Morgunblaðið - 19.08.2004, Blaðsíða 31

UMRÆÐAN
MORGUNBLAÐIÐ FIMMTUDAGUR 19. ÁGÚST 2004 31
FYRIR nokkru kom hingað til
lands frá útlöndum 63 ára gamall
maður til að dveljast hér með dóttur
sinni sem hafði komið fyrr og starf-
ar nú við þjónustustörf
á launum sem flestir
Íslendingar fúlsa við.
Við reglubundna lækn-
isskoðun við komu til
landsins greindust
berklar, meðferð hafin.
Hann hafði þess utan
sykursýki og háþrýst-
ing.
Nú bar svo við í maí
sl., að hann fór að fá
þrautir í kvið og upp-
köst. Hann fór á
bráðamóttöku. Þar
voru gerðar almennar
rútínurannsóknir á blóði, maginn
speglaður og blóðsykur færður til
betri vegar. Daginn eftir höfðu ein-
kenni sjatnað og hann útskrifaður.
Í júlílok kom reikningurinn. Þar
stendur:
Rukkað skv. visual DRG 14
Magn: 1.00.
Einingarverð: kr.654.988.00
Einfalt. Eitt stykki DRG 14.
Listaverð. Frekari sundurliðun eða
útskýringar óþarfar. Visual DRG 14
mun vera formúla fyrir reikn-
ingagerð sem tengd er sjúkragrein-
ingum. Eina greining spítalans fyrir
utan það sem þegar var þekkt er:
„Uppköst“ (vomiting NEC 021.8).
Ég þekki ekkert náið til þessa kerfis
og finnst satt að segja í þessu tilfelli
aukaatriði að vita um einhver smá-
atriði þegar nið-
urstaðan er með ofan-
greindum hætti. En
spurningar vakna:
1. Getur reiknings-
gjörð af þessu tagi, þar
sem farið er fram á
gjöld fyrir þjónustu
sem felur í sér nokkur
blóðpróf sem gætu
mest kostað tíu þúsund
krónur; magaspeglun,
sem einnig kostar inn-
an við 10 þúsund krón-
ur og gisting, sem oft
hefur verið metin á há-
tæknideildum (hér kom hátækni
ekkert við sögu) 70–80 þúsund krón-
ur á dag (að ofantöldum kostn-
aðarliðum meðtöldum), getur hún
talist réttlætanleg? Ég fékk símtal
við starfsmann á skrifstofu LHS
sem vitaskuld gat ekki svarað fyrir
þetta, en virtist samt ekkert kippa
sér upp við þessar tölur: 654.988
krónur. Benti mér „á deildina“.
2. Sé um mistök að ræða í túlkun
gjaldskrárkerfisins hlýtur maður að
undrast þann léttleika sem þá lægi
að baki slíkrar reikningagjörðar þar
sem engum virðist blöskra. Hvaða
mistökum öðrum mætti þá búast
við?
3. Fyrir mikla mildi og ekki síst
fyrirhyggju, sem ekki er víst að
þegnar okkar velferðarríkis hefðu
búið yfir, hafði dóttir sjúklings
sjúkratryggt föður sinn nokkru fyrr.
Geta má sér til um þær lífshremm-
ingar í allri framtíð sem hún hefði
orðið fyrir ef svo væri ekki. Hún
segir að sér hafi verið tjáð, að reikn-
ingurinn hafi orðið hærri vegna þess
að sjúklingur hefði tryggingu. Ef
svo er, verður að spyrja:
4. Eru til tvær útgáfur af DRG,
önnur fyrir tryggða og hin fyrir
ótryggða? Og ef svo er:
5. Láta tryggingafélög sér þetta í
léttu rúmi liggja? Ennfremur:
6. Hefði LHS notað aðrar aðferðir
við reikningsgjörð, ef legið hefði fyr-
ir, að engin trygging væri til og all-
ur kostnaður legðist á manneskju
með launatekjur á botni?
7. Detta engum í hug aðrar leiðir
til að leysa fjárhagsvanda LHS en
hrein fjárplógsstarfsemi af þessu
tagi? Hafa hinar fyrirsjáanlegu af-
leiðingar helberrar markaðshyggju
og lausgirtrar gróðahyggju fyrir fé-
lagslega velferð þegar gengið í
garð?
Nokkuð dýr
næturgisting
Ólafur Mixa fjallar
um lækniskostnað
’Detta engum í hugaðrar leiðir til að leysa
fjárhagsvanda LHS en
hrein fjárplógsstarfsemi
af þessu tagi?‘
Ólafur Mixa
Höfundur er læknir.
HINN 26. janúar 1983 gekk
Davíð Oddsson, þá-
verandi borgarstjóri,
frá samkomulagi við
ríkisvaldið um kaup á
landi Keldna og þar í
kring. Landið sem
um ræðir er nú betur
þekkt sem Húsa-
hverfi í Grafarvogi.
Þegar þessi samn-
ingur var gerður
voru undanskilin
nokkur svæði sem
enn eru í eigu rík-
isins. Þar með talið
landsvæði fyrir sunn-
an Húsa- og Folda-
hverfi sem er við
botn Grafarvogs. Þar
er starfrækt til-
raunastöð Háskóla
Íslands í meinafræð-
um.
Land Keldna er á
mót suðri og er á
einum veðursælasta
stað í borgarlandinu.
Margt mælir með því
að þar verði íbúða-
byggð í samræmi við byggð í
Folda- og Húsahverfi. Mikið af
barnafólki hefur flutt úr Reykja-
vík til nágrannasveitarfélaganna á
undanförnum áratug og ef marka
má kannanir er áhugi borgarbúa
mestur á sérbýli. Álykta má sem
svo að sökum lóðaskorts og skorts
á sérbýli á undanförnum áratug
hafi barnafólk ekki fundið sér hús-
næði við hæfi í Reykjavíkurborg
og flutt í nágrannasveitarfélögin.
Íbúabyggð í samræmi við aðra
byggð í Grafarvogi væri skref í þá
átt að snúa þessari þróun við.
Á undanförnum árum hafa verið
uppi þreifingar á milli borgar og
ríkis um sölu þessara svæða sem
og annara í eigu ríkisins til borg-
arinnar. Mikilvægt er að ná nið-
urstöðu í þær viðræður og skipu-
leggja á þessu svæði íbúðabyggð í
bland við útivistar- og íþrótta-
svæði. Til þess að svo megi verði
er nauðsynlegt að breyta land-
notkun á aðalskipulagi og höfum
við sjálfstæðismenn í borgarstjórn
lagt það til í borgarráði. Nú er
gert ráð fyrir atvinnu-
starfsemi á svæðinu
en ef okkar hug-
myndir ná fram að
ganga verður svæðið
íbúasvæði og útivist-
ar- og íþróttasvæði.
Það yrði án nokkurs
vafa hægt að skipu-
leggja skemmtilega
íbúðabyggð í nánum
tengslum við þær
náttúruperlur sem eru
fyrir botni Graf-
arvogs. Þar er einnig
til staðar skemmtilegt
íþróttasvæði með
glæsilegri sundlaug.
Til staðar eru tveir
öflugir grunnskólar og
öll þjónusta er til
staðar í hverfinu. Það
er því allra hagur að
tillaga okkar sjálf-
stæðismanna nái fram
að ganga og er sá sem
þetta skrifar sann-
færður um að hægt
verður að ná góðri
samstöðu um þetta mál í borg-
arstjórn Reykjavíkur.
Íbúðabyggð
að Keldum
Guðlaugur Þór Þórðarson
skrifar um skipulagsmál
Guðlaugur Þór
Þórðarson
’Það er þvíallra hagur að
tillaga okkar
sjálfstæð-
ismanna
nái fram að
ganga …‘
Höfundur er borgarfulltrúi.
MIRALE
Grensásvegi 8
108 Reykjavík
sími: 5171020
Opið:
mán. - föstud.11-18
laugard.11-15
Spennandi
gjafavörur og húsgögn
Í SKOÐUN Verslunarráðs sem
kom út í síðasta mán-
uði og nefnist „Er rík-
isvæðing að taka við af
einkavæðingu? var
fjallað um að rík-
isstofnanir væru í of
mörgum tilfellum að
fara inn á svið einka-
fyrirtækja. Rökstutt
var hvernig ríkisstofn-
unum hefur fjölgað og
rekstur þeirra aukist á
undanförnum árum.
Verslunarráð hefur
ætíð varað við slíkri
þróun og bent á leiðir
til úrbóta.
Viðbrögð forsvars-
manna fyrirtækja létu
ekki á sér standa við
umræddum greinaskrif-
um. Aðilar einkafyr-
irtækja hrósuðu Versl-
unarráði og bentu á að
samantekt á borð við
þessa væri mjög góð og þörf
ábending en aðilar opinberra fyr-
irtækja og stofnana gagnrýndu
vinnubrögð ráðsins og töldu að
rangfærslur hefðu komið fram í
greininni. Á heimasíðu ráðsins,
www.verslunarrad.is, er að finna
ofangreindar athugasemdir. Þar er
jafnframt að finna
hugmyndasmiðju VÍ
sem er öflugasti hug-
myndabanki um um-
bætur í íslensku efna-
hagslífi. Verslunarráð
hefur ætíð verið leið-
andi í þjóðmála-
umræðu og eru fé-
lagar Verslunarráðs
hvattir til að benda
ráðinu á enn fleiri
dæmi þar sem rík-
isfyrirtæki og stofn-
anir eru að fara inn á
svið einkafyrirtækja.
Jafnframt býðst fé-
lögum Verslunarráðs
að birta greinar og
skoðanir á heimasíðu
ráðsins. Leiðtogar úr
öllum greinum ís-
lensks atvinnulífs
geta þannig unnið
enn frekar að fram-
förum í viðskiptalífinu.
Verslunarráð vinn-
ur að framförum í
viðskiptalífinu
Sigþrúður Ármann
skrifar um viðskipti
Sigþrúður Ármann
’Verslunarráðhefur ætíð
verið leiðandi í
þjóðmála-
umræðu …‘
Höfundur er lögfræðingur hjá Versl-
unarráði Íslands.