Morgunblaðið - 07.10.1986, Blaðsíða 71
MORGUNBLAÐIÐ, ÞRIÐJUDAGUR 7. OKTÓBER 1986
71
„Smásölukaupmenn bindist samtök-
um um að taka að sér heildsöluna“
- segir Sigurður E. Haraldsson, formaður Kaupmannasamtaka íslands
„Augljóst er að umtalsverðar
breytingar eru framundan í mat-
vörudreifingu, einkum á sviði
innkaupa, tii lækkunar vöru-
verðs. Hér á landi ríkir gífurleg
verðsamkeppni, bæði á innflutt-
um vörum og á vörum framieidd-
um hér á landi, en þetta stríð
gengur ekki til lengdar. Það eru
matvörukaupmenn sjálfir sem
þurfa að standa undir herkostn-
aðinum. Þetta ástand mun leiða
af sér sivaxandi verslunardauða
hverfaverslanna," sagði Sigurð-
ur E. Haraldsson, formaður
Kaupmannasamtaka íslands, i
samtali við Morgunblaðið.
í lok september gengust for-
svarsmenn Kaupmannasamtaka
íslands í samvinnu við Matkaup
hf., Irtnkaupasamband matvöru-
kaupmanna og K-samtökin fyrir
kynnisferð til Norðurlandanna til
að kynnast verslunarháttum mat-
vörukaupmanna þar og bera þá
saman við ríkjandi hætti á íslandi.
Fulltrúar KÍ, auk Sigurðar, voru
Magnús E. Finnsson framkvæmda-
stjóri, Jóhannes Jónsson verslunar-
stjóri og Hreinn Sumarliðason
erindreki. Einnig tóku átta mat-
vörukaupmenn af suðvesturlandi
þátt í ferðinni.
Sigurður sagði að álagning smá-
sölunnar á mjólk væri t.d. 10% hér
á landi, en 17% f Noregi. „Sá sem
ætlar sér að lifa af 10% smásöluá-
lagningu, er dæmdur til að deyja.
Að mati Kaupmannasamtakanna
er það ekki síður mikilvægt fyrir
fólkið í landinu að geta haldið niður
vöruverði alveg eins og að hækka
launin. Við sáum í ferðinni að það
á sér stað mikið samstarf kaup-
manna á Norðurlöndunum, bæði
smárra og stórra. Allt þetta sam-
starf miðast að því að tryggja
hagstætt vöruverð. Matvörukaup-
menn sjálfir hafa tekið heildsölu-
verslunina í sínar hendur og skapar
það mikla hagkvæmni. Islenskir
kaupmenn ættu að gera slíkt hið
sama - það myndi ekki gera neitt
nema gott eitt."
Magnús E. Finnsson sagði að
íslenskir matvörukaupmenn hér á
landi þyrftu að kaupa sínar vörur
frá allt að 150 heildsöluaðilum á
meðan kaupmenn á hinum Norðurl-
öndunum keyptu flestar vörur sínar
á einum stað. „Hjá nágrannaþjóð-
um okkar hafa kaupmenn bundist
samtökum um heildverslunina. Þeir
safna vörunum á einn stað og
dreyfa henni síðan þaðan. Það þarf
að stytta sem mest leiðina frá fram-
leiðendum til neytenda. Álagning
hér er komin niður fyrir meðalá-
lagningu á hinum Norður-löndun-
um, en þar ná kaupmenn árangri
með því að safna vörunum saman
á þennan hátt. Jafnframt verðum
við að gera þá kröfu til heildsalanna
að þeir taki virkan þátt í lækkun
vöruverðs, en viðbrögð heildsala
gagnvart verðkönnun Verðlags-
stofnunnar fyrir skömmu ollu
kaupmönnum miklum vonbrigðum.
í könnunni var annars vegar tekið
heildsöluverð í Skot-landi og hins-
vegar á íslandi."
Hreinn Sumarliðason sagði að
heildsalamir væru ekki nærri því
nógu vakandi yfír því að þessi
verðsamkeppni snéri einnig að
þeim. í framhaldi af ferðinni sátu
fulltrúar KÍ ráðstefnu Sambands
norrænna matvörukaupmanna, sem
haldin er á tveggja ára fresti. Þar
var m.a. rætt um lokunartíma versl-
anna og eru menn helst á þvf að
reglur um lokunartfma skuli rýmk-
aðar. Þá hafa ný lög um kreditkort
tekið gildi í Noregi sem gera ráð
fyrir því að korthafi beri allan
kostnað af notkun kortsins og greiði
þá vexti er honum ber eins og gert
er í hvaða lánsviðskiptum sem er.
Hreinn sagði að KÍ vonuðust til að
þessu verði breytt hér á landi einn-
ig. „Það er einungis verið að
mismuna neytendum og kemur
þetta verst niður á þeim sem stað-
greiða vörumar - í hækkuðu
vöruverði."
Magnús sagði að samkeppni hins
fíjálsa og óháða kaupmanns við
Samvinnuhreyfínguna á Norður-
löndum væri mikil og vöminnkaup-
um miðstýrt að nokkra leiti af
henni. „Það er augljóst að Sam-
vinnuhreyfingin vill seilast til
aukinna markaðsáhrifa hér á landi
með kaupum sínum á Vfði nú fyrir
skömmu, en hinn fíjálsi kaupmaður
hefur ætíð verið stærri, a.m.k. á
Suðurlandi, en við ætlum að halda
okkar hlut. Hinsvegar breytir sam-
keppnisaðstaðan miklu þar sem
lögbundið er að hvers kyns sam-
vinnufélög mega leggja 25% af
hagnaði sínum í svokallaðan
stofnfjársjóð, en það sama á ekki
um önnur fyrirtæki, sem ekki eru
rekin í sama rekstrarformi," sagði
Magnús.
Hreinn Sumarliðason erindreki, Sigurður E. Haraldsson formaður
KÍ, og Magnús E. Finnsson framkvæmdastjóri KÍ
Ijv u.—■
t
**:.-,* *%■ *
TOLVUR&
Ð L
SEM HALDIN HEFUR
VFPTÐ A T^T.AKTnT WFFQT T
w JCi JW»JlJC«r JnL JLi9JLlJuwJL w JL EjLJLM m IJL J.
BORGARLEIKHÚSINU Á MORGUN
r s
Tölvu- og hugbúnaðarsýningin „Tölvur og þjóðlíf“
verður í Borgarleikhúsinu dagana 8.-12. október. Á
sýningunni gefst einstakt tækifæri til að fá svör við
öllu því sem þú hefur ávallt viljað vita um tölvur, en
ekki þorað að spyrja um...
öll stærstu tölvu- og hugbúnaðarfyrirtækin taka þátt
í sýningunni og sýna það nýjasta sem tölvutæknin
hefur upp á að bjóða.
Tölvusýning í Borgarleikhúsinu 8.-12. október.
Stórkostleg sýning - fræðandi og skemmtileg.