Morgunblaðið - 19.08.2004, Blaðsíða 6
FRÉTTIR
6 FIMMTUDAGUR 19. ÁGÚST 2004 MORGUNBLAÐIÐ
HITAMET féllu á 132 veðurathug-
unarstöðvum í hitabylgjunni í byrjun
ágúst. Á tíu veðurstöðvum var mun-
urinn á nýja metinu og því gamla 5°C
eða meira. Mestur munur var á
Litlu-Ávík á Ströndum eða 6,2°C.
Hitinn fór þar mest í 26°C, en gamla
metið var 19,8°C. Á Kleifaheiði og
Klettshálsi var munurinn 6,1°C.
Veðurstofan birtir á heimasíðu
sinni töflu yfir allar veðurathugunar-
stöðvar og hvar hitamet voru slegin.
Mestur mældist hitinn á sjálfvirkri
stöð á Egilsstöðum, þar sem hann
var 29,2°C. Í Skaftafelli var hitinn
29,1°C og 29° á Þingvöllum og í Ár-
nesi. Met féllu um allt suðvestanvert
landið, inn til landsins í öðrum lands-
hlutum, sem og á miðhálendinu.
Einnig féllu met norðan til á Vest-
fjörðum og á Ströndum. Sums staðar
við Breiðafjörð og sunnan til á Vest-
fjörðum féllu eldri met ekki, ekki
heldur við norðaustur- og austur-
ströndina og met féllu bara sums
staðar í Skaftafellssýslum. Metin eru
talin mismerkileg þar sem sumar
veðurathugunarstöðvarnar hafa ein-
göngu verið í nokkur ár.
Einsdæmi að hiti sé yfir 20°C
í fjóra daga í röð í Reykjavík
Á heimasíðu Veðurstofunnar segir
að við lestur eldri metlista komi í ljós
að þessi hitabylgja hafi verið með
þeim almestu sem komið hafa síðan
mælingar hófust. Ekki er þó búið að
reikna vísitölur hennar til saman-
burðar við þær eldri. Hitabylgjan í
júlí árið 1991 virðist ekki fjarri þess-
ari að krafti, samkvæmt upplýsing-
um Veðurstofunnar, og eru hita-
bylgjurnar í júlí 1976 og ágúst 1997
ekki langt undan þó sennilega séu
þær minni. Hitabylgjur fyrr á öld-
inni er erfiðara að meta, en lands-
hitamet standa þó óhögguð, frá í júní
1939 og met Akureyrar og Seyðis-
fjarðar úr hitabylgjunni miklu í júlí
1911.
Veðurstofan segir metin á Strönd-
um einna mest afgerandi þegar litið
sé til langs tíma. Þar komst hiti mest
í 23 stig árið 1925 en hiti fer afar
sjaldan yfir 20 stig á Ströndum, enn
sjaldnar en í Reykjavík. Hiti á Litlu-
Ávík mældist, eins og áður segir
26°C, en þar hafa veðurmælingar
verið stundaðar frá árinu 1995.
Einnig telur Veðurstofan óvenju-
legt í hversu marga daga hitabylgjan
stóð. Hiti komst yfir 20 stig í fjóra
daga í röð í Reykjavík sem mun eins-
dæmi. Tvisvar er vitað um 20 stig
þrjá daga í röð, það var í júlí 1939 og í
ágúst 1893, fyrir meira en hundrað
árum. Þá hefur aldrei mælst jafn-
hlýtt og nú í neðstu 6 kílómetrum
lofthjúpsins yfir Keflavík síðan sam-
felldar háloftaathuganir hófust þar
1952.
Veðurstofan segir að á næstu dög-
um verði betur litið á þessar tölur.
Nokkrar stöðvar hafi ekki enn skilað
mælingum og þá verði hugað að
hugsanlegum villum. Einnig sé eftir
að bera saman sjálfvirkar og mann-
aðar stöðvar, hiti á sjálfvirku stöð-
inni í Reykjavík sé t.d. 0,9°C hærri
en á þeirri mönnuðu þó aðeins séu fá-
ir metrar á milli þeirra.
Hitabylgjan ein sú almesta
síðan mælingar hófust
!
"
#
"$
%$&'() *
+
,- ./
+
,
./
0122'
32
/ 14) /
" ,
())
5
( *)
1/
*'( ( 6
*)
1
( ' *21/
712'
82'
" 9 ::
;
!)1'() 1-'/ /
<= ,
1
+1
,
">'
&7!2
0
+-,1#)
52 1-'/ /
#
!179
;
!)1'()
?
?
?
?
?
?
?
?
?
?
?
?
?
?
Hitamet féllu
á 132 veðurat-
hugunarstöðvum
um allt land
Morgunblaðið/Jim Smart
Sólstrandarstemmning skapaðist þegar góðviðrið stóð sem hæst. Það er
einsdæmi að hitastig í Reykjavík fari fjóra daga í röð yfir 20 stig en tvisvar
er vitað um 20 stig þrjá daga í röð, í júlí árið 1939 og í ágúst árið 1893.
HITABYLGJAN í síðustu viku, og
almennt gott veður það sem af er
ágústmánuði, er farin að segja til
sín í bókhaldi margra fyrirtækja
sem selja og framleiða vinsælar
vörur í hitastækju eins og ís, lamba-
kjöt á grillið og áfengi. Hjá ÁTVR
fengust þær upplýsingar að sala á
bjór í síðustu viku hefði í mörgum
vínbúðum verið 70-80% meiri en í
„venjulegri viku“ og Emmessís og
Kjörís framleiddu margfalt meira
magn á við sama tíma í fyrra og
kjötsala hefur verið mikil.
„Aldrei kynnst öðrum
eins látum“
Jón Axel Pétursson, fram-
kvæmdastjóri Emmessíss, segist
aldrei hafa kynnst „öðrum eins lát-
um“ í þau fjögur ár sem hann hefur
starfað hjá fyrirtækinu. Lagerinn
sé nánast að tæmast og margar
vörutegundir uppseldar, eða 15-20
af um 100 tegundum. Söluaukning
á sumum þeirra nemi 100% miðað
við sama tíma í fyrra. Jón Axel
reiknar með að í ágústlok hafi yfir
200 þúsund lítrar af Emmessís ver-
ið seldir í mánuðinum, til sam-
anburðar við um 150 þúsund lítra í
ágúst 2003. Þar af eru um 90 þús-
und lítrar af vélarísblöndu.
„Við höfum þurft að auka við
vaktir til að anna eftirspurninni og
í september munum við líklega
keyra tvær framleiðslulínur til að
ná í skottið á okkur. Svo margar ís-
tegundir hafa klárast,“ segir Jón
Axel.
Valdimar Hafsteinsson, fram-
kvæmdastjóri Kjöríss í Hveragerði,
er sammála keppinautum sínum í
Bitruhálsi um að íssalan hafi sjald-
an eða aldrei verið jafn mikil og í
ágústmánuði. „Síðasta vika hjá
okkur var algjör metvika, líklega
þrefalt meiri sala í heildina en á
sama tíma í fyrra. Sala á vélarís-
blöndu er sennilega fjórfalt eða
fimmfalt meiri,“ segir Valdimar og
telur að í síðustu viku einni og sér
hafi Kjörís sent frá sér hátt í 25
þúsund lítra af vélarísblöndu. Hann
segir fyrirtækið hafa að mestu náð
að anna eftirspurninni með því að
lengja vinnudaginn. Lagerinn hafi
jafnóðum tæmst.
Sala á bjór og
léttvíni tók kipp
Rekstrardeild ÁTVR hafði ekki
undir höndum tilbúnar sölutölur
fyrir síðustu viku en af samskiptum
við útibússtjórana mætti ráða að
bjór- og léttvínssala hefði tekið
mikinn kipp í langflestum vínbúð-
um, ekki síst í smærri búðum og
þeim sem ekki eru í verslanamið-
stöðvum eins og Kringlunni og
Smáralind. Aukningin á bjórsölu
hefði verið allt að 80% miðað við
hefðbundna söluviku, m.a. í Graf-
arvogi, Austurstræti og á Dalvegi í
Kópavogi. Til samanburðar má
geta þess að vikuna fyrir versl-
unarmannahelgi seldu vínbúðir
ÁTVR nærri 500.000 lítra af bjór.
Sala á lambakjöti fram
úr björtustu vonum
Markaðsráð kindakjöts hefur
sent frá sér upplýsingar um sölu á
lambakjöti í júlímánuði. Þá seldust
752 tonn, sem er 66% aukning frá
júlí í fyrra. Salan á öðrum ársfjórð-
ungi nam 1.800 tonnum, sem er 26%
aukning milli ára. Ef tekið er tólf
mánaða tímabil frá júlí 2003 til júlí í
ár jókst lambakjötssala í landinu
um ríflega 12%.
Özur Lárusson, framkvæmda-
stjóri Landssamtaka sauð-
fjárbænda, segir að þessi sala hafi
farið langt framúr björtustu vonum
manna. Ljóst sé að gott veður, vel-
heppnað markaðsstarf og gott
framboð á kjöti eigi stóran þátt í
þessari miklu söluaukningu. Özur
segir að þótt sölutölur fyrir ágúst-
mánuð liggi ekki fyrir þá megi
reikna með töluverðri aukningu frá
sama mánuði á síðasta ári, en þá
seldust 548 tonn. Hitabylgjan í síð-
ustu viku hafi klárlega haft þau
áhrif að fólk hafi grillað meira af
kjöti en áður.
Eingöngu lambakjötið sýndi sölu-
aukningu í júlímánuði miðað við
sama mánuð 2003. Samdráttur í
öðrum afurðum var 10-36%. Í júlí sl.
seldust 433 tonn af alifuglakjöti,
384 tonn af svínakjöti og 279 tonn
af nautakjöti.
Hitabylgjan farin að hafa áhrif í bókhaldi fyrirtækja
Roksala á ís, áfengi og
lambakjöti á grillið
Morgunblaðið/Ásdís
Í góða veðrinu að undanförnu hefur sala á ís verið gríðarleg og framleið-
endur hafa vart haft undan eftirspurninni. Ekki hefur börnunum þótt ísinn
slæmur, stórum sem smáum.
HÉRAÐSDÓMUR Reykjavíkur hef-
ur staðfest úrskurð landbúnaðarráðu-
neytisins um að fella úr gildi ákvörð-
un hreppsnefndar Broddaneshrepps
á Ströndum um að neyta forkaups-
réttar að jörðinni Felli sem mun í
Broddaneshreppi. Hreppurinn er
einn sá fámennasti á landinu en íbúar
hans voru 54 um liðin áramót sam-
kvæmt upplýsingum frá Hagstofunni.
Eigendur jarðarinnar hugðust
selja fjárfestingarfélaginu F.G.J.
Hafri ehf. jörðina en fram kemur í
dómnum að félagið hyggst reisa þar
orlofsaðstöðu fyrir fatlaða. Hrepps-
nefndin vildi á hinn bóginn ekki að bú-
skapur legðist af enda taldi hún jörð-
ina eina þá bestu í hreppnum. Mikill
munur væri á því fyrir íbúa í hreppn-
um að þar væri fólk með fasta búsetu
og á því að þar dveldi fólk í stuttan
tíma í einu. Hugmyndir félagsins um
að hafa sauðfé, hesta og hænsni á
jörðinni gengju ekki upp ef enginn
væri þar viðlátinn.
Í niðurstöðum dómsins segir m.a.
að hreppurinn hafi með málsmeðferð
sinni brotið gegn meðalhófsreglu og
andmælarétti. Málið hafi ekki verið
nægjanlega upplýst, s.s. með því að
kanna betur hvernig kaupendur
hugðust nýta jörðina. Var niðurstaða
landbúnaðarráðuneytisins því stað-
fest.
Eggert Óskarsson kvað upp dóm-
inn.
Gátu ekki neytt
forkaupsréttar