Morgunblaðið - 19.08.2004, Blaðsíða 2
FRÉTTIR
2 FIMMTUDAGUR 19. ÁGÚST 2004 MORGUNBLAÐIÐ
UNNU ÍTALINA
Íslenska karlalandsliðið í knatt-
spyrnu vann 2:0-sigur á liði Ítalíu á
Laugardalsvellinum í gærkvöld. Alls
voru 20.204 áhorfendur á Laugar-
dalsvellinum, sem er nýtt vallarmet.
Góður kafli íslenska liðsins um mið-
bik fyrri hálfleiks gerði útslagið í
leiknum, þar sem Íslendingar skor-
uðu tvö mörk með þriggja mínútna
millibili.
Sharon varð undir
Ariel Sharon, forsætisráðherra
Ísraels, varð í gær undir á flokksþingi
Likudflokksins, sem hafnaði því, að
gengið yrði til stjórnarsamstarfs við
Verkamannaflokkinn. Þarf Sharon á
því að halda til að koma áætlun sinni
um brottflutning í framkvæmd. Við
honum er hins vegar mikil andstaða
innan Likudflokksins. Búist er við, að
Sharon boði til nýrra kosninga á
næstu mánuðum en stjórn hans
missti meirihluta sinn á þingi í júní.
Bjargaði sér á sundi
Steinar Ragnarsson hélt að það
væri sitt síðasta þegar hann féll út-
byrðis af gúmmíbát við Knarrarnes á
Mýrum á þriðjudagskvöldið. Saup
hann mikinn sjó en reyndi að synda
rólega í nálæga eyju. Eftir að hafa
verið 30–40 mínútur í sjónum rakst
hann á grjót stutt frá fjöruborðinu.
Skreið hann í land og var síðan bjarg-
að.
Clinton til landsins
Gert er ráð fyrir að Hillary og Bill
Clinton komi hingað til lands á
þriðjudaginn í tenglsum við komu
bandarískrar sendinefndar, sem for-
setafrúin fyrrverandi á sæti í. Munu
þau væntanlega einungis stoppa í
einn dag og ekki er gefið upp hvert
þau hyggjast fara. Nefndarmenn
munu hitta utanríkisráðherra í
Svartsengi.
Y f i r l i t
Í dag
Sigmund 8 Forystugrein 28
Erlent 12 Viðhorf 30
Heima 16 Minningar 32/43
Höfuðborgin 18 Dagbók 44/46
Suðurnes 18 Af listum 48
Akureyri 20 Listir 48/49
Landið 21 Fólk 50/53
Neytendur 22/23 Bíó 50/53
Daglegt líf 24/25 Ljósvakamiðlar 54
Umræðan 26/31 Veður 55
Bréf 30 Staksteinar 55
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfull-
trúi, orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl
!
"
#
$
%&' (
)***
ÞINGFLOKKSFUNDUR Fram-
sóknarflokksins hefur verið boðaður
síðdegis í dag. Er þar gert ráð fyrir
því að Halldór Ásgrímsson, formað-
ur Framsóknarflokksins, leggi til-
lögu fyrir þingflokkinn, um ráð-
herraskipan flokksins eftir 15.
september nk., en þá tekur hann við
embætti forsætisráðherra og um-
hverfisráðuneytið fer til Sjálfstæð-
isflokksins.
Stjórn KFSV skorar
á formann
Stjórn fulltrúaráðs framsóknar-
félaganna í Hafnarfirði sendi í gær
frá sér ályktun þar sem skorað er á
formann og þingflokk Framsóknar-
flokksins að líta til niðurstöðu síð-
ustu alþingiskosninga við val á ráð-
herrum við þær breytingar sem
verða í ríkisstjórn hinn 15. sept-
ember nk.
„Suðvesturkjördæmið er fjöl-
mennasta kjördæmi landsins og
oddviti framsóknarmanna í kjör-
dæminu [Siv Friðleifsdóttir – innsk
Mbl.] er með flest atkvæði á bak við
sig af þingmönnum flokksins.
Það er mikill styrkur fyrir starf
Framsóknarfélaganna að oddviti
flokksins sitji í ríkisstjórn og jafn-
framt er bent á það að mikilvægt er
að góð eining og sátt ríki innan
flokksins um val á ráðherrum 15.
september næstkomandi,“ segir í
ályktuninni.
Í bréfi sem stjórn Kjördæmis-
sambands flokksins í Suðvestur-
kjördæmi sendi Halldóri Ásgríms-
syni 26. apríl sl., sem gert var
opinbert í gær, er þeirri eindregnu
skoðun komið á framfæri að eðlilegt
sé miðað við núverandi aðstæður að
ráðherra SV-kjördæmis, Siv Frið-
leifsdóttir, haldi áfram í ríkisstjórn-
inni út kjörtímabilið. Er m.a. bent á
að oddviti framsóknarmanna í kjör-
dæminu sé með flest atkvæði á bak
við sig samanborið við aðra þing-
menn flokksins þegar atkvæðamagn
kjördæma sé deilt niður á þingmenn
þeirra.
„Það er algerlega óásættanlegt
fyrir kjördæmið að ekki komi ráð-
herra úr SV-kjördæmi úr röðum
framsóknarmanna miðað við þær
aðstæður sem fyrir eru. Engin póli-
tísk rök hníga að því að ganga
framhjá oddvita kjördæmis okkar
nú við nýja ráðherraskipan,“ segir
m.a. í bréfinu til formanns Fram-
sóknarflokksins.
Halldór gerir tillögu
um ráðherraval í dag
DAVÍÐ Oddssyni forsætisráðherra
heilsast vel og bati hans hefur verið í
samræmi við væntingar lækna. Hon-
um hafa að und-
anförnu borist
fjölmargar kveðj-
ur frá erlendum
þjóðarleiðtogum,
þar á meðal öllum
forsætisráðherr-
um á Norðurlönd-
um, auk bréfa frá
forsætisráðherra
Bretlands og for-
seta Bandaríkjanna.
Þetta kemur fram í frétt frá for-
sætisráðuneytinu. Þar segir meðal
annars að Tony Blair, forsætisráð-
herra Bretlands, hafi sent forsætis-
ráðherra bréf og á þriðjudag hafi
borist bréf frá George W. Bush, for-
seta Bandaríkjanna, með óskum um
góðan bata. Þá hafi borist kveðjur
frá Adrian Nastase, forsætisráð-
herra Rúmeníu, og Wesley Clark,
hershöfðingja og fyrrverandi yfir-
manni herafla Atlantshafsbanda-
lagsins í Evrópu. Einnig hafi forseti
Slóveníu tvívegis hringt til forsætis-
ráðherra og í gær hafi hann átt sím-
tal við Colin Powell, utanríkisráð-
herra Bandaríkjanna.
Fjölmargar
kveðjur
frá þjóðar-
leiðtogum
Davíð Oddsson
SAMNINGUR um sölu innanlands-
flugs Íslandsflugs hefur verið gerð-
ur, en kaupandi er Flugtaxi ehf., sem
er að hluta til í eigu Íslandsflugs. Ís-
landsflug hefur haldið uppi reglu-
legu flugi til og frá Bíldudal, Horna-
firði, Gjögri, Sauðárkróki og Vest-
mannaeyjum.
Í samtali við Morgunblaðið sagði
Ómar Benediktsson, forstjóri Ís-
landsflugs, að salan hefði lengi legið í
loftinu og að hún væri þáttur í því að
félagið hygðist einbeita sér að fullu
að starfsemi þess erlendis. Þá sagði
hann einnig betra fyrir innanlands-
flugið að það væri í höndunum á
kraftmiklum ungum mönnum sem
veittu því alla sína athygli og tíma.
Gert er ráð fyrir að Flugtaxi taki
yfir rekstur innanlandsflugsins 1.
október næstkomandi, og færist þá
Dornier flugvélin TF-ELF á flug-
rekstrarleyfi þess félags. Íslandsflug
mun sjá um viðhald flugvélarinnar
og mönnun fyrstu mánuðina.
Segja má að við söluna verði kafla-
skil í sögu Íslandsflugs, en starfsemi
þess hófst með innanlandsflugi í árs-
byrjun 1991.
Íslandsflug
selur innan-
landsflugið
„KERFIÐ kann að vera of sveigjan-
legt og eftirgefanlegt. Það er engum til
góðs, hvorki einstaklingum né sam-
félaginu, að á atvinnuleysisbótum sé
fullfrískt fólk sem er hæft til margra
starfa en samt sé erfitt að manna
störf,“ segir Gissur Pétursson, for-
stjóri Vinnumálastofnunar. Hann segir
reglur um atvinnuleysisbætur á Ís-
landi um margt slakari en í nágranna-
löndunum og hér geti menn verið allt
að fimm ár á bótum sem sé alltof lang-
ur tími.
Í vikunni bárust fregnir af því að á
Suðurnesjum sé vinnuaflsskortur
þrátt fyrir talsvert atvinnuleysi.
Gissur segir að það sé ekki óþekkt
fyrirbæri að atvinnuleysi og vinnuafls-
skortur fari saman og fyrir því geti
verið ýmsar ástæður. Fólk á atvinnu-
leysisskrá hafi ekki alltaf þá hæfni til
að bera sem atvinnurekendur sækist
eftir. Einstæðar mæður eigi erfitt með
að taka að sér vaktavinnu þar sem þær
fái ekki vistun fyrir börnin. Þess séu
einnig dæmi að skortur á almennings-
samgöngum verði fólki fjötur um fót en
það eigi m.a. við á Suðurnesjum. Þá
kunni einhver hluti þeirra sem eru á at-
vinnuleysisskrá að gera sér óraunhæf-
ar væntingar um laun og störf.
Gissur vekur athygli á því að á Aust-
urlandi sé talsverð eftirspurn eftir
vinnuafli og hafi stofnunin hvatt full-
fríska menn á atvinnuleysisskrá, sem
ekki eru fjölskyldumenn, til að sækja
þar um störf. Það hafi hins vegar geng-
ið illa og hafi menn borið ýmislegt fyrir
sig, m.a. fjarlægðina, útileguna og
launakjörin. Taki menn á atvinnuleys-
isskrá ekki störfum sem þeim eru boð-
in, án þess að gefa fullnægjandi skýr-
ingu, eiga þeir á hættu að missa bætur
í 40 daga. Áður er máli þeirra vísað til
úthlutunarnefndar sem fjallar um mál
þeirra. „Þannig að það er mjög hörð
refsing við því að þiggja ekki starf.“
Gissur segir hugsanlegt að reglur
um atvinnuleysisbætur séu of sveigj-
anlegar og nefnir sem dæmi að menn
geti hafnað vaktavinnustörfum með
þeim rökum að þau séu utan hefðbund-
ins dagvinnutíma. Úthlutunarnefnd
hafi fallist á þessi rök.
Þá segir hann Vinnumálastofnun
hafa áhyggjur af því að sumum reynist
auðvelt að útvega sér læknisvottorð
um að þeir geti ekki unnið tiltekin
störf. Þyki slík vottorð „ankannaleg“
séu málin send trúnaðarlækni stofnun-
arinnar.
Það eru þó ekki eingöngu dæmi þess
að atvinnulausir hafni störfum, einnig
eru dæmi um að atvinnurekendur vilji
helst ekki fólk af atvinnuleysisskrá
heldur kjósi frekar erlent vinnuafl.
Gissur bendir á að samkvæmt lögum
verði að auglýsa störf á opinberri
vinnumiðlun áður en hægt er að manna
þau með erlendum ríkisborgurum. Oft
sé erfitt að fá Íslendinga til að taka
þessi störf að sér þar sem vinnan þyki
ekki eftirsóknarverð og launin slök,
jafnvel lítið hærri en bæturnar. Að
sögn hans er unnið að endurskoðun á
reglum um atvinnuleysisskráningu.
Gissur Pétursson, forstjóri Vinnumálastofnunar, um atvinnuleysisbótakerfið
Kerfið hugsanlega of sveigjanlegt
♦♦♦
ÞJÓNUSTU- og tæknifyrirtækið Fálkinn hélt upp á
hundrað ára afmæli sitt í gær. Af því tilefni undirrituðu
stjórnendur Fálkans samning við fulltrúa Reykjavík-
urborgar og Fjölskyldu- og húsdýragarðsins um að fyr-
irtækið styrki verkefni sem ber heitið Villt dýr í
hremmingum. Verkefnið felur í sér að komið er upp
sérstakri aðstöðu í garðinum þar sem villtum dýrum,
sem lent hafa í hremmingum, er hjálpað til að komast
aftur í náttúruna. Jafnframt verður þar komið upp að-
stöðu til þjálfunar. Styrkurinn er metinn á 2,5 milljónir
króna.
Svo skemmtilega vill til, að fyrsta dýrið, sem flutt er í
garðinn, vegna þessa verkefnis, er einmitt fálki, sem
lenti í hremmingum á Langanesi, fyrr í sumar.
Dyttaði að reiðhjólum
„Upphaf [fyrirtækisins] Fálkans má rekja til þess að
efnalítill vestfirskur trésmiður í Reykjavík tók að dytta
að reiðhjólum í hjáverkum um þarsíðustu aldamót,“
segir í ritinu Ágrip af sögu Fálkans, sem skráð er af
Viðari Pálssyni, í tilefni afmælisins. Trésmiðurinn hét
Ólafur Magnússon og eiginkona hans var Þrúður Guð-
rún Jónsdóttir.
Núverandi forstjóri Fálkans, Páll Bragason, er
barnabarn þeirra, en fyrirtækið er í eigu afkomenda
Ólafs og Þrúðar Guðrúnar
Páll segir að fyrirtækið hafi upphaflega verið reið-
hjólaverkstæði og verslun, en í gegnum árin breyttist
starfsemi þess. Flutti það m.a. inn skellinöðrur og bíla,
gaf út plötur og hin síðari ár hefur það þróast yfir í það
að vera tæknifyrirtæki. „Reiðhjólaviðskipti og hljóm-
plötusala í Fálkanum heyra nú sögunni til en aukin sér-
hæfing og umsvif í viðskiptum með hvers kyns vél-
búnað og raftæknibúnað, fyrst og fremst fyrir
atvinnuvegina í landinu, hafa færst í brennidepil.“
Morgunblaðið/Ómar
Samstarfssamningur um verkefnið Villt dýr í hremm-
ingum var undirritaður á 100 ára afmæli Fálkans.
Styrkja villt dýr í hremmingum
sen, líffræðingur hjá Nátt-
úrufræðistofnun Íslands.
Hann segir að heimamenn
hafi fundið hann og komið
honum til Náttúru-
fræðistofnunar. „Aðstaðan
hjá okkur, til að hafa svona
lifandi fugla, er ekki góð,
þannig að við komum hon-
um í Húsdýragarðinn.“
Var fálkinn þveginn til að
ná úr honum grútnum og
hefur hann síðan hefur
verið að jafna sig. „Mér
sýnist að það séu einhver
óhreinindi í honum ennþá
en að öðru leyti er hann í
góðu formi.“ Ekki sé því
langt að bíða þess að hægt
verði að sleppa honum aft-
ur.
FÁLKINN, sem hefur ver-
ið í Fjölskyldu- og hús-
dýragarðinum frá því í júní
sl., er ársgamall. Hann
fannst á Langanesi. „Hann
var grútarblautur þegar
hann fannst, var orðinn
ósjálfbjarga og beið dauða
síns,“ segir Ólafur K. Niel-
Fálki í góðu formi
Fálkinn rífur í sig dúfu
í Húsdýragarðinum.