Morgunblaðið - 19.08.2004, Blaðsíða 8
FRÉTTIR
8 FIMMTUDAGUR 19. ÁGÚST 2004 MORGUNBLAÐIÐ
Jaa soo, er þetta svo þessi fræga „Ólafsgjá“?
Óvissa um skóladag-vistun fatlaðrabarna í 5.–10.
bekk Öskjuhlíðarskóla
næsta vetur kemur illa við
foreldra barnanna og
starfsfólk skólans. Ekki
hefur náðst samkomulag
milli Reykjavíkurborgar
og félagsmálaráðuneytis-
ins um hvort þeirra eigi að
greiða fyrir dagvistunina
og hvorugt vill kannast við
að málið heyri undir sig.
Öskjuhlíðarskóli hefur því
hvorki getað ráðið starfs-
fólk fyrir veturinn né und-
irbúið dagvistun barnanna
að öðru leyti. Síðustu ár
hefur húsnæðisskortur og
mannekla háð skólanum og síð-
asta vetur var t.a.m. ekki unnt að
veita öllum börnunum dagvistun
fyrr en um áramótin þegar auka-
húsnæði fékkst. Í kjölfar þess kom
málið inn á borð til stjórnvalda en
lausn hefur enn ekki fundist.
„Það er alveg ömurlegt að þurfa
að standa frammi fyrir þessu
fjórða árið í röð,“ segir Karlotta
Finnsdóttir, móðir þroskaheftrar
og ofvirkrar stúlku sem byrjar í 8.
bekk í næstu viku. Hún segist
þurfa að minnka við sig vinnu
vegna þess að dagvistun fáist ekki.
Auk þess þoli dóttir hennar illa þá
röskun sem hlýst af því að vera
send á ólíka staði eftir skóla en
þegar dagvistun fékkst ekki í
fyrra kom mikið rót á hana. Hún
tók æðisköst og þurfti á lyfjum að
halda. „Það skiptir miklu máli fyr-
ir þessi börn að hafa fasta punkta í
deginum,“ segir Karlotta.
Jóna Valbergsdóttir, aðstoðar-
skólastjóri Öskjuhlíðarskóla, segir
málið fyrst og síðast stranda á því
að réttindi barnanna á þjónust-
unni séu ekki skilgreind í lögum.
Þjónusta án lagaheimildar
Reykjavíkurborg greiðir fyrir
dagvistun allra barna í 1.–4. bekk í
grunnskólum borgarinnar en í þau
ellefu ár sem Öskjuhlíðarskóli hef-
ur séð um dagvistun fatlaðra
barna í 5.–10. bekk hefur sú þjón-
usta hvergi verið skilgreind í lög-
um eða samþykktum. Skólinn hef-
ur því ekki fengið beina fjár-
veitingu vegna dagvistunar eldri
nemendanna en fær greiddar um
20 milljónir á ári fyrir dagvistun
yngri nemendanna. Foreldrar
barnanna greiða mánaðarlega fyr-
ir þjónustuna og nema þær
greiðslur alls um 10 milljónum á
ári en heildarkostnaður við dag-
vistun í skólanum er hins vegar
um 50 milljónir króna, samkvæmt
upplýsingum frá Fræðslumiðstöð
Reykjavíkur og vantar því um 20
milljónir upp á að endar nái sam-
an. Reykjavíkurborg hefur greitt
þann mismun, án þess þó að við-
urkenna formlega að dagvistunar-
þjónustan heyri undir borgina, að
sögn Stefáns Jóns Hafsteins, for-
manns Fræðsluráðs. Hann segir
ljóst að málefni fatlaðra barna
heyri undir félagsmálaráðuneyti
eins og málefni fatlaðra einstak-
linga á öðrum aldri og önnur túlk-
un á lögum um málefni fatlaðra
gangi ekki upp.
Umboðsmaður barna
skoraði á ráðherra
Í kjölfar þess að Foreldra- og
styrktarfélag Öskjuhlíðar vakti
athygli umboðsmanns barna á
málefnum dagvistunar fatlaðra
barna, ritaði umboðsmaður bréf til
félagsmálaráðherra. Í bréfinu er
skorað á ráðherrann að hafa for-
göngu um að skera á þann hnút
sem hefur myndast og finna fram-
tíðarlausn á málinu. „Það ófremd-
arástand, er ríkir í málum
barnanna í dag er engum til
sóma,“ segir m.a í bréfinu. Þar er
einnig bent á að í 8. og 9. gr. laga
um málefni fatlaðra komi fram að
starfrækja skuli dagvistunar-
stofnanir og taka tillit til þarfa
fatlaðra barna fyrir umönnun og
þjálfun.
Hermann Sæmundsson, settur
ráðuneytisstjóri í félagsmálaráðu-
neytinu, segir að ráðuneytið harmi
að þessi ágreiningur bitni á nem-
endunum en ljóst sé að málið heyri
undir borgaryfirvöld. Hann segir
að undirbúningur að endurskoðun
laganna um málefni fatlaðra sé
hafinn og þar verði meðal annars
kannað hvort flytja beri mála-
flokkinn yfir til sveitarfélaganna
og skerpa skilin á ábyrgð ríkis og
sveitarfélaga. Skóladagvistun fatl-
aðra barna sé hins vegar verkefni
sem Reykjavíkurborg hafi farið af
stað með og beri ábyrgð á og því
sé eðlilegt að borgin standi áfram
undir því. „Við höfum heitið því á
móti að taka málið upp í þeirri
endurskoðun sem fyrirhuguð er á
lögum um málefni fatlaðra,“ segir
Hermann.
Árni Magnússon félagsmála-
ráðherra segir að ábyrgðin liggi
alfarið hjá borginni. Hann kveðst
þó hafa skilning á þeirri stöðu sem
upp sé komin og því hafi hann beð-
ið sitt fólk í ráðuneytinu að fara yf-
ir málið og hvort eitthvert svig-
rúm sé til að bregðast við
stöðunni. Spurður út í ákvæði laga
um málefni fatlaðra sem kveða á
um rétt þeirra til dagvistunar seg-
ir Árni það liggja fyrir að þessi
börn njóti sömu þjónustu hjá
svæðisskrifstofu um málefni fatl-
aðra og önnur börn. „Að einhverju
leyti verður komið til móts við
þarfir þeirra hjá svæðisskrifstof-
unni en ekki með sama hætti og
gert er í skólanum,“ segir Árni.
Fréttaskýring | Óvissa um skóladagvist-
un 5.–10. bekkjar Öskjuhlíðarskóla
Kemur mjög
illa við foreldra
Bæði félagsmálaráðuneytið og borgin
segja málið ekki heyra undir sig
Frá leiksýningu á vegum Öskjuhlíðarskóla.
Húsnæðisaðstæður
mjög bágbornar
Einar Hólm Ólafsson, skóla-
stjóri Öskjuhlíðarskóla, segir
óvissu um dagvistunina koma
upp árlega. „Nú snýst þetta
reyndar um hver eigi að borga.
Ef við fáum boð um að sjá um
þessa þjónustu er eftir að ráða
allt starfsfólk, því við getum ekki
farið að auglýsa eftir starfsfólki í
þessari óvissu. Þar fyrir utan eru
aðstæðurnar í húsnæði [skólans]
mjög bágbornar,“ segir Einar
sem reiknar með að um 50 sæki
um dagvistun næsta vetur.
arnihelgason@mbl.is