Morgunblaðið - 07.10.1986, Blaðsíða 19
MORGUNBLAÐIÐ, ÞRIÐJUDAGUR 7. OKTÓBER 1986
19
:
1 %\ 1} í-t! 1 |t|
I i *« 1 í I 1 j |j|t
M h | í.. ;y i! j|!
e .!
Hallgrímskirkja þarf á
þinni hjálp að halda nú
eftir Hermann
Þorsteinsson
Hallgrímskirkja í Reykjavík verð-
ur vígð sunnudaginn 26. þ.m.,
daginn fyrir 312. ártíð sr. Hallgríms
Péturssonar og nú á 200 afmælis-
ári Reykjavíkurborgar.
Vegna mikils góðvilja og stuðn-
ings síðustu misserin úr nær öllum
áttum verður hægt að gera kirkju-
bygginguna vígsluhæfa á þessu
hausti, þótt margt verði samt ógert
í frágangi og fegrun kirkjunnar og
umhverfis hennar.
En átak þetta kallar eftir meiri
fjármunum en byggingarsjóðurinn
ræður yfir. Þessvegna þetta ákall
nú til allra landsmanna á 11. stundu
í fullri vissu um að þeir eru marg-
ir, sem vilja ljá minningarkirkju
Hallgríms Péturssonar lið, þegar
virkilega á reynir.
Fjölmargir sjálfboðaliðar, sem
komið hafa á Skólavörðuhæðina í
vinnu við kirkjubygginguna á
kvöldin og í vikulok nú í sumar,
hafa sýnt í verki hvern hug þeir
bera tií Hallgrímskirkju. Og ýmsir
sem ekki hafa lengur vinnuþrek,
hafa fært kirkjunni aðrar góðar og
verðmætar gjafir. Hinn íjárhagslegi
bakhjarl þessarar framkvæmdar
gegnum tíðina hefur ekki virst
burðugur, miðað við svo margt ann-
að, sem gert hefur verið í þjóðfélagi
okkar á sama tíma.
En þeir sem að verki hafa staðið
hafa þekkt orðið og fýrirheitið:
Hermann Þorsteinsson
„Fjölmargir sjálfboða-
liðar, sem komið hafa á
Skólavörðuhæðina í
vinnu við kirkjubygg-
inguna á kvöldin og í
vikulokin nú í sumar,
hafa sýnt í verki hvern
hug þeir bera til Hall-
grímskirkju.“
„Fel Drottni vegu þína,
treyst honum.
Hann mun vel fyrir sjl“
Á þessu trausti hefur verið byggt
og Hallgrímskirkja stendur nú nær
fullgerð hið ytra og innra.
Hann sem er bakhjarl hinnar
kristnu kirkju, bregst aldrei.
Og Hann mun ekki gera það nú,
því er treyst.
Og hvemig getur þú hjálpað nú?
Með margvíslegum hætti: Með því
að biðja fyrir kirkjusmiðunum og
hinni komandi vígsluhátíð. Með því
að senda byggingarsjóðnum fjár-
muni, smáa eða stóra.
Sumir eiga e.t.v. umframbirgðir
af spariskírteinum? Ýmsir hafa í
gegnum árin ánafnað kirkjunni
íbúðum sínum. Þú gætir gefíð eitt
sæti í Hallgrímskirkju. Það kostar
kr. 2.500,-. Eða kannski 10 sæti?
Póstfang kirkjunnar er:
Pósthólf 1016, 121 Reykjavík.
Hlýir vindar leika nú um þjóðar-
helgidóm íslendinga á Skólavörðu-
hæð. Einstaka „hret“ verður þó
ekki umflúið á haustdögum. En þau
styrkja aðeins og brýna þá sem að
góðu verki standa.
Höfundur er framkvæmdastjóri
Hins íslenska biblíufélags.
Þetta er síminn sem fer sínar eigin leiöir.
Með þessu litla tæki ertu í stöðugu símsambandi þó þú farir allt að
300 metrafrá borðtækinu.
Nú er óþarfi að endasendast utan úr garði, innan úr bílskúr eða upp úr
baðinu þegarsíminn hringir, eða þú þarft skyndilega að ná sambandi
við einhvern.
NEC er fyrsti þráðlausi síminn sem fæst hér á landi.
Hann uppfyllirallartæknikröfursem Samband símastjórna í Evrópu
CEPT gerirtil slíkrasíma.
Þú þarft því ekki að hafa óhyggjur af að aðrir heyri
símtölin eða truflanir verði milli rúsa.
SEC Póst- og símamálastofnunin