Frjáls verslun - 01.10.1946, Blaðsíða 47

siður nú orðið, að fólk kýs að bæta frídegi
verzlunarmanna við sumarleyfi sitt, svo að því
notist það sem bezt.
Félagið gekkst einnig oft áður fyrir útihátíða-
höldum hér í bænum eða nærlendis, en setuvist
erlendra herja í landinu kom í veg fyrir fram-
hald á þeim. Félagið hefur í hyggju að taka
þesskonar hátíðahöld aftur á dagskrá og þegar
gert ráðstafanir, til þess að tryggja sér úti-
skemmtistað á frídeginum að ári. Sömuleiðis
hefur félagið nýjan og merkilegan dagskrárlið
á prjónunum, sem að forfallalausu mun koma
fram á næsla frídegi og væntanlega verða fast-
ur liður framvegis.
Þá hefur V.R. haft útvarpsdagskrá með hönd-
um á þessum degi, undanfarin ár. Þessi dag-
skrá hefur jafnan verið hin fjölbreyttasta og
miðað bæði til fróðleiks og skemmtunar, enda
sætt góðum dómum hlustenda.
Af ofangreindum ástæðum teljum vér ótví-
rætt, að V.R. hafi skapað sér hefð, að því er
varðar forgöngu um hátíðahöld á frídegi verzl-
unarmanna, og beri félaginu að halda henni í
heiðri með því að hafa framkvæmdir dagsins
með liöndum, hér eftir sem hingað til. Hins
vegar þökkum vér velvilja og tilboð Verzlunar-
ráðsins um stuðning og samstarf við V.R., þessu
viðvíkjandi, og tökum undir með bréfi ráðsins
um nauðsyn á aukinni þátttöku verzlunarstétt-
arinnar í hátíðahöldum frídagsins.
Með tilliti til þess, að flestallir reykvískir
meðlimir Verzlunarráðsins eru einnig félags-
menn í V.R., teljum vér auðvelt og sjálfsagt að
hagnýta V.R. áfram sem þann vettvang, er ræð-
ur hátíðahöldum frídagsins og beitir sér fyrir
þeim. Oss fýsir mjög að ræða frekar um málið
við Verzlunarráðið á þessum grundvelli og vænt-
um þess, að ráðið fallist á þessa tillögu vora.
Slík málaskipan mundi að vorum dómi bera vott
um fullkominn einhug verzlunarséttarinnar.
Jafnframt mundi þannig fyrir það girt, að þetta
mál geti á einhvern liátt orðið að bitbeini milli
Verzlunarráðsins og V.R., enda mun hvorug-
ur aðilinn æskja þess.
Samkvæmt framanskráðu verður niðurstaða
vor þessi:
Sökum þess, að V.R. hefur ætíð haft veg og
vanda af hátíðabrigðum verzlunarmannafrídags-
in og aldrei brotið neitt af sér í þeim efnum,
getum vér ekki fallizt á, að félagið láti forgöng-
una um framkvæmdir þeirra af hendi. Aftur
á móti eru oss kærkomnir starfskraftar allra
þeirra félagsmeðlima V.R., sem vilja vinna með
oss, innan vébanda félagsins, að því, að gera
veg frídagsins sem mestan og beztan.
Virðingarfyllst“.
Síðan þetta bréf var skrifað, hefur þetta mál ekki
borið á góma, og því stendur það nú í þessu sama
fari, sem fram kemur í bréfunum.
Af öðru skemmtanahaldi félagsins er einkum að
nefna árshátíðina, sem haldin var að Hótel Borg 1.
febr. s.l. Var það jafnframt 55 ára afmælishátð fé-
lagsins, og fór hún fram með miklum ágætum.
Skemmtinefnd félagsins hefur auk þessa gengist fyr-
ir 9 skemmtunum, auk 5 jólatrésskemmtana, sem
haldnar voru að félagsheimilinu snemma í jan. Fjár-
hagsárangur af þessum skemmtunum hefur verið afar
misjafn, ýmist ágóði eða halli, en samanlagt kemur
út nokkurt tap af þeim, og vísast um það til reikn-
inganna.
Hlutaveltu hélt félagið í október í haust, og gaf
hún af sér meiri tekjur en oft áður. Skipaði stjórnin
10 manna nefnd, sem hafði veg og vanda af undirbún-
ingi hlutaveltunnar, ásamt framkvæmdastjóranum, og
vann hún ötullega að starfi sínu. Formaður nefndar-
innar var Bjarni Halldórsson. Færi ég nefndinni þakk-
ir fyrir, svo og öllum þeim, sem gáfu vörur og muni
í þessu skyni.
Þá stofnaði stjórnin nýlega til innanfélagshapp-
drættis, sem gefa mun af sér um kr. 11.000,00 í hagn-
að, ef það selst upp, sem vonir standa til, en sú upp-
hæð mun koma til tekna á næsta fjárhagsári.
Þessu næst vík ég að starfsmannadeildum félagsins.
Þær hafa liaft kjaramálin á dagskrá sinni á þessu
fyrsta starfsári þeirra og haldið nokkra fundi, bæði
sameiginlega og sér í lagi. Nú nýlega hafa þær hald-
ið aðalfundi sína, og eru formenn deildanna nú, sem
hér segir: Form. sölumannadeildar. Carl Hemming
Sveins, endurkosinn, form. skrifstofumannadeildar:
Baldur Pálmason, endurkosinn, og form. afgreiðslu
mannadeildar: Jón Ólafsson, í stað Björgúlfs Sigurðs-
sonar. Lítil umskipti urðu á meðstjórnendum deild-
anna.
Síðasta stórmálið, sem leyst hefur verið í tíð frá-
farandi stjórnar, er stofnun byggingasamvinnufélags
meðal félagsmanna V.R., en stofnfundur þess var hald-
inn 20. f. m. Mikill áhugi er ríkjandi um starfsemi
þess félags, og er vonandi að því takist að hrinda á-
formum sínum í framkvæmd hindrunarlítið. Er það
áreiðanlega stór ávinningur fyrir félagið, ef vel tekst
í þessu efni. Stofnendur félagsins voru 102 að tölu,
en síðan hafa fleiri bætzt í hópinn, svo að félagatalan
er nú komin upp í 130. í stjórn félagsins voru kosnir
þessir menn og skipta þeir þannig með sér verkum:
Carl Hemming Sveins form., (hann hafði með hönd-
um undirbúning félagsstofnunarinnar), Gunnar Pét-
ursson gjaldkeri, Þorsteinn Bernharðsson ritari, Hall-
grímur Sveinsson og Agnar Lúðvígsson. Til vara:
Hjörtur Hansson, Gústaf A. Sveinsson og Ólafur Stef-
ánsson.
Ég hef þá rakið það helzta, sem einkennt hefur
starfsemi félagsins á liðnu ári. Hér á eftir munu að-
FRJÁLS VERZLUN
207