Morgunblaðið - 24.01.1990, Blaðsíða 19

MORGUNBLAÐIÐ MIÐVIKUDAGUR 24. JANUAR 1990
19
Yfírmaður prófdeildar Sameinuðu þjóðanna:
Viljum fjölga íslend-
ingum í starfeliði SÞ
yVIÐ höfiim áhuga á að fjölga
Islendingum í starfsliði Samein-
uðu þjóðanna (SÞ). Á vegum
stoftiunarinnar starfa fimm Is-
lendingar en miðað við þær
hlutfallareglur sem reynt er að
hafa í heiðri við ráðningu starfe-
liðs og starfemannahald ættu
þeir að vera 9-10,“ sagði Pierre
Pelanne, yfírmaður prófdeildar
starfsmannahalds SÞ í samtali
við Morgunblaðið. Hann var hér
á landi í síðustu viku og ræddi
við fulltrúa ýmissa stofnana og
félaga vegna hæfnisprófs, sem
fyrirhugað er að halda hér á
landi í maí fyrir umsækjendur
um störf þjá SÞ, en stoftiunin
heftir nýlega auglýst eftir fólki
hér á landi.
Hæfnisprófin eru skrifleg og
fara fraffi hér á landi 10.-11. maí
næstkomandi. Umsóknir um þátt-
töku í þeim þurfa að hafa borist
utanríkisráðuneytinu 1. mars nk.
Fyrri daginn verður prófað á sér-
sviði viðkomandi, þ.e. stjórnun,
hagfræði, tölvufræði eða fjölmiðl-
un/almannatengslum. Seinni dag-
inn þreyta allir umsækjendur sama
próf þar sem reynir á almenna
þekkingu. Þar verður m.a. könnuð
rökræn greiningarhæfni viðkom-
andi, færni í ensku eða frönsku
og þekking á alþjóðamálum. Áður
en að prófi kemur munu umsækj-
endur fá sýnishorn af prófi sem
þessu, en inntökupróf af þessu
tagi hafa verið haldin í 35-40
rikjum að undanförnu.
MorgUíiblaðið/ÁHii Sæberg
Pierre Pelanne, yfírmaður próf-
deildar starfemannahalds Sam-
einuðu þjóðanna.
Að skriflegu prófi loknu verða
úrlausnir metnar af sérstakri próf-
nefnd SÞ. Þeim sem skila full-
nægjandi árangri verður boðið að
þreyta munnlegt próf, sem að öll-
um líkindum verða í september,
og í framhaldi af þeim verður ráð-
ið í störfin.
Pelanne ræddi hér við fulltrúa
háskólans, fulltrúa félags hag-
fræðinga og viðskiptafræðinga,
Blaðamannafélags íslands, Verk-
Ólöf Baldursdóttir gaf Landgræðsluátakinu merki.
Gaf Landgræðslu-
átakinu merki
Ólöf Baldursdóttir hönnuður gaf „Landgræðsluskógum —
átak 1990“ merkið, sem notað er til að einkenna það. Þetta
merki teiknaði Ólöf Baldursdóttir upphaflega fyrir „Ár trésins
1980“, en setti það í nýjan búning fyrir átakið núna. Merkið
verður væntanlega notað til að einkenna landgræðsluskóga
framtíðar.
Qlöf rekur eigin hönnunar- og
auglýsingastofu í Stokkhólmi,
„99 Design & Reklam AB“. Hún
lærði við Myndlista- og handí-
ðaskólann og Konstindustriskol-
an í Gautaborg. Ólöf starfaði
síðan hjá teiknistofu Sjónvarps-
ins, Auglýsingastofu Kristínar,
Auglýsingastofunni Art, Auglýs-
ingastofunni Argus og Auglýs-
ingastofu ólafs Stephensen.
Meðal merkja sem Ólöf hefur
teiknað má nefna vörumerki
Kópalmálningar og félagsmerki
Póstmannafélags Islands.
fræðingafélags íslands, Félags
háskólamenntaðra tölvunarfræð-
inga og Stjórnunarfélags íslands
og hjá þessum samtökum er að
finna upplýsingar um störf þau,
sem fyrirhugað er að ráða i hjá
SÞ. Þau era ýmist í aðalstöðvum
stofnunarinnar eða ýmsum stofn-
unuffi hennar eða skrifstofum um
heim allan.
„Við vonumst til að finna hér
unga viðskipta- og hagfræðinga,
stjórnsýslufræðinga, tölvufræð-
inga og fólk sem er menntað á
sviði fjölmiðlunar og almanna-
tengsla. Við höfum einkum áhuga
á að ráða menn sem áhuga hafa
á fraffitíðarstarfi hjá stofnuninni.
Umsækjendur verða að vera fædd-
ir eftir 1. janúar 1968 enda um
fulltrúastörf að ræða. Viðkomandi
eiga þess síðan kost að vinna sig
upp í starfi. Mér skilst að launin
séu þokkaleg miðað við það sem
býðst hér á landi eða um 30.000
dollarar á ári, eh þau eru örlítið
mismunandi eftir því hvar í heim-
inum viðkomandi starfar.
Við höfum sérstakan áhuga á
að ráða konur til starfa, enda hef-
ur allsheijarþingið samþykkt að
stefnt skuli að því að 30% starfs-
liðs SÞ um næstu áramót skuli
vera konur. Nú er hlutfall kvenna
27%. Það skal þó tekið fram að
bæði kynin munu sitja algjörlega
við sama borð í prófunum og kon-
ur munu ekki njóta neins forgangs
við stöðuveitingarnar. Frammi-
staðan á prófunum sker úr um
hveijum verða boðin störf,“ sagði
Pelanne.
Morgunblaðið/Þorkell
Frá fræðslufimdi Vinnueftirlitsins, Dagsbrúnar og Trésmiðafélags
Reykjavíkur um öryggi og aðbúnað á vinnustað byggingamanna í
Grafarvogi.
Vinnueftirlit ríkisins:
FVæðslufundir haldnir á
vinnustöðum um öryggi
VINNUEFTIRLIT ríkisins stendur um þessar mundir fyrir fræðslu-
ftindum um öryggi og aðbúnað á vinnustað í byggingariðnaðinum.
Byijað er á höfuðborgarsvæðinu og er. ætlunin að heimsækja hvern
byggingarstað, að sögn Gylfa Más Guðjónssonar hjá Vinnueftirlitinu.
Stefnt er að því að halda slíka ftindi á öllu landinu og ljúka yfírferð-
inni fyrir vorið.
Gylfi Segir að fræðslufundirnir
séu nú haldnir að vegum Verka-
mannafélagsins Dagsbrúnar og
Trésmiðafélags Reykjavíkur, auk
Vinnueftirlitsins, en Trésmiðafélag-
ið og Samband byggingamanna
áttu frumkvæði að herferðinni.
Farið er á hvern vinnustað ef
aðstaða er þar, að öðrum kosti svo
nærri vinnustaðnum sem kostur er
á. Þar sem uffl er að ræða marga
eins vinnustaði, til dæmis í verka-
mannabústöðum, er hægt að safna
mönnum saman frá fleiri en einum
stað.
Einum til tveimur dögum fyrir
fræðslufundinn er farið á vinnu-
staðinn, teknar þar myndir og að-
staða könnuð. Þær myndir eru síðan
notaðar á fræðslufundinum til að
benda mönnum á hvað betur mætti
fara á þeirra eigin vinnustað.
Fræðslan er um öryggi og að-
búnað starfsmanna, um líkams-
beitingu og notkun öryggisbúnaðar
eirts og hlífa af ýmsu tagi, farið er
yfir ábyrgð bæði starfsmanna og
stjórnenda. Farið er yfir hvað er
til fyrirmyndar á vinnustaðnum og
hveiju þarf að bæta úr. Fundirnir
eru ætlaðir öllum starfsmönnum
fyrirtækjanna, einnig stjórnendum.
Gylfi segir að svipað fundakerfi
hafi verið í gangi á bílaverkstæðum
og að einnig hafi verið lialdnir
fræðslufundir um öryggi í fisk-
vinnslunni. Hann segir að í kjölfar
margra vinnuslysa í byggingariðn-
aði árið 1987 hafi verið tekið á
öryggismálunum þá og hafi það
skilað góðum árangri, nú sé haldið
áfrám og áherslan ekki síður á að-
búnað á vinnustöðum. Síðastliðið
sumar var að sögn Gylfa lokað með
innsigli á um 20 vinnustöðum vegna
aðbúnað&r starfsmanna. Hann seg-
ir að yfirleitt hafi það orðið til þess
að skjótar úrbætur voru gerðar.
Engin kona kjörinn full-
trúi í 81 sveitarfélagi
Lægsta hlutfall á Norðurlöndum
JAFNRÉTTISRÁÐ hefur sent öll-
um stjórnmálasamtökum áskorun
um aukin áhrif og völd kvenna i
þjóðfélaginu. Jafhréttisráð bendir
á að ein leið til þess er að fjölga
konum sem kjörnum fulltrúum i
sveitarstjórnum.
í áskorun Jafnréttisráðs segir að
einungis um 19% sveitarstjómar-
manna séu konur sem er lægsta hlut-
fall á Norðurlöndum. Hlutur kvenna
er einna hæstur í stærri sveitarfélög-
um, en þar eru þær 29% fulltrúa,
en lægstur í hreppum landsins,
15,3%
í 81 sveitarfélagi er engin kona
kjörinn fulltrúi og í aðeins þremur
sveitarfélögum eru konur í meiri-
hluta. 1 áskorun Jafnréttisráðs segir
að þessa staðreynd sé ekki hægt að
skýra með þeim rökum að kjósendur
hafni konum. Leiða megi sterk rök
að því að kjósendum hefur ekki ver-
ið veittur möguleiki til að kjósa kon-
ur.
í áskoruninni segir jafnframt:
„Það eru sveitarstjórnarkosningar á
vori komanda og stjórnmálaflokkar
í óða önn að undirbúa þau málefni
og áherslur sem þeir vilja berjast
fyrir. Jafnframt fer nú fram val
þeirra frambjóðenda sem þeir
treysta best til að vinna þeim málum
fylgi. Forystumenn stjórnmálaflokka
verða að gera sér grein fyrir því að
það krefst vinnu, skipulagningar,
markvissra aðgerða og jafnvel fórna
að auka hlut kvenna í öruggum
sætum á framboðslistum stjórn-
málaflokka...“
„Jafnréttisráð skorar á alla þá
sem taka þátt, í undirbúningi fram-
boðslista vegna komandi sveitar-
stjórnakosninga að veita konum veg-
legt brautargengi og stuðla þannig
að réttlátri skiptingu valda og áhrifa
og betri nýtingu á færni og hæfileik-
um bæði kvenna og kar!a.“
Ráðstefha Orðabókar Háskólans og IBM;
IBM hefur lagt fram á
annað hundrað
milljóna til þýðinga
Á UNDANFÖRNUM fímm árum
hefúr IBM á íslandi lagt fram á
annað hundrað milljóna króna,
að meðtöldu vinnuframlagi starfe-
manna, til þýðinga og handbóka-
gerðar fyrir tölvur. Verkið er
unnið í samstarfi við Orðabók
Háskólans og í dag standa Orða-
bókin og IBM að ráðstefhu um
„Þýðingar á tölvuöld", sem haldin
er í AKOGES- salnum við Sigtún
3.
„Við leituðum til Orðabókar Há-
skólans um að þeir tækju að sér
ákveðið verkefni fyrir okkur," sagði
Gunnar Hansson forstjóri IBM.
„Samstarfið hófst fyrir fimm árum,
eða árið 1985, og er algerlega fjár-
magnað af IBM. Að auki vinnum
við þetta með þeim, það er að segja
ýmis tæknivinna fellur á kerfis-
fræðinga okkar en starfsmenn Orða-
bókarinnar sjá um þýðingar og hand-
bókagerð."
Kostnaður IBM vegna verksins á
síðasta ári var um 60 milljónir króna
og heildarkostnaður frá upphafi er
á annað hundrað milljóna króna að
meðtöldu vinnuframlagi starfs-
manna IBM. „Það má segja að þessu
verkefni ljúki aldrei því þróunin er
svo ör á tölvusviðinu og sífellt koma
fram nýjungar. Þó stóra átakinu sé
lokið munum við halda þessum þýð-
ingum áfram og taka inn nýjungar
jafnóðum og þær koma. Það þarf
alltaf að þýða leiðbeiningar og hug-
búnað og búa til nýyrði,“ sagði
Gunnar. „Þetta er unnið að okkar
frumkvæði og við sjáum fram á að
halda áfram þýðingum um ókomna
tíð en hvort það verður í jafn miklum
mæli og nú tel ég ósennilegt."
Á ráðstefnunni, senj stendur frá
kl. 10 til 16.30, verða fluttir n(u
fyrirlestrar og er hún opin öllu
áhugafólki.