Morgunblaðið - 19.08.2004, Blaðsíða 20
MINNSTAÐUR
20 FIMMTUDAGUR 19. ÁGÚST 2004 MORGUNBLAÐIÐ
Ármúla 31 • S. 588 7332 • www.i-t.is
Veri› velkomin
í glæn‡ja verslun okkar a› Ármúla 31
15 lítra undir vask kr. 14.900,-
30 lítra ló›rétt kr. 15.900,-
50 lítra lárétt/ló›rétt kr. 19.900,-
80 lítra lárétt/ló›rétt kr. 21.900,-
Sjó›heitt tilbo›
w
w
w
.d
es
ig
n.
is
@
20
04
Hitakútar
AKUREYRI
Kaldbakur býður | Kaldbakur
hf., sem er aðalstyrktaraðili
meistaraflokks KA í knattspyrnu,
hefur ákveðið að bjóða öllum Ak-
ureyringum og nærsveit-
armönnum á leik KA og Fram í
efstu deild karla á laugardag, 21.
ágúst, kl. 15. KA er í botnsæti
deildarinnar.
„Því er nú annaðhvort að duga
eða drepast í baráttunni og hver
leikur sem eftir er er úrslitaleikur
um hvort liðið spilar í efstu deild
eða 1. deild að ári,“ segir í frétt
frá Kaldbak og er þess vænst að
menn nýti sér boðið, mæti á völl-
inn og styðji liðið.
Djassað í Deiglu | Áttundi heiti
fimmtudagurinn á Listasumri verð-
ur í kvöld, fimmtudagskvöldið 19.
ágúst, í Deiglunni og er þetta jafn-
framt síðasta djasskvöld sumarsins.
Fram kemur heimahljómsveitin
Alkavos. Sveitin er skipuð þeim
Wolfgang Sahr á saxófón, Aladar
Rácz á píanó, Karli Petersen á
trommur og Stefáni Ingólfssyni á
rafbassa. Hljómsveitin leikur mikið í
suður-amerísku sveiflunni og lat-
íntakturinn er í fyrirrúmi.
Á Nonnaslóð | Jesúítapresturinn
Jón Sveinsson, Nonni, er einn þekkt-
asti rithöfundur sem Ísland hefur al-
ið. Bækurnar um ævintýri Nonna og
Manna höfða til fleiri en Íslendinga
því ævintýri þeirra bræðra hafa ver-
ið þýdd á yfir 40 tungumál. Gengið
verður um slóðir Nonna á laug-
ardag, 21. ágúst.
Lagt verður af stað frá Nonnahúsi
kl. 14, gengið upp stíginn sem liggur
upp á Naustahöfðann og m.a. skoð-
aðir ýmsir staðir sem tengjast lífi og
sögum Nonna. Gangan tekur rúma
klukkustund. Með í för verður leið-
sögumaður frá Nonnahúsi.
Þátttökugjald er 400 kr. en inni-
falið er aðgangur að báðum söfn-
unum.
Söngvaka | Söngvaka verður hald-
in í Minjasafnskirkjunni á laug-
ardagskvöld, 21. ágúst kl. 20.30.
Flytjendur eru Hjörleifur Hjart-
arson og Ólöf Íris Sigurjónsdóttir.
Minjasafnið á Akureyri hefur boð-
ið upp á söngvökur síðan 1994. Í sér-
stakri en viðeigandi umgjörð Minja-
safnskirkjunnar eru áheyrendur
leiddir í söngferðalag í tali og tónum
um íslenska tónlistarsögu frá mið-
öldum til okkar daga. Efnisskráin er
afar fjölbreytt og spannar allt frá
dróttkvæðum miðalda til söngva og
þjóðlaga frá nítjándu og tuttugustu
öld.
Ein með öllu | Á síðasta fundi
áfengis- og vímuvarnanefndar Ak-
ureyrarbæjar urðu umræður um ný-
afstaðna fjölskylduhátíð „Eina með
öllu“. Nefndin fól starfsmanni sínum
að taka saman greinargerð vegna
fjölskylduhátíðarinnar. Þá var á
fundi nefndarinnar lögð fram ný
skýrsla um hagi og líðan ungs fólks á
Akureyri. Nefndin leggur til að
skýrslan verði kynnt í næsta mán-
uði.
KENNSLA hefst í grunnskólum á
Akureyri á morgun, föstudaginn 20.
ágúst, nema hvað Brekkuskóli byrj-
ar á mánudag. Alls verða 2.630
nemendur við nám í grunnskólunum
á komandi skólaári og eru þá taldir
með 28 nemendur í Grunnskólanum
í Hrísey, en hann telst nú einn af
grunnskólum Akureyrar eftir sam-
einingu sveitarfélaganna í sumar.
Nemendur sem eru að hefja skóla-
göngu í 1. bekk eru 292 talsins og er
þetta fjölmennasti árgangur sem
byrjar í grunnskóla síðan árið 1996.
Vel gekk að manna skólana í vor
og víða var hægt að velja úr um-
sóknum kennara. Hlutfall kennara
með réttindi er 94% og hefur aldrei
verið hærra.
Miklar framkvæmdir hafa staðið
yfir í grunnskólum bæjarins í sum-
ar. Við Síðuskóla verður nú tekinn í
notkun nýr samkomusalur og mötu-
neyti ásamt stórbættri félagsað-
stöðu fyrir nemendur ásamt því að
tekið verður í notkun nýtt íþrótta-
hús sem stórbætir aðstöðu til
kennslu íþrótta í skólanum. Í
Brekkuskóla standa miklar fram-
kvæmdir yfir við nýbyggingu og
eins við endurbyggingu gamla
gagnfræðaskólahússins. Skólastarf
við Brekkuskóla verður á þremur
stöðum í vetur, í húsi gamla barna-
skólans, nýbyggingunni og Íþrótta-
höllinni. Nýbyggingin er um það bil
að verða tilbúin, en auk þess sem
þar eru kennslustofur er þar einnig
stjórnunaraðstaða, samkomusalur
og mötuneyti.
Með því að mötuneyti verða nú
opnuð í Brekkuskóla og Síðuskóla
lýkur átaki Akureyrarbæjar við að
koma upp skólamötuneytum við alla
grunnskóla bæjarins.
Á komandi skólaári verður haldið
áfram að auka fjölbreytni í val-
greinum nemenda í efstu bekkjum
og verða í boði valgreinar í sam-
vinnu við t.d. skátana, Leikfélag
Akureyrar, Háskólann og fram-
haldsskólana sem og við Örn Inga
Gíslason fjöllistamann. Að auki geta
nemendur fengið metna þátttöku í
íþrótta- og félagsstarfi eða sérskóla-
námi.
Brekkuskóli hefur fengið styrk
frá skólanefnd sem leiðtogaskóli í
þróun aðferða til að mæta betur
þörfum, áhuga og getu hvers nem-
anda. Oddeyrarskóli fékk á síðast-
liðnu skólaári styrk sem leiðtoga-
skóli í þróun aðferða til að auka
þátttöku foreldra í skólastarfi.
Gerður hefur verið samningur við
leiðtogaskólana til þriggja ára og
eiga þeir á þessum tíma einnig að
sinna ráðgjöf til annarra grunnskóla
á Akureyri og miðla af reynslu
sinni.
Alls hefja 2.630 nemendur nám í grunnskólum á Akureyri í haust
Miklar fram-
kvæmdir hafa
staðið yfir í sumar
Nýbygging tekin í notkun við Brekku-
skóla og íþróttahús við Síðuskóla
Morgunblaðið/Kristján
Sýnið varúð. Sigurgeir Ísaksson, starfsmaður Framkvæmdamiðstöðvar Ak-
ureyrarbæjar, gengur frá skiltunum sem sett verða við grunnskóla bæjarins.
GUÐLAUGUR Már Halldórsson aksturs-
íþróttamaður á Akureyri gerði góða ferð til Eng-
lands á dögunum en þar tók hann þátt í keppninni
„Ten of the best“. Guðlaugur ekur Subaru
Impreza-bíl föður síns, Halldórs Jónssonar for-
stjóra FSA. Þetta var fyrsta keppni þeirra feðga á
erlendri grundu. Þeir hafa sett stefnuna á enn fleiri
mót erlendis í nánustu framtíð, enda vakti árangur
þeirra mikla athygli. Guðlaugur hefur náð mjög
góðum árangri í keppni í kvartmílu hér heima og sá
árangur varð til þess að þeim feðgum var boðið á
mótið á Englandi, sem fram fór á Elvington Air-
field í York.
Guðlaugur sagði í samtali við Morgunblaðið að
það hefði verið kærkomið tækifæri að fá að keppa á
Englandi, enda hefði verið frekar rólegt yfir hlut-
unum hér heima í sumar. „Við náðum þeim árangri
að vera fyrsti Subaru-bíllinn í heiminum með
tveggja lítra vél sem fer undir 11 sekúndur og þá
eigum við annan besta tímann í Bretlandi á Subaru.
Bíllinn sem á besta tímann, 10,76 sekúndur, er með
mun öflugri vél. Við höfum sett stefnuna á að ná
tímanum 10,5 sekúndur áður en árið er á enda.“
Keppnin er götubílakeppni, keppendur voru um
120 talsins og fylgdust fleiri þúsund áhorfendur
með. Keppt var í þremur flokkum bíla, framdrifs,
afturdrifs og bíla með drif á öllum hjólum en bíll
Halldórs er fjórhjóladrifinn. Margar tegundir mik-
ið breyttra bíla tóku þátt en algeng vélarstærð afl-
mestu bílanna var 2,3 til 3 lítrar og margir með
nítróbúnað. Vélarafl þeirra var frá 600 og upp í
1.200 hestöfl en Subaru-bíll þeirra Halldórs og
Guðlaugs er með 2,0 lítra vél og hestöflin eru 532.
Guðlaugur sagði að besti árangur þeirra í kvart-
mílu fyrir keppnina á Englandi hefði verið 11,732
sekúndur en þá var bíllinn „aðeins“ um 420 hestöfl.
Þeir bættu þann árangur verulegu úti og náðu tím-
anum 10,85 sekúndur og 119 mílna hraða. Þeir
höfnuðu í 6. sæti í sínum flokki og í 7. sæti af öllum
keppendum. Sigurvegarinn fór kvartmíluna á 10,32
sekúndum en bíll hans er 930 hestöfl. Í 6. sæti varð
1.200 hestafla bíll á tímanum 10,84 sekúndum. Í
keppni í hámarkshraða á 1,25 mílu náði Guðlaugur
285 km hraða.
Sem fyrr segir vakti árangur þeirra feðga mikla
athygli. Unnið er að því að skipuleggja frekari
kynningar á bílnum í tímaritum, á sýningum og
með þátttöku í fleiri keppnum. Næstu verkefni eru
keppnir hérlendis og svo keppnir erlendis á Eng-
landi í haust. Það er mjög kostnaðarsamt að taka
þátt en Guðlaugur sagði að Eimskip, Flugleiðir og
fleiri aðilar hefðu stutt vel við bakið á þeim feðgum.
Guðlaugur hefur náð mjög góðum árangri í
kvartmílukeppni hér heima og þá var hann valinn
Akstursíþróttamaður ársins 2003 í kjöri sem
Kvartmíluklúbbur Reykjavíkur og Bílaklúbbur Ak-
ureyrar stóðu að.
Bíll þeirra feðga Guðlaugs Más Halldórssonar og Halldórs Jónssonar vakti mikla athygli og ekki síður
árangur þeirra í keppninni á Englandi. Bíllinn er af gerðinni Subaru Impreza WRX Sti árgerð 2003.
Morgunblaðið/Halldór Jónsson
Guðlaugur Már við bílinn.
Guðlaugur Már Halldórsson akstursíþróttamaður keppti á Englandi
Góður árangur hans vakti mikla athygli