleyfishafi 2022 2023 Hækkun
Fjallalamb 746
Kaupfélag Skagfirðinga svf 753 903 20%
Norðlenska ehf 746 886 19%
SAH Afurðir ehf 746 886 19%
Sláturfélag Suðurlands svf 754 890 18%
Sláturfélag Vopnfirðinga hf 748
Sláturhús KVH ehf 753 903 20%
Reiknað meðalverð sláturleyfishafa og hækkun milli ára. Sláturhús KVH og
Kaupfélag Skagfirðinga greiða hæst verð samkvæmt þessum útreikningum,
903 kr/kg. Heimild: Bændasamtök Íslands
Reiknað afurðaverð fyrir dilkakjöt hækkar um 17% milli ára. Heimild: BÍ
Afurðaverð fyrir
dilkakjöt hækkar
Trausti Hjálmarsson, formaður
búgreinadeildar sauðfjárbænda.