Vinnan og verkalýðurinn - 15.11.1952, Blaðsíða 20

GUNNAR BENEDIKTSSON
sexlugur
9. október s.l. var Gunnar Bene-
diktsson rithöfundur sextugur. Meira
en aldarfjórðung hefur hann skipað
sess með fremstu orðsins mönnum
þjóðarinnar í riti og ræðu. Það er
mörgum til efs að nokkurntíma hafi
í íslenzku ritmáli vopni ádeilunnar
verið brugðið af meiri fimleik en þeg-
ar Gunnari hefir bezt tekizt upp. Sér-
kennileg og bitur kímni í broddi penna
hans hefur mörgum reynst skeinu-
hætt, — og fullyrða má að enginn nú-
lifandi íslendingur hafi vakið fleiri
bros á kostnað mótherjans en þessi
sextugi pennabeitir og prédikari.
Þó mundi um nafn Gunnars Bene-
diktssonar minni ljómi, ef það kærni
hvergi við sögu stéttarsamtaka al-
þýðunnar. Sem ungur rithöfundur og
klerkur verður hann altekin af fagn-
aðarerindi marxismans um baráttu-
einingu alþýðunnar gegn undirrót
ranglætisins í heiminum: auðvalds-
skipulaginu. Siðgæðiskend hans er of
rökræn, réttlætisást hans of raunsæ
og köllunarverkið of heilagt og brýnt
í augum hans til að honum nægði hið
kirkjulega svið siðbótarmannsins. Enn
standa mér skýrt fyrir hugskotssjón-
um lýsingar sem ég þá ungur fékk af
þessum frækna manni og byltingar-
presti, sem ég hafði þá ekki séð í eig-
in persónu. Ég sé enn fyrir hugskots-
sjónum mínum ungan mann vel á
sig kominn í messu-klæðum koma
frá messugjörð. Hann fer hvatlegar en
títt er um þeirrar stéttar menn að ný
lokinni guðsþjónustu. Hann fer styztu
leið því hann má engan tíma missa,
og fas hans allt er svo veraldlegt og
snöfurmannlegt í senn að hann gæti
svo maklega átt það til að stökkva út
yfir kirkjugarðsvegginn í öllum her-
klæðum drottins, án þess að gefa því
minnsta gaum að slíkt þykir ekki í
stíl við fínu fötin sem hann gengur nú
í. í flasleysi þess, sem tekið hefur
mikla ákvörðun að vandlega hugsuðu
ráði, gengur hann til stofu og afklæð-
ist geistlegum flíkum, staðráðinn í að
láta ekki lengur við það sitja að
hrópa: „herra, herra“, en fara og
„gera vilja föðursins".
Síðan er liðinn aldarfjórðungur.
Gunnar hefur ferðast víða um land,
stofnað verkalýðsfélög, tekið þátt í að
leiða baráttu verkafólksins fyrir bætt-
um kjörum og auknum réttindum og
162
VINNAN og verkalýðurinn