Morgunblaðið - 19.08.2004, Blaðsíða 10

FRÉTTIR
10 FIMMTUDAGUR 19. ÁGÚST 2004 MORGUNBLAÐIÐ
ÍTALSKUR karlmaður hlaut
talsverða áverka á kvið þegar
bifreið var ekið í veg fyrir mót-
orhjól hans á Langatangavegi á
Seyðisfirði í gærmorgun. Kona
sem einnig var á hjólinu slasað-
ist minna. Að sögn lögreglunnar
á Seyðisfirði reyndi ökumaður
bílsins að forða árekstri eftir að
hann var kominn upp á veginn.
Vitni hafa borið að hjólið hafi
verið á talsverðum hraða og
skrikað til í tiltölulega nýlagðri
klæðningu á veginum. Bremsu-
förin voru um 20 metra löng.
Fólkið var flutt til Egilsstaða
og þaðan var flogið með þau til
Reykjavíkur. Maðurinn var í
gær á gjörgæsludeild Landspít-
alans við Hringbraut og beið að-
gerðar. Konan slasaðist minna
og var við ágæta líðan.
Töluvert eignatjón varð í
árekstrinum, bæði á hjólinu og
bílnum.
Á gjör-
gæslu eftir
mótor-
hjólaslys
VEL Á sjötta hundrað laxar hafa
veiðst í Laxá í Aðaldal það sem af
er sumri og deildar meiningar um
hvort áin sé líflegri í sumar heldur
en í fyrra. Í fyrra veiddust alls 624
laxar og þótti afspyrnu slakt.
Þröstur Elliðason, sem er leigu-
taki hluta veiðitímans á Nes- og
Árnessvæðum sagði í samtali að
sér fyndist á stundum gæta ósann-
girni er Laxá væri metin. Það væri
sín tilfinning að góðar göngur
hefðu verið í ána í sumar, betri en
í fyrra, sérstaklega hefði verið
mun meira af eins árs laxi heldur
en í fyrra. En neðan Æðarfossa
væru nú mun knappari kvótar en
áður og auk þess væri maðkveiði
þar nú bönnuð og ljóst væri að
veiðitölur þaðan væru mun lægri
en þekktist hár áður fyrr. Þá væri
aðeins leyfð fluga í efri ánni eins
og niður frá og Laxá væri afar
krefjandi fluguveiðiá. Blandað agn
hefði án nokkurs vafa skilað hærri
veiðitölu í sumar og nefndi Þröstur
að hann teldi að þar gæti munað
3–400 löxum.
Allt gott að frétta …
„Úr Straumfjarðará er allt gott
að frétta. Komnir hátt í 300 laxar
á land og enn tæpur mánuður eft-
ir. Það gæti orðið mjög líflegt hér í
næstu rigningartíð því það er mik-
ið af laxi um alla á. Nú á stór-
straumnum eru að koma göngur
og það eru ekki síst nýrunnu lax-
arnir úr þeim sem hafa haldið
veiðinni gangandi í þessari heitu
og þurru tíð sem verið hefur,“
sagði Ástþór Jóhannsson, annar
leigutaka Straumfjarðarár, í sam-
tali við Morgunblaðið í gær.
Ástþór sagði að flestir stóru lax-
ar sumarsins hefðu fengið líf á ný,
en menn hirtu frekar smálaxinn.
„Hér hafa veiðimenn tekið því vel
að sleppa stórfiski og hefur flest-
um hrygnum yfir 10 pundum verið
sleppt aftur í ána. Sérstaklega má
nefna rausnarlega og vel þenkj-
andi veiðimenn sem settu í tvær á
að giska 15–16 punda hrygnur hér
í júlí og aftur í ágúst. Þeir náðu að
lengdarmæla og sleppa þeim í ána
aftur. Þær mældust alveg um 90
cm,“ bætti Ástþór við.
Stóra vatnslaus …
Sigurður Sigmundsson, sem var
nýverið á svæði 3 í Stóru-Laxá við
þriðja mann, sagðist ekki hafa séð
ugga blakta í einum einasta hyl á
svæðinu. Hann og félagar hans
Aad Groeneweg og Eyþór Sig-
mundsson eru allir gjörkunnugir
ánni og sagði hann að þeir hefðu
aldrei séð ána jafnvatnslitla. Þó
hefði veiðin samkvæmt veiðibók
klárlega verið lífleg framan af
sumri, því alls voru yfir 70 laxar
skráðir. Ljóst að það vantar vætu
austur í Hreppum.
Hrúgur í ósnum …
Lúðvík Gissurarson, leigutaki
Miðár í Dölum, sagði veiðina hafa
verið daufa í þurrkunum í sumar,
en þó hefðu menn kroppað eitt-
hvað upp, bæði lax og bleikju.
Hann hafði eftir veiðimanni sem
var við ána fyrir skemmstu, og
hafði sá farið tvö kvöld í röð að ósi
árinnar, að í rökkrinu hefði sjórinn
kraumað af laxi sem greinilega
bíður í torfum eftir góðri rigningu.
Morgunblaðið/Sigurður Sigmundsson
Aad Groeneveg að veiðum í Heljarþrem í Stóru-Laxá.
Togast í Laxá í Þing
ERU
ÞEIR AÐ
FÁ’ANN?
VIÐSKIPTI hjá bílaleigum eru
blómleg um þessar mundir enda há-
annatími í ferðaþjónustu. Fram-
kvæmdastjórar Avis, Bílaleigu Ak-
ureyrar og Hertz sögðu allir sömu
söguna þegar Morgunblaðið ræddi
við þá, alls staðar höfðu viðskiptin
aukist um 20% frá fyrra sumri.
Þegar rætt var við Þórunni Reyn-
isdóttur hjá Avis sagði hún að svo
mikið væri að gera að hún gæti
varla útvegað blaðamanni bíl fyrr
en fimmtudaginn 19. ágúst. Til þess
að mæta aukinni eftirspurn hefði
Avis þurft að kaupa eða leigja not-
aða bíla. Hún taldi ástæðuna fyrir
auknum viðskiptum margþætta,
ekki síst aukið framboð á ódýrum
flugmiðum og fjölbreyttari mögu-
leikar á gistingu. „Það eina sem á
eftir að laga er áfengisverðið, þá
verðum við fínn kostur,“ sagði hún.
Útleiga eykst um 20%
Sigurður Skagfjörð Sigurðsson,
framkvæmdastjóri Hertz á Íslandi,
var líka ánægður með stöðuna. Við-
skiptin hefðu gengið vonum framar,
bæði hefðu fleiri leigt bíla en auk
þess hafi slys verið fátíðari og engin
ökumaður meiðst alvarlega. Bíla-
floti Hertz telur um 900 bíla af öll-
um gerðum og stærðum sem er um
200 fleiri bílar en voru í flotanum í
fyrra. „Meðan ferðamannastraum-
urinn til Íslands eykst um 7% á ári
þá eykst útlega bílaleigubíla um
20% á ári,“ sagði hann. Þá hafi stór-
framkvæmdir á Austurlandi orðið
til þess að viðskiptin að vetrarlagi
eru meiri en fyrr.
Bílaleiga Akureyrar er álíka um-
svifamikil og Hertz. Steingrímur
Birgisson framkvæmdastjóri sagði
viðskiptin hafa gengið mjög vel í
sumar. „Þetta er bara eins og veðr-
ið undanfarna daga, hitabylgja.
Þetta er búið að vera mjög gott
sumar. Eins og menn vita var júlí
metmánuður í komu erlendra ferða-
manna og það hefur skilað sér til
okkar líka,“ sagði hann. Hjá Bíla-
leigu Akureyrar hafa viðskiptin
aukist um 15% miðað við fyrra ár
en um 20% í júlí. Þá hafi slys verið
fátíðari en áður sem skipti ekki
minna máli.
Vöxtur í viðskiptum
hjá bílaleigum
Fimmt-
ungi fleiri
leigja
sér bíl ,,ÉG hélt að þetta væri mitt síðasta,
ég sökk, vöðlurnar fylltust af sjó og
drógu mig niður,“ segir Steinar
Ragnarsson í samtali við Morg-
unblaðið en hann var hætt kominn
er hann féll útbyrðis úr gúmmíbáti
við Knarrarnes á Mýrum á þriðju-
dagskvöldið.
Einn á leiðinni með vistir
út í Knarrarnes
Steinar var einn á leiðinni með
vistir út í Knarrarnes eins og hann
gerir jafnan tvisvar, þrisvar í viku,
þegar óhappið átti sér stað. ,,Ég sit
og er að stýra, er nýbúinn að koma
bátnum upp í meiri hraða, gleymi að
láta á mig öryggisólina sem er á
neyðarádrepanum, svo bara kemur
einhverskonar slinkur og ég bara
svíf, beint í sjóinn. Það var svakalegt
að sjá bátinn sigla í burtu frá sér, al-
veg svakalegt, ég hefði aldrei trúað
því. Ég reyndi að losa mig úr vöðl-
unum en gat það ekki og vildi þá
ekki vera að eyða orku í það frekar.
Ég fann að ég gat synt þó að hand-
leggirnir væru alveg að rifna af mér,
en það var eins og úlpan sem ég var í
héldi mér á floti,“ segir hann.
Saup mikinn sjó
Þegar Steinar sá að hann átti
möguleika á að synda ákvað hann að
freista þess að ná landi í einni eyj-
unni, en á þessum slóðum eru um 35
eyjar. ,,Ég synti ekki hratt, því að
fyrst kom panik á mig þegar ég sökk
og svo saup ég ansi mikinn sjó. Það
var eins og væri hvíslað að mér að
synda rólega og spara orkuna svo ég
synti bringusund þannig að ég gæti
haldið löppunum uppi og hreyft þær
með. Ég vissi ekki hvort ég myndi
hafa það, og mér fannst alveg rosa-
lega langt í land þannig að ég horfði
bara ekkert í land, en synti í
ákveðna átt.
Þarna er stórstreymt og ég ákvað
að synda ekki á undan straumnum
til að lenda ekki út á milli skerjanna
og út á haf. Ég synti á ská upp í
strauminn og þá vissi ég að ég kæmi
inn á lygnara svæði.“
Skreið upp í fjöruna í áföngum
Eftir 30 til 40 mínútur í sjónum
eða u.þ.b. 200 m sundleið, rakst
Steinar á grjót um fimm metra und-
an fjöruborði eyjarinnar og skreið
áfram í kafi án þess að átta sig strax
á að hann væri kominn.
,,Ég var bara í fjörunni að jafna
mig fyrst, ég var svo agalega þungur
og máttlaus, gat ekki staðið á fætur
og skreið upp í fjöruna í áföngum,“
segir Steinar.
Sá bátinn hringsóla
Hundurinn í Knarrarnesi gelti og
lét ófriðlega svo að Stella húsfreyja í
Knarrarnesi fór út og sá þá mann-
lausan bátinn hringsóla um sjóinn.
Hún hafði verið hætt að búast við
Steinari þar sem það var orðið svo
áliðið, en áttaði sig strax á að ekki
var allt með felldu. Hún hringdi í
bræður Steinars sem komu strax
keyrandi frá Borgarnesi og sóttu
hann út í eyju.
,,Ég var búinn að hugsa málið og
gera áætlun um að synda áfram í
næstu eyju eða bíða eftir fjörunni,“
segir Steinar, ,,þegar ég heyrði í bíl
sem ók hratt, að mér fannst, á Mýr-
unum.“
Farið var með Steinar beina leið á
Heilsugæslustöðina í Borgarnesi, og
var hann með 38°C hita, og fann fyr-
ir miklum höfuðverk. Að öðru leyti
hafði honum ekki orðið meint af
volkinu. Bátnum náðu bræður hans
stuttu síðar.
Fleiri líf en kötturinn
Mörg atriði voru öðruvísi en þau
áttu að vera þegar óhappið átti sér
stað.
,,Þegar ég kom tók ég ekki minn
bát heldur bát bróður míns af því að
hann var á floti. Venjulega er ég með
farsímann minn í vatnsheldu inná
mér, en var ekki með hann þarna,
svo ég gat ekki hringt. Ég er rosa-
lega oft í flotbúningi eða í björg-
unarvesti en það var svo mikil blíða
og ég bara að skjótast. Þegar maður
fer svona oft verður maður væru-
kær,“ segir hann.
Steinar segir að margt hafi flogið
gegnum hugann á meðan hann var í
sjónum. Fyrst og fremst hugsaði
hann til yngstu dóttur sinnar og svo
um fjölskylduna.
,,Ég átti náttúrlega ekkert að vera
að þvælast þarna einn,“ segir Stein-
ar sem hefur orðið fyrir því áfalli að
fá tvö heilablóðföll um ævina, árið
1987 og aftur 2001. Hann missti sjón
og mál ásamt því að lamast hægra
megin. Má telja kraftaverk hversu
vel hann hefur náð sér.
,,Mamma segir að ég hafi fleiri líf
en kötturinn,“ segir hann. Steinar er
á leiðinni í frí til Mallorca ásamt
dóttur sinni og hefur ákveðið að
prófa að synda í sjó, að þessu sinni
vöðlulaus. ,,Ég finn að það á vel við
mig, það er fínt að synda í sjó ef
maður er búinn til þess og einhver
fylgist með manni.“
Steinar Ragnarsson var hætt kominn er hann féll útbyrðis úr gúmmíbáti við
Knarrarnes á Mýrum og náði landi eftir að hafa barist í sjónum í 30–40 mínútur
Eins og hvíslað væri að mér að
synda rólega og spara orkuna
Morgunblaðið/Guðrún Vala
Steinar Ragnarsson á heimili sínu í gærkvöldi bendir á staðinn á mynd af Knarrarnesi þar sem hann féll útbyrðis.
Borgarnesi. Morgunblaðið.