Helgarpósturinn - 24.06.1987, Blaðsíða 23

KVIKMYNDIR
eftir Ólaf Angantýsson
Af ómœldum fáránleik styrjalda
Regnboginn: Wheels of Terror
(Dauöinn á skridbeltum). ★★
Árgerd 1987.
Framleidendur: Just
Betzer/Benny Korzen.
Leikstjórn: Gordon Hessler.
Handrit: Nelson Gidding eftir
sögum Suen Hassels.
Kvikmyndun: George Nikolic.
Adalhlutverk: Bruce Davison,
Jay Osanders, Keith Szarabajka,
Slavko Stimac, David Patrick
Kelly, Oliver Reed o.fl.
Það hlaut að koma að því að ein-
hver uppgötvaði hversu ágætlega
hinar ódauðlegu frásagnir Sven
Hassels af hersveit hinna for-
dæmdu hentuðu til kvikmyndun-
ar. Hver minnist ekki með hlýhug
þeirra Gamlingja, Lilla, Porta og
annarra undurfurðulegra persóna
þessa óviðjafnanlega bókaflokks
sem árvisst barst okkur með jóla-
bókaflóðinu og opinberaði okkur
mörlenskum ómældan fáránleik
styrjaldarinnar. Blygðunarlaus
kaldhæðni frásagnanna, hið
gegndarlausa virðingarleysi höf-
uðpersónanna fyrir yfirboðurum
sínum og vonlaus barátta þeirra
við að halda í líftóruna við ómögu-
leg lífsskilyrði einskismannslands
fremstu víglínu opnaði s.s. fyrsta
sinni augu margra okkar fyrir
hversu ofurseld við erum í raun
óprúttnum áróðursbrögðum
stríðsæsingamanna allra tíma.
Kvikmyndin byggist á þeim
tveimur verka Hassels sem hvað
mestrar hylli hafa notið gegnum
tíðina, nefnilega Hersveit hinna
fordæmdu og Dauðinn á skriðbelt-
unum, sem aukinheldur hafa báð-
ar verið gefnar út í ágætri íslenskri
þýðingu. Myndin er á margan hátt
býsna faglega unnin, en á þó ugg-
laust eftir að valda gömlum unn-
endum þeirra Lilla, Porta og félaga
töluverðum vonbrigðum, því mik-
ið vantar á að hún lýsi af viðlíka
næmleika og styrk sem frumgerð-
in þeim raunum er þeir félagar
þurftu að ganga í gegnum, þá er
þeir streittust hvað digurmann-
legast við að viðhalda mannlegri
reisn sinni og verðleikum mitt
uppi í öllum soranum og eymd-
inni. Hér sárvantar t.d. gullkorn á
borð við Bach-orgelkonsert Porta
í hálfhrundu dómkirkjunni á með-
an þeir félagar sátu af sér stór-
skotahríð herja Bandamanna,
ferð þeirra félaga yfir víglínuna til
að halda jól með Ivan Ivanovich
Qdví hann átti vodka og þeir kjöt-
meti) til þess eins að þeim hvorum
um sig veittist síðan nógsamlegur
styrkur næsta dag til að berja
vendilegar en áður á óvininum, og
svo mætti lengi telja.
Þrátt fyrir þessa bresti handrits-
gerðarinnar er myndin þó tækni-
lega nokkuð sómasamlega úr
garði gerð og fyrir þá sök eina
nokkurrar athygli verð, þó svo að
hún eins og áður sagði nái engan
veginn að spegla að fullu verð-
leika frumgerðarinnar.
Enn af hágöfgi lífsfílósófíu
Stallones
Háskólabíó: Over the Top (Á
toppinn). ★
Bandarísk. Árgerð 1987.
Leikstjórn: Menahem Golan.
Handrit: Stirling Silliphant.
Kvikmyndun: David Gurfinkel.
Tónlist: Giorgio Moroder.
Aðalhlutverk: Sylvester Stallone,
Robert Loggia, Susan Blakely,
David Mendenhall, Rick
Zumwalt o.fl.
Enn, aftur og enn heldur hann
sig við efnið, þó svo að formið, sjálf
umgerð frásagnarhefðar hans,
hafi tekið töluverðum stakkaskipt-
um frá því er við eigum að venjast
af hans hálfu. Formúlan er engu
að síður söm við sig, því karakter-
registur hans hefur einfaldlega
ekki upp á að bjóða öllu flóknari
eða djúpstæðari túlkunartilbrigði
en þau er okkur hefur þegar marg-
sinnis gefist að berja augum í fyrri
afurðum hans svipaðrar tegundar.
Það er varla að það taki því að
eyða frekari orðum í þessa nýjustu
afurð meistara Stallones, nema ef
væri fyrir þá sök eina hversu
skemmtilega einfeldnisleg þjóð-
rembingstilþrif sniilingsins og
samverkamanna hans eru að
þessu sinni. Þannig heitir þessi ei-
líflega óumbreytanlegi persónu-
gervingur ítalska stóðfolans
hvorki Rocky né Rambo í ár, held-
ur ekki ómerkara nafni en Lincoln
Hawk, og segir það eitt okkur yfr-
ið nóg og meira en mörg vel valin
orð um djúphyggni þeirrar há-
sýmbólíkur er höfundar myndar-
innar rembast sem rjúpan við að
kiína utan yfir þessa einkar svo lít-
ilsigldu afurð sína.
Og söguþráðurinn? Jú, í ár er
Rockyrambo blásnauður vöru-
flutningabílstjóri sem aukinheldur
er ágætlega liðtækur í þeirri íþrótt
er vér mörlenskir köllum sjó-
mann. Rockyrambó á líka trukk-
inn sinn sjálfur, en meinið er að
þessi forsenda lífsviðurværis hans
er komin vel til ára sinna, illa farin
og óhrjáleg í flesta staði, m.ö.o.
táknrænn minnisvarði einkar
væskilslegrar framgöngu eigand-
ans í lífinu til þessa. En það stend-
ur víst allt til bóta og betri vega
eins og í öllum góðum ævintýrum.
Því hversu síblankur og vesæll
sem Rocckyrambó annars kann
að virðast að þessu sinni á hann
þó strák sem er í herskóla, sem á
ríka mömmu, sem er að hrökkva
upp af í sjúkrahúsinu og vondan
afa sem vill ekki að kauði alist upp
hjá mannleysunni honum föður
sínum. Því þarf Rockyrambó eina
ferðina enn að sanna umheimin-
um karlmennsku sína, og viti
menn: Stendur þá ekki einmitt fyr-
ir dyrum heimsmeistarakeppni í
sjómanni vestur í Las Vegas. Og
hver skyldu svo verðlaunin vera?
Jú, splunkunýr langferðatrukkur
af dýrustu og bestu sort og svo að
sjálfsögðu milljóndollars. Þarf að
spyrja að leikslokum?
LISTVIÐBURÐIR
Ásgrímssafn
Opið sunnudaga, þriðjudaga og
fimmtudaga frá 13.30—16.00.
Ásmundarsafn
Abstraktlist Ásmundar Sveins-
sonar, opið daglega frá 10—16.
Djúpið
Þorvarður Árnason sýnir 20
formrænar litljósmyndir. Síðasta
sýningarhelgi. Opið 11—23.30.
Gallerí Borg
Frjálst upphengi að hætti húss-
ins, gamlir meistarar v/Austur-
völl og nýir v/Austurstræti.
Gallerí Grjót
Samsýning aðstandenda. Mál-
verk, grafík, skúlptúr, silfur o.fl.
Gallerí Langbrók Textíll
Vefnaður, tauþrykk, myndir,
fatnaður o.fl. á Bókhlöðustíg 2.
Krákan
Unnur Svavarsdóttir sýnir akrýl-
og pastelmyndir.
Listasafn ASÍ
Sumarsýning stendur yfir í salar-
kynnum safnsins á Grensásvegi
16. Á sýningunni eru verk eftir 11
listamenn, unnin með margs-
konartækni. Sýningin stendurtil
19. júlí.
Kjarvalsstaðir
Graphica Atlantica, alþjóðleg
grafíksýning. Síðasta sýningar-
helgi.
Nýlistasafnið við Vatnsstíg
„Sænskt kex", skiptsýning ungra
myndlistarmanna sem hingað
koma frá Svíaríki, einnig sýnt í
MIR-salnum við sömu götu. Síð-
asta sýningarhelgi.
Listasafn Einars Jónssonar
er opið alla daga nema mánu-
daga frá kl. 13.30—16.00. Högg-
myndagarðurinn er opinn dag-
lega frá kl. 10—17.
Árbæjarsafnið
er opið alla daga nema mánu-
daga frá kl. 10—18. M.a. eru í
safninu sýning á gömlum
slökkviliðsbílum, sýning á
Reykjavíkurlíkönum og sýning á
fornleifauppgreftri í Reykjavík.
KVIKMYNDAHUSIN
★★★★
Blátt flauel (Blue Velvet). Sýnd
kl. 5, 7.30 og 10 í Bíóhúsinu.
Herbergi með útsýni (Room
with a View). Notalegur sjarmi
kl. 3 og 7 í Regnboga.
★★★
Moskító-ströndin (The Mosq-
uito Coast). Sýnd kl. 5, 7.05, 9.05
og 11.15 í Bíóborginni.
Litla hryllingsbúðin (The little
Shop of Horrors). Gaman gaman
kl. 5, 7, 9 og 11 í Bíóhöllinni.
Krókódila-Dundee (Crocodile
Dundee). Létt ævintýri kl. 5, 7, 9
og 11 í Bíóborginni.
Þrír vinir (Three Amigos). Hrein
og beinfyndni. Kl. 3.10,5.10,7.10,
9.10 og 11.10 í Regnboga.
Morguninn eftir (The morning
after). Áfengisvandamál kl. 5, 7,
9 og 11 í Bíóborginni.
Svona er lífið (That's Life).
Huggulegheitahúmor kl. 7 í
Stjörnubíói.
Hrun ameríska heimsveldisins
(The Decline of the American
Empire). Yndisleg kynlífsum-
ræða kl. 5, 7, 9 og 11 í Laugarás-
bíói.
★★
Gullni drengurinn (The Golden
Child) Murphy-tæknibrella kl. 3,
5, 7, 9 og 11.15 í Regnboga.
Með tvær i takinu (Outrageous
Fortune). Kvennasprell í Bíóhöll-
inni kl. 5, 7, 9 og 11.
Fyrsti apríl (April fool's day).
Gasa hrollur kl. 3.05, 5.05, 7.05,
9.05 og 11.05 í Regnboganum.
4 toppinn (Over the Top). Með
Sylvester Stallone kl. 7, 9 og 11 í
Háskólabíói.
★
Ógnarnótt (Night of the
Creeps). Hrollur kl. 11 í Stjörnu-
bíói.
Fjárkúgun (52 Pick-up). Þrillerkl.
5, 7, 9 og 11 í Stjörnubíói.
Leyniförin (Project X). Ævin-
týramynd kl. 5, 7, 9 og 11 í Bíó-
höllinni.
NÝJAR
Dauðinn á skriðbeltum.
Spennumynd byggð á bókum
stríðssagnahöfundarins Sven
Hassel kl. 3, 5, 7, 9 og 11.15 i
Regnboga.
Lögregluskólinn 4
Langþreytt grínmynd kl. 5, 7, 9
og 11 í Bíóhöllinni.
Martröð á Elmstræti 3
Geðsjúkur morðingi enn á ferð,
trúlega orðinn lúinn. Fullt af
tæknibrellum. Kl. 5, 7, 9 og 11 í
Laugarásbíói.
★ ★ ★ ★ framúrskarandi
★ ★ ★ mjög góð
★ ★ miölungs
★ þolanleg
O mjög vond
MYNDBAND VIKUNNAR
eftir Ólaf Angantýsson
The Hireling. ★★★
Til útleigu hjá m.a. Vídeómeist-
aranum, Myndbandaleigu
kvikmyndahásanna o.fl.
Bresk. Árgerð 1973.
Framleiðandi: Ben Arbeid.
Leikstjórn: Alan Bridges.
Handrit: Wolf Mankowitz, byggt
á skáldsögu L.P. Hartley.
Aðalhlutverk: Robert Shaw,
Sarah Miles, Peter Egan,
Caroline Mortimer, Elizabeth
Sellars o.fl.
Þetta margrómaða öndvegis-
verk Alan Bridges (Out of Season
1975, The Shooting Party 1984),
sem hlaut Gullpálmann í Cannes á
sínum tíma, er þrátt fyrir látlaust
yfirbragð sitt í hópi bitastæðari
valkosta á hillum myndbandaleig-
anna þessa dagana.
Myndin greinir frá lífi og raun-
um Leadbetters nokkurs sem er af
lægri millistétt. Honum hefur
engu að síður og þó aðallega að
eigin áliti tekist nokkuð dægilega
að brjótast af eigin rammleik til
metorða innan hins fastskorðaða
breska stéttakerfis millistríðsár-
anna. Hann rekur eigin bílaleigu-
fyrirtæki og er það ekki fyrr en
hann verður alvarlega ástfanginn
af einum helsta viðskiptavini sín-
um, konu af aðalsættum, að innsta
eðli stéttamismununarinnar og
umfram allt hans eigin smæð
standa honum endanlega ljós fyrir
hugskotssjónum.
Þessi ágæta aldarfarslýsing
meistara Bridges er í alla staði
með eindæmum fagmannlega
unnin. Leikstjórn hans er bæði
markviss og vendilega undir-
byggð, handritið kjarngott og sam-
leikur þeirra Shaw og Miles meö
þvílíkum ágætum að óvíst má telj-
ast að þau hafi nokkurn tíma gert
betur og er þá mikið sagt.
I sem skemmstu máli: Hin ágæt-
asta dægradvöl hverjum þeim er
unun hefur af að njóta ávaxta þess
besta er bresk leiklistarhefð hafði
upp á að bjóða á liðnum áratug.
Ó.A.
HELGARPÓSTURINN 23