Morgunblaðið - 04.04.1982, Blaðsíða 41

MORGUNBLAÐIÐ, SUNNUDAGUR 4. APRÍL 1982
41
Ljósmyndasýning í Þjóðminjasafninu
Gömlu verslunarhúsin á Djúpavogi, upphaflega verslunarhús 0rum og Wulffs.
Árið 1920 kejpti Kaupfélag Berufjarðar húsin og hefur þar enn aðsetur. Langa
húsið heitir Langabúð og mun vera elst húsanna. Þetta hús stendur enn og var
friðað 1979. Húsið til vinstri við mennina var nefnt „Gamla krambúðin" og var
rifið um 1930. Til hægri við mennina er verslunarstjórahúsið, sem stendur enn.
Svteðið þar sem mennirnir standa nefnist „Plássið" og var eins konar torg
kaupstaðarins. Húsið til hægri við verslunarstjórahúsið hét Síbería og brann
1966. Vindmylla sést lengst til hægri. Til samanburðar við þessa mynd og
reyndar einnig ísvetrarmyndina frá 1875 er fróðlegt að skoða meðfylgjandi mynd
af Djúpavogi úr Strandlýsingu Poul Lowensrn frá skömmu eftir 1800. Þar sést
Langabúð og Gamla krambúðin merkt Krambod og líka hjallurinn á Hjallskletti,
sem blasir við á vetarmyndinni.
„Hótel ísland". Veitingahús Johans
('hr. Thostrups á Seyðisfjarðaröldu,
byggt 1880. Þetta var eilt húsanna sem
urðu fyrir snjóflóðinu mikla 18. febr.
1885. Húsið sópaðist í sjó fram og fór-
ust þrír. í blaðinu Austra 20. febr. 1884
birtist svohljóðandi auglýsing frá „Ilót-
el ísland":
Á veitingahúsinu llotel ísland á Seyð-
isfjarðaröldu fæst fyrst um sinn keypt
hvítt öl (heimabruggað), potturinn á 15
aura; brúnt öl, flaskan á 20 aura, ef
teknar eru 10 flöskur, annars 25 aura,
sé það flutt úr húsinu. — Til hátíða og
tillidaga fæst einnig keypt hvítt öl og
ýmis konar brauð ef beðið er um það
með hæfilegum fyrirvara; eins verða
daglega til sölu, sem að undanförnu.
flestar tegundir af brauði, allt með svo
vægu verði sem unnt.
Seyðisfirði, 19. febr. 1884.
J. Chr. Thostrup.
Ljósmynd Nicoline fyrir 1885.
Frá Eskifírði. Ijimbeyri (Sýslumannshúsið) byggt 1875, rifið fyrir nokkrum árum. Húsið til
vinstri er Larsenhús (Gamla-Pósthús), sem stendur enn, mikið breytt. Fyrir framan húsið er Jnn
Johnsen Ásmundsson sýslumaður, kona hans, Þuriður Hallgrímsdóttir, og fjögur af fimm
börnum þeirra, en þau voru Asgrímur, Sigurður, Guðrún, Hallgrímur og Asmundur. Gömlu
mennirnir tveir eru ónafngreindir. Ljósmynd Nicoline um 1890.
Aldamótafagnaður á Djúpavogi sumarið 1901. Samkoman var haldin á „Hótelsbalanum".
Stangir, hlið og sveigar, sem prýða hátíðarsvæðið eru vafin lyngi til skrauts.
Hótelsbalinn var finsælt leiksvæði unglinga. Þar var t.d. oft leikið „krokket“. Ljósmynd
Nicoline.
Teigarhorn í Berufirði. Húsið var
byggt 1880—1882 og stendur enn.
Smiðir voru Björn Eiríksson, faðir
Hansínu Ijósmyndara, og Lúðvík
Jónsson snikkari. í skúrnum til
hægri var Ijósmyndastofa Nicoline
og Hansinu. Konan sem situr er
Sophie Weywadt, móðir Nicoline, en
telpan yst til hægri er Hansína síðar
Ijósmyndari. Hinar konurnar eru
óþekktar. I.jósmynd Nicoline
Weywadt, um 1895.

V
Sauðfjárslátrun á blóðvellinum í brekkunni fyrir ofan Löngubúð á Iljúpa-
vogi. Seinna var reist þarna sláturhús. Ljósmynd: llansina Björnsdóttir.