Morgunblaðið - 19.08.2004, Blaðsíða 4

FRÉTTIR
4 FIMMTUDAGUR 19. ÁGÚST 2004 MORGUNBLAÐIÐ
ÞEGAR eiginkona Ævars Sigur-
vinssonar kom að heimili sínu að
Dvergholti í Hafnarfirði, eftir að
hafa skroppið frá í klukkustund, var
búið að stela fellihýsi fjölskyldunnar.
Um morguninn hafði hún verið að
undirbúa ferðalag með manninum
sínum og sett það sem til þurfti inn í
fellihýsið. Var hún miður sín, að sögn
Ævars, þegar hún uppgötvaði að bú-
ið væri að taka það ófrjálsri hendi
með ýmsum persónulegum munum.
Sjálfur var hann að heiman.
Ljósgrár pallbíll sást
Ævar segir konu sína hafa þurft
að bregða sér frá milli klukkan 10 og
11 föstudaginn 6. ágúst. Hann er
fullviss um að einhver hafi fylgst
með henni um morguninn úr fjar-
lægð og notað tækifærið til að stela
fellihýsinu þegar hún ók á brott. Var
það læst þannig að ekki átti að vera
hægt að setja það á bílkrók. Hins
vegar hefðu þjófarnir brotið þá læs-
ingu eða borað í burtu. Hefur hann
það eftir lögreglunni að það sé ekki
flókin aðgerð.
Hjónin búa í fjölbýlishúsi en einu
vísbendingarnar sem þau fengu var
að ljósgrár pallbíll hefði verið á plan-
inu um morguninn. Það hefur ekki
nýst við leit lögreglunnar, sem hefur
auglýst oftar en einu sinni eftir felli-
hýsinu í fjarskiptakerfi sínu. Er það
skráð á númerið YG-120.
Gísli Þorsteinsson, lögreglu-
fulltrúi hjá rannsóknarlögreglunni í
Hafnarfirði, segir að engin ábending
hafi borist. Málið sé enn í rannsókn.
Ekki sé vitað hvort verið sé að nota
fellihýsið eða það geymt inni. Sé það
í notkun á vegum ætti það að finnast.
Aðspurður hvort mörg svona mál
berist lögreglu segir Gísli þau sárafá
en tekur fram að þá skoðun byggi
hann á tilfinningu en ekki tölfræði-
legum gögnum.
Lítið um að fellihýsum sé stolið
Guðmundur Sveinsson, hjá Segla-
gerðinni Ægi, segir að sem betur fer
sé lítið um að fellihýsum sé stolið, þó
alltaf sé eitthvað um það en fólk sé
hvatt til þess að ganga vel frá tækj-
unum þegar þau séu ekki í notkun.
Hægt sé að fá læsingu á beislin og
gera aðrar ráðstafanir þótt þær
tryggi ekki alltaf vernd séu brota-
mennirnir ákveðnir.
Stálu fellihýsi
meðan konan
brá sér frá
ÞJÓNUSTA við daufblinda stendur
langt að baki þjónustu annarra
Norðurlanda að sögn Ágústu Gunn-
arsdóttur, stjórnarmanns í Dauf-
blindrafélagi Íslands. Hún segir
einnig að daufblindra sé ekki getið í
lögum og reglugerðum um málefni
fatlaðra. Litlu fé sé því veitt til þjón-
ustu við hópinn. Hún segir suma
daufblinda hér á landi vera mjög ein-
angraða.
Í dag hefst fjölmenn ráðstefna á
Nordica Hóteli um daufblindu í nú-
tímasamfélagi. Ekki hefur verið
rannsakað hversu margir daufblind-
ir eru á Íslandi og þar af leiðandi hef-
ur verið erfitt að byggja upp jafn-
sérhæfða þjónustu við þennan hóp
og nauðsynlegt er. „Það hefur ekki
farið fram tæmandi rannsókn, og
það er kannski aðallega vegna fjár-
skorts sem það hefur ekki verið
gert,“ segir Ágústa. Hún segir félag-
ið vera eina hagsmunafélag dauf-
blindra sem hafi sinnt þeirra málstað
af einhverri alvöru. „Það félag bygg-
ir í raun og veru þjónustu sína á vel-
vilja almennings og fyrirtækja í
landinu. Vegna þess að það hefur
ekki bolmagn til þess að halda starfs-
manni nema í hálfu starfi, en sann-
arlega væri full þörf á starfsmanni í
fullu starfi,“ segir Ágústa. Vitað er
að félagsmenn í Daufblindrafélagi
Íslands eru 11 talsins en einnig er
vitað um fleiri einstaklinga sem eiga
við þessa fötlun að stríða. „T.d. eldra
fólk sem er farið að tapa allverulega
sjón og heyrn geta vissulega flokkast
sem daufblindir, því þau eiga í erf-
iðleikum með samskipti og upplýs-
ingar.“
Ör tækniþróun gefur dauf-
blindum aukna möguleika
Ráðstefnan er haldin á vegum
NUD, sem er norrænt menntasetur
fyrir þá sem vinna með daufblindum.
Daufblinda er mjög sérstæð fötlun
sem veldur þeim fatlaða vandkvæð-
um við að eiga samskipti, fá aðgang
að upplýsingum og komast leiðar
sinnar. Ör þróun í upplýsinga- og
samskiptatækni hefur gefið dauf-
blindum aukna möguleika til sam-
skipta og aðgangs að upplýsingum.
Þátttakendur eru um 180 manns
og koma þeir frá öllum Norðurlönd-
unum. Meðal fyrirlesara er Fjóla
Björk Sigurðardóttir, sem hefur ver-
ið daufblind í tæp 20 ár, en hún notar
fingrastafróf til þess að tjá sig og ber
fyrirlestur hennar yfirskriftina
„Hvað er það sem einkennir líf dauf-
blindra?“ Ágústa segir Fjólu hafa
einangrast mjög vegna þess hve fáir
kunni á slíkt stafróf. „Sumir dauf-
blindir á Íslandi eru mjög einangr-
aðir vegna þess að það eru fáir í þjóð-
félaginu sem kunna þeirra
samskiptaleið. Fjóla Björk er t.d.
mjög einangruð.“
Sumir daufblindir hér á
landi eru mjög einangraðir
OPNAÐUR hefur verið nýr níu holu golfvöllur að Ása-
túni í Hrunamannahreppi, nánar tiltekið í efra Lang-
holtinu. Það er Grímur Guðmundsson bóndi sem stend-
ur að vellinum, en á landareign hans eru sumar-
bústaðir í eigu Kennarasambands Íslands og fleiri
félaga, fyrirtækja og einkaaðila. Völlurinn þykir sér-
stakur fyrir þær sakir að hann er í óvenjulegu lands-
lagi og er þ.a.l. áskorun fyrir leikmenn í golfi.
Morgunblaðið/Jón Svavarsson
Grímur Guðmundsson bóndi horfir yfir nýja golfvöllinn sem ætla má að veki gleði sumarbústaðafólks.
Ásatúnsvöllur tekinn í notkun
Hrunamannahreppi. Morgunblaðið.
SUND er vinsælasta afþreying
ferðamanna á Íslandi, samkvæmt
könnun Rannsóknar og ráðgjafar
ferðaþjónustunnar ehf. sem fram-
kvæmd var í Leifsstöð meðal 1.792
erlendra ferðamanna, sem komu
hingað til
lands á tíma-
bilinu janúar
til maí á þessu
ári.
Alls höfðu
57% farið í
sund og 41%
hafði skoðað
kirkju. Aðeins færri, eða 38%
höfðu skoðað sögulega staði og
31% farið á söfn eða sýningar. Þá
hafði fjórðungur farið í gallerí eða
handverksmiðstöð og tæpur
fimmtungur hafði farið í fjöruferð.
Fjórtándi hver ferðamaður hafði
farið í skipulagða jeppaferð og
tólfti hver í hestaferð. Vél-
sleðaferð höfðu 8% ferðamanna
farið í, 6% í fuglaskoðun, 6% í
langa gönguferð, 4% í bátsferð og
rúmt 1% hafði farið á skíði.
Samkvæmt könnuninni var með-
aldvöl erlendra ferðamanna á Ís-
landi 4,7 nætur, sem er svipað og á
síðustu árum. Í könnun sem unnin
var fyrir Ferðamálaráð í sömu
mánuðum árið 1999, var meðaldvöl
4,6 nætur. Um 72% voru í ferð á
eigin vegum, en 28% í skipulagðri
hópferð.
Flestir fengu upplýsingar um Ís-
land á Netinu áður en landið var
heimsótt, eða 59%. Þá lásu 44%
ferðahandbækur, 31% fékk upplýs-
ingar hjá vinum eða kunningjum,
12% á ferðaskrifstofu, 11% í grein-
um í blöðum og tímaritum, 7% í
auglýsingum og 5% í sjónvarps-
eða útvarpsþáttum.
Sund
vinsæl-
asta af-
þreyingin
41% erlendra
ferðamanna
skoðuðu kirkju
TVÖ sýni kjúklingakjöts reyndust
menguð af campylobacter af alls 56
sýnum sem skoðuð voru í könnun
Umhverfisstofnunar og Heilbrigðis-
eftirlits sveitarfélaga á örveru-
ástandi kjúklinga sem gerð var í maí
og júní. Eitt sýni af ferskum kjúk-
lingabitum var mengað af salmonellu
en það sýni var úr sláturlotu sem
hafði áður verið innkölluð úr versl-
unum.
Campylobactermenguðu sýnin
voru úr heilum frosnum kjúklingi og
frosnum kjúklingabringum, skv.
upplýsingum matvælasviðs Um-
hverfisstofnunar.
Eftirlitsverkefnið var unnið í sam-
starfi Umhverfisstofnunar og heil-
brigðiseftirlits sveitarfélaga. Stefnt
var að því að taka 100 sýni af kjúk-
lingakjöti en aðeins 56 sýni bárust og
ber að hafa fyrirvara á því að nið-
urstöðurnar gefi nákvæma mynd af
ástandi þessara mála á markaði.
Þrjú af 56
sýnum
reyndust
menguð