Helgarpósturinn - 24.06.1987, Blaðsíða 35

FRÉTTAPÓSTUR
Góðir gestir sækja ísland heim
Góðir gestir eru staddir hér á landi í opinberri heimsókn,
þau Karl XVI Gústaf konungur Svíþjóðar og Silvía Sommer-
lath drottning. Þau komu á þriðjudag og gista í glæsilegri
svítu á Hótel Sögu og var um kvöldið haldin vegleg veisla í
boði Vigdísar Finnbogadóttur forseta. Miðvikudag var hald-
ið til Vestmannaeyja og um kvöldið kvöldverður á Kjarvals-
stöðum. Dagskrá ninna eðalbornu hjóna er annars þétt og
meðfram heimsókninni er haldin sérstök sýning á sænsk-
um vörum.
Tvísýnt í stjórnarmyndunarviðræðum
A ýmsu hefur gengið í stjórnarmyndunarviðræðum Al-
þýðuflokks, Sjálfstæðisflokks og Framsóknarflokks síð-
ustu vikuna. Þykir vera komin nokkur þreyta i viðræðurn-
ar og jafnvel að úrslitin ráðist endanlega fyrir helgi, ef þau
eru þá ekki ráðin þegar þetta er birt. Þegar þreytan náði há-
marki fór Jón Baldvin Hannibalsson á fund forseta, en fékk
endurnýjað umboð. Ýmislegt hefur orðið til að tefja viðræð-
urnar, nýjar skýrslur og tillögur, laxveiðiferð og Portúgals-
ferð forsætisráðherra og svo heimsókn Sviakonungs og
-drottningar. Fleiri eru þeir sem telja að stjórnarmyndun
takist en þeir sem telja stöðuna vonlitla, en með öllu er óljóst
hver yrði þá forsætisráðherra. Mest í brennidepli hafa verið
efnahagsmálin og uppstokkun ráðuneyta. Uppstokkun
ráðuneyta virðist viðkvæmt mál, sem upprunalega var lagt
á borðið af Þorsteini Pálssyni en vefst nú fyrir þeim sjálf-
stæðismönnum, en kratar og framsókn virðast sammála
um að fara út í slíka uppstokkun með bráðabirgðalögum.
Jón Baldvin hefur haft umboðið í 3 vikur og kemur sem fyrr
segir von bráðar í ljós hvort dæmið gengur upp hjá honum,
en hann þykir leggja mikið undir.
Hasar í Bifreiðaeftirlitinu
Bifreiðaeftirlitið var lokað nokkra daga í þessari og síð-
ustu viku og gripu starfsmenn til þess í mótmælaskyni eftir
að Haukur Ingibergsson framkvæmdastjóri við hlið for-
stöðumannsins hafði lagt fram margháttaðar niðurskurð-
ar- og sparnaðarhugmyndir. Einkum gengu þær út á að
draga úr launakostnaði með róttækum niðurskurði á eftir-
vinnu og talið að laun vegna þessa myndu skerðast um 60%.
Starfsmenn eftirlitsins um land allt stóðu frammi fyrir því
að sætta sig við þessa skerðingu, verða sérútium aukavinnu
eða hætta. Bentu starfsmennirnir í Reykjavík meðal annars
á að á 15 árum hefði yfirmönnum fjölgað út tveimur í ellefu
en almennum starfsmönnum úr átta í tíu! Með þvi að eftir-
litið var lokað í nokkra daga seinkaði afgreiðslum verulega,
nýskráningar hrúguðust upp og menn gátu ekki látið skoða
bíla sína, auk þess sem endanleg ökupróf töfðust hjá nokkr-
um væntanlegum ökumönnum. En deilan leystist, í bili að
minnsta kosti, á þriðjudagskveldinu á þann hátt að starfs-
menn fengu fulltrúa í verkefnisstjórn sparnaðarátaksins og
viðræður munu hefjast um framkvæmd vegaeftirlitsins.
Starfsmenn fengu bókun á túlkun nokkurra greina sér í vil,
en þó liggur ljóst fyrir eftir því sem á niðurskurðinn reynir,
að lausn í deilunni er alls ekki borðliggjandi.
Valur leiðir í knattspyrnunni
Eftir 6 umferðir af 18 í íslandsmeistaramóti karla í knatt-
spyrnu leiðir Valur önnur lið með 16 stig, en í öðru sæti er
KR með 14 stig. í neðsta sæti er FH með 1 stig og i annarri
deild er Víkingur langefsta liðið með 15 stig, en þar reka ís-
firðingar lestina. Valur og KR hafa verið mjög sannfærandi
í leikjum sínum, síðast unnu KR-ingar Þór 5—0 en Valur
vann Skagann 2—1 heima.
Fréttapunktar
• Þjóðhátíðin 17. júní tókst að þ essu sinni einstaklega vel og
var víðast hvar f jölmenni á hátíöahöldunum og yfirleitt veð-
ur hið besta, sól og blíða meðal þúsundanna í miðbæ Reykja-
víkur.
• Nú hafa tveir fiskmarkaðir hafið starfsemi sína, hinn
fyrri fyrir nokkru í Hafnarfirði og nú hefur Faxamarkaður
hafið uppboð í Reykjavík. Árangurinn virðist ætla að verða
mjög góður af fyrstu reynslunni að dæma.
• Nýja útvarpshúsið í Miðleiti hefur formlega verið vígt og
starfsemin í Skúlagötuhúsinu á enda. Við vígsluna veittist
Sverrir Hermannsson menntamálaráðherra að sjónvarps-
stöðvunum báðum og sakaði þær um að sýna of mikið af
efni úr erlendum „lágmenningarruslatunnum".
• Verðlagsstofnun hefur kannað verðlag á veitingastöðum
og kom meðal annars fram óhemju há álagning á gosdrykkj-
um, þar sem lítrinn var dýrastur í Broadway, Hollywood og
Hótel Borg eða 667 krónur. Þessa staði alla rekur Ólafur
Laufdal Jónsson.
• í könnun á Akureyri meðal iðnverkakvenna kom i ljós að
fjóröa hver í úrtakinu hafði orðið fyrir munnlegri eða líkam-
legri kynferðislegri áreitni, en fimmta hver ,,aðeins“ fyrir
likamlegri áreitni. Tvær af 37 höfðu orðið að flýja vinnustað
vegna þessa.
• Fyrir borgarstjórn liggur fyrir tillaga frá Árna Sigfússyni
og fleirum um að gefa opnunartima verslana í borginni
frjálsan og er meirihluti fyrir því að af þessu verði í haust.
• Að undanförnu hafa birst skýrslur eftir naflaskoðun inn-
an þeirra tveggja flokka sem verst fóru út úr siðustu alþing-
iskosningum, Sjálfstæðisflokks og Alþýðubandalags. Marg-
háttuð gagnrýni hefur komið fram í báðum tilfellum út í for-
ystusveit og starfshætti, stefnumörkun og framkvæmd.
• Vísitala byggingakostnaðar hækkaði við skráningu í júní
um 2% frá mánuðinum áður. Hækkanir síðustu 3 mánuði
samsvara ársverðbólgu upp á 21%.
• Hvalveiðiráðstefna stendur yfir í Bournemoth á Englandi
og hafa Bandaríkjamenn lagt fyrir hvalveiðiráðið tillögu um
þrengingu á heimild til veiða í vísindaskyni. Halldór Ás-
grímsson hótar stofnun nýrra hvalveiðisamtaka og Norð-
menn hafa lagt fram málamyndunartillögu.
• Sól hf, fyrirtæki Davíðs Seheving Thorsteinssonar, hyggst
hefja útflutning á milljónum litra af vatni á dósum og flösk-
um til viðbótar áður seldu vatni á fernum til Englands.
Andlát
Alfreð Flóki, einn sérstæðasti myndlistarmaður landsins,
lést í Landspítalanum 18. júní, 48 ára að aldri.
INYJU
FLUGSTÖÐINNI
ER
BANKI
ALLRA
LANDSMANNA
Landsbanki íslands býöur alla bankaþjónustu í nýju
flugstöðinni á Keflavíkurflugvelli.
I brottfararsal er opin afgreiðsla alla daga
frá kl. 6.30-18.30. Áhersla er lögð á gjaldeyrisviðskipti, ferðatryggingar
og aðra þjónustu við ferðamenn.
Á næstunni opnar svo fullkomið útibú á neðri hæð byggingarinnar.
Afgreiðslan í gömlu flugstöðinni verður starfrækt með hefðbundum hætti.
Við minnum einnig á nýja afgreiðslu á Hótel Loftleiðum,
þar sem m.a. er opin gjaldeyrisafgreiðsla
alla daga frá kl. 8.15-19.15.
Lapdsbanki
íslands
Banki allra landsmanna
HELGARPÓSTURINN 35