Morgunblaðið - 04.04.1982, Blaðsíða 26
26
MORGUNBLAÐIÐ, SUNNUDAGUR 4. APRÍL 1982
Kór Langholtekirkju:
Flytur MESSÍAS
þrisvar og ráðgerir tón-
leikaferð um landið í vor
KÓR Langholtskirkju flytur nú fyrir páskana óratoríuna
Messías eftir Georg Friedrich Hándel. Verða tónleikar í
Fossvogskirkju á pálmasunnudag kl. 16, mánudaginn 5. apríl
kl. 20 og nú hefur verið ákveðið aö hafa þriðju tónleikana
þriöjudagskvöldið 6. apríl kl. 20.
Jón Stefánsson kórstjóri (Lv.) og Ingimundur Friðriksson, en hann er for-
maður kórs Langholtskirkju.
Jón Stefánsson stjórnar flutn-
ingnum, en einsöngvarar eru Ólöf
Kolbrún Harðardóttir, Sólveig
Björling, Garðar Cortes og Hall-
dór Vilhelmsson. Þá syngja einnig
þrír kórfélagar einsöng: Signý
Sæmundsdóttir og Ragnheiður
Fjeldsted sem skipta með sér re-
citatívum og Ásgeir Bragason,
sem syngur eina aríu í altrödd, í
falsettu, en hann er annars tenór.
Konsertmeistari er Michael Shel-
ton. Mbl. ræddi stuttlega við þá
Jón Stefánsson stjórnanda, sem
verið hefur organisti og söngstjóri
í Langholtskirkju síðan 1964, og
formann Kórs Langholtskirkju,
Ingimund Friðriksson, en þetta er
8. starfsár hans með kórnum. Þeir
voru fyrst beðnir að segja aðeins
frá starfsemi kórsins:
Messusöngur og
margir tónleikar
— Á sama tima í fyrra fluttum
við Messías í lítið eitt styttu formi
og um síðustu jól fluttum við jóla-
óratoríu Bachs. Þessir tónleikar
okkar núna verða hinir 8., 9. og 10.
nú í vetur. Við höfum í vetur m.a.
haldið tónleika í Háteigskirkju í
tengslum við biskupaskiptin,
Langholtskirkju og fjáröflunar-
tónleika fyrir Langholtskirkju í
Háskólabíói. I byrjun febrúar sl.
komum við svo fram á tónleikum á
Myrkum músíkdögum. Þá má geta
þess að við vorum í ágúst í fyrra á
ferð í Kanada og Bandaríkjunum
og á síðasta ári urðu tónleikar
okkar yfir 20 talsins.
Hvað er Kór Langholtskirkju
orðinn gamall?
— Hann tók til starfa árið 1953
og hefur allar götur síðan starfað
sem kirkjukór. Árið 1973—74 var
starfseminni nokkuð breytt og
hófum við þá að æfa sérstaklega
ýmis tónverk til flutnings á
sjálfstæðum tónleikum og í kirkj-
unni.
I kórnum eru nú 62 félagar og
viljum við binda kórinn við um 60
manns, það er heppileg stærð fyrir
þennan kór. Stór hópur er með ár
eftir ár, er fastur kjarni, en tals-
vert margir kórfélagar eru náms-
Ólöf Kolbrún HarAardóttir Carðar ('ortes
menn, sem hverfa kannski til ann-
arra starfa að loknu námi. í haust
sóttu um 30 manns um inngöngu í
kórinn, en ekki reyndist unnt að
taka inn nema 14 þar eð stærðin
er takmörkuð við 60 manns eins og
áður segir. Voru það óvenjulega
margir, en mikill kostur er að geta
haft nokkurn veginn sama fólkið
ár eftir ár, þótt auðvitað sé
óhjákvæmilegt að einhverjar
breytingar verði.
Við setjum það skilyrði að kór-
félagar kunni að lesa nótur og síð-
an er starfsemin fólgin í æfingum
að jafnaði tvisvar í viku, við skipt-
um með okkur að syngja við mess-
ur og er þá alltaf a.m.k. 12 manna
hópur sem annast þar sálmasöng
og flytur iðulega jafnframt eitt-
hvert stólvers, síðan eru tónleikar.
Sérstök raddþjálfun fer einnig
fram og sér Olöf Kolbrún Harð-
ardóttir um hana, en hún söng
með kórnum í ein 12 ár.
Góð aðstaða í
Fossvogskirkju
Af hverju varð Fossvogskirkja
fyrir valinu, er það góður staður
fyrir tónleika sem þessa?
— Við einsetjum okkur að
flytja kirkjutónlist í kirkjum og
þær eru e.t.v. ekki svo margar sem
koma til greina. Góð aðstaða er í
Fossvogskirkju fyrir söngfólk og
hljómsveit, gott rými á bak við,
þarna eru góð bilastæði, kirkjan
tekur sæmilega marga í sæti og
þarna er hljómburður þokkalegur.
Hins vegar vonumst við til þess að
tónleikar okkar geti frá næsta
starfsári farið fram í nýju Lang-
holtskirkjunni þar sem stefnt er
að því að einangra hana og leggja
inn hita í sumar. Ætlum við strax
og fært er að halda þar hljóm-
leika, jafnvel þótt eitthvað vanti á
innréttingar.
Gróska í tónlistarlífinu
Nú virðist margt á döfinni hjá
kórum í Reykjavík um þessar
mundir og um margt að velja í
tónKstinni, er að verða offramboð
á tónlistarviðburðum?
— Nei, síður en svo og það virð-
ist sem þetta aukna framboð á
tónleikum kóra sé aðeins í sam-
ræmi við annað sem er að gerast í
menningu okkar um þessar mund-
ir. Það er gróska i tónlistarlífinu
og sama hvað er í boði, alltaf er
fullt, óperur, ballet, tónleikar.
Margir einsöngvaranna eru
önnum kafnir og mjög mikið mæð-
ir líka á hljóðfæraleikurunum.
Þeir eru margir hverjir hinir
sömu hjá okkur, á tónleikum Pólý-
fónkórsins, í Sinfóníuhljómsveit-
inni, í Óperunni, ballettinum og
víðar. En þetta er aðeins dæmi um
hversu mikið er um að vera á
þessu sviði menningarinnar hjá
okkur.
Ber starfsemi kórsins sig fjár-
hagslega?
— Ekki þegar við stöndum í
tónleikahaldi sem þessu. Við
greiðum hljóðfæraleikurum og
einsöngvurum að sjálfsögðu kaup,
en kórfélagar taka ekki greiðslu.
Lítill afgangur er því af þessum
tónleikum og langoftast tap. Betur
gengur þegar við höldum tónleika
og kaupum t.d. ekki aðstoð frá
hljóðfæraleikurum. En kórinn fær
greitt fyrir söng sinn í kirkjunni,
rétt eins og aðrir kirkjukórar, en í
stað þess að hver og einn taki laun
sín renna þau í sameiginlegan sjóð
kórsins. Þá höfum við einnig
styrktarfélagakerfi og njótum
þannig velvildar fjölda manns.
Tónleikaferð og
plötuupptaka
Hvað er síðan framundan í
starfi kórsins?
— í vor stefnum við að tónleika-
ferð hér innanlands og við höfum
einnig í undirbúningi að syngja
inn á plötu. Höfum við í hyggju að
gefa út nokkrar plötur með sálma-
lögum. Yrðu þá valdir sálmar úr
íslensku sálmabókinni og er ætl-
unin að gera kirkjuárinu öllu
þannig skil í sálmum. Næsta vetur
ætlum við að flytja Requiem Moz-
arts, flytja á ný jólaóratoríu
Bachs, þá í fullri lengd og hafa
hana á tvennum tónleikum, og við
ráðgerum einnig að flytja Jóhann-
esarpassíuna um páskana. jt.
Kór Langholtskirkju á æfíngu undir stjórn Jóns Stefánssonar.