Goðasteinn - 01.09.2001, Qupperneq 233

Goðasteinn 2001
Suðurlandsskjálftar árið 2000
sögðust aldrei hafa séð annað eins og
sögðust varla hafa trííað sínum eigin
augum. Grétar sagðist ekki hafa getað
hugsað sér að dveljast lengur í bústaðn-
um og þau hjón höfðu ætlað að fara
umsvifalaust. Þá varð þeim ljóst að ein-
hver bið gæti orðið á brottför, bifreið
þeirra hjóna var handan sprungunnar
og ljóst að aðstoðar væri þörf til að
koma bílnum yfir sprunguna. Þeim var
boðið far heim til sín, og það að sækja
bílinn beið betri tíma.
Stórtjón á Sólheimum
Ibúar á Sólheimum í Grímsnesi
fundu sterklega fyrir jarðskjálftanum
aðfararnótt miðvikudagsins 21. júní en
þar lék jörð á reiðiskjálfi. Mikið tjón
varð á innbúi flestra húsa, veitukerfi
gekk til, heitt vatn flæddi inn í íþrót-
tahúsið og miklar skemmdir urðu á
stígum og götum en íbúðarhúsin sjálf
sluppu furðu vel við skemmdir.
Ríflega 100 manns búa á Sólheim-
um. Ibúar söfnuðust allir saman eftir
skjálftann og fengu að sofa í Bláskóg-
um, nýbyggingu sem enn stóð auð. Þar
voru flestir lagstir til hvflu þegar frétta-
menn bar að garði um 3 klst. eftir
skjálftann. Víða mátti sjá verksum-
merki eftir skjálftann, sprungur víða í
veginum og innbú á tjá og tundri. Otrú-
legt var að enginn skyldi slasast á Sól-
heimum og athygli vakti hve mikil ró
hvíldi yfir byggðinni fljótlega eftir
skjálftann og íbúar flestir gengnir til
hvílu á ný. Nokkur hús sigu og skekkt-
ust við skjálftann, en Pétur Svein-
bjarnarson stjórnarformaður Sólheima
sagðist degi síðar ekki telja fljótt á litið
að áberandi skemmdir hafi orðið á
húsunum. „Þetta virðist hafa verið
erfiðast niðri í jörðinni, hún hefur
gengið mikið til. Við sjáum að gang-
stéttir hafa gengið til og fallið niður og
sums staðar er orðið nokkuð hátt upp í
húsin“, sagði Pétur. Hann sagði að
veitukerfið hefði sýnilega gengið til og
skemmdir komið á fleiri en einum stað.
Þá hefði heitavatnsleiðsla í hinu nýja
íþróttahúsi farið í sundur og heitt vatn
flætt um neðstu hæð hússins. Tekist
hefði að stöðva vatnsrennslið fljótlega
en ljóst var að mikil vinna beið við að
lagfæra tjón.
Pétur sagði að eitthvert eignartjón
hefði orðið á öllum heimilum á Sól-
heimum, en í mismiklum mæli. I sum-
um húsum hefði nær allt innbú orðið
ónýtt og tjónið því allverulegt en í
öðrum húsum hefði ekki verið um telj-
andi tjón að ræða. Þá sagði hann að
talsvert tjón hefði orðið bæði á vinnu-
stofum og á verkstæðum en fyrirtækin
fimm sem starfa á Sólheimum virtust
hafa sloppið án teljandi tjóns.
Pétur sagði að megináhersla hefði
verið lögð á að róa íbúa og koma þeim
í hvílu. „Við reyndum að vinna af yfir-
vegun og æðruleysi og leggja áherslu á
að koma heimilum manna í lag“, sagði
hann og lagði mikla áherslu á að það
sem skipti mestu væri að engir íbúar
hefðu hlotið nein meiðsl. „Hér voru
allir heilir."
-231