Morgunblaðið - 19.08.2004, Blaðsíða 18
MINNSTAÐUR
18 FIMMTUDAGUR 19. ÁGÚST 2004 MORGUNBLAÐIÐ
HÖFUÐBORGARSVÆÐIÐ
SUÐURNES
Sandgerði | Unnið er að því hörðum höndum
að bæta og breyta samkomuhúsinu í Sandgerði
þessa dagana. Húsið var farið að láta verulega á
sjá, enda byggt árið 1944.
„Húsið var orðið illa farið, það uppfyllti ekki
skilyrði um hreinlætisaðstöðu svo það þurfti að
bæta. Eldhúsið var orðið það illa farið að við
höfðum ekki rekstrarleyfi fyrir húsið, nema
fyrir sárafáa,“ segir Sigurður Valur Ásbjarn-
arson, bæjarstjóri í Sandgerði.
Auk þess að laga húsið voru byggðir við það
um 140 fermetrar þar sem verða snyrtingar,
eldhús og ný forstofa. Allir gluggar voru ónýtir
á gamla húsinu svo það þurfti að skipta um
bæði gler og glugga. Sviðið var orðið heldur las-
burða og því þurfti að taka það ærlega í gegn.
Sigurður segir að auk þess hafi tækifærið
verið notað og bætt við flóttadyrum og sett
skáplan svo aðgengi fyrir fatlaða væri betra.
Auk þess verður öll lóðin tekin í gegn svo að-
koman að nýja samkomuhúsinu verði öll hin fal-
legasta.
Kostar 60–70 milljónir króna
Kostnaður við þessa framkvæmd er á bilinu
60–70 milljónir króna, og er reiknað með því að
húsið verði tekið í notkun í nóvember nk.
Nýting á húsinu hefur ekki verið upp á það
besta undanfarið, en Sigurður segir að nú verði
það vonandi nýtt betur. Húsið hefur verið notað
fyrir stórveislur, erfidrykkjur, fundahöld og
jafnvel dansleiki. „Þetta hús sinnir gleði- og
sorgarstundum fyrir bæjarbúa og notast áfram
sem slíkt,“ segir Sigurður.
Breyta og bæta
samkomuhúsið
Sinnir gleði- og sorgarstundum bæjarbúa
Morgunblaðið/Reynir Sveinsson
Samkomuhúsið verður eins og nýtt eftir andlitslyftinguna, en það hafði látið verulega á sjá.
Tjörnin | Þeir sem fara um Hljóm-
skálagarðinn hafa margir hverjir
orðið varir við breyttan svip Þor-
finnshólma, sem liggur á Þorfinns-
tjörninni. Þar sem áður var aðal-
hreiðurstaður kría á tjörninni
hefur nú ætihvönn fest sig í sessi af
mikilli áfergju og er nú ástandið
slíkt að kríurnar eiga erfitt upp-
dráttar við varpið. Hvönninni var
plantað út í hólmann fyrir tæpum
áratug og hefur vaxið mjög.
Jóhann Óli Hilmarsson, fugla-
fræðingur og ljósmyndari, segir
vissulega mikið áhyggjuefni
hversu mikið þrengir að fuglum
við Tjörnina og í Vatnsmýrinni,
ekki þó aðeins vegna hvannarinn-
ar, heldur einnig vegna sívaxandi
framkvæmda sem gangi á nauð-
synlegt rými fuglanna. „Við ætlum
að reyna að grisja hvönnina svolít-
ið fyrir næsta vor og útbúa lítil
rjóður í hólmanum,“ segir Jóhann
Óli, en hólmarnir tveir í Tjörninni
hafa hingað til verið helstu varp-
lönd kría á þessu svæði. „Það er
svolítið erfitt fyrir kríuna að koma
sér fyrir þarna, en samt er ótrúlegt
hvað henni hefur tekist vel að
koma upp ungum þarna þrátt fyrir
hvönnina. Krían verpir áður en
hvönnin fer að vaxa og þess vegna
má sjá ungana inn á milli stilkanna
og á bökkunum.“
Skógarkerfillinn skæður
Í ár var léleg afkoma hjá krí-
unni, þrátt fyrir að varpið hafi ver-
ið svipað, og segir Jóhann Óli
marga þætti spila þar inn í og ekki
endilega hvönnina, þótt hún sé fyr-
ir. Þrengslin vegna mannvistar
geri kríunni afar erfitt fyrir.
Hvönnin er þó ekki eina yfir-
gangssama plantan í Vatnsmýr-
inni, en undanfarin ár hefur
skógarkerfill herjað á mýrina um-
hverfis friðland fugla í Vatnsmýr-
inni og er nú kominn inn í frið-
landið. „Við höfum verið að velta
því fyrir okkur að reyna að herja á
kerfilinn þarna,“ segir Jóhann Óli,
en kerfillinn er afar kræf planta og
minnkar mjög fjölbreytileika
plöntulífs þar sem hann festir sig í
sessi. Þá fylgir kerflinum gjarnan
jarðvegsrof. „Hann leggur allt
undir sig, rétt eins og lúpínan.
Hann hefur fylgt lúpínunni og lagt
landið undir sig og það er eins og
að fara úr öskunni í eldinn má
segja, þegar kerfillinn tekur við.“
Jóhann Óli segir mjög hafa
þrengt að Tjörninni og athafna-
svæði fuglanna undanfarin ár og
hafi varp flestra fugla minnkað
mjög, nema grágæsa. Þó hafi þrjár
gargendur komið upp ungum í vor,
sem séu góðar fréttir. Þá hafi
færsla Hringbrautar og fleiri
framkvæmdir ófyrirsjáanleg áhrif
á lífríkið. „Fuglarnir þurfa bæði
frið til að verpa og svæði til að
borða. Það er ekki nóg að gefa
þeim brauð, þótt það skipti ein-
hverju máli fyrir gæsirnar og álft-
irnar,“ segir Jóhann Óli. „Þá er
friðlandið ekki mannhelt. Ég var
að vinna að verkefnum þarna í
sumar og þá kom ég að nokkrum
krökkum sem höfðu komist út í
friðlandið og voru að elta og hrella
fuglana.“ Jóhann Óli segir til lítils
fyrir fuglana að hafa friðlandið
njóti það ekki friðar.
Morgunblaðið/Ómar
Þorfinnshólmi er nokkuð þétt vaxinn hvönn seinni hluta sumars og lítið pláss fyrir fuglana að athafna sig þar.
Þrengir að fuglum við Tjörnina
Ljósmynd/Jóhann Óli Hilmarsson
Vinarþel: Kunnugir vilja meina að þetta atferli kría eigi eitthvað skylt við
lúsatíning prímata; að verið sé að rækta frumstæð félagsleg tengsl.
Höfði | Viðurkenningar vegna feg-
urstu lóða fjölbýlishúsa og fyrir-
tækja, og endurbóta á eldri húsum í
Reykjavík fyrir árið 2004 voru
veittar við hátíðlega athöfn í Höfða
í gær. Það er hefð að veita slíkar
viðurkenningar á afmæli Reykja-
víkurborgar 18. ágúst og er það
Skipulags- og byggingarnefnd
Reykjavíkurborgar sem veitir
viðurkenningarnar eftir tilnefn-
ingar frá vinnuhópi sem í sátu:
Björn Axelsson landslagsarkitekt,
umhverfisstjóri hjá skipulagsfull-
trúa,
Margrét Þormar arkitekt, hverfis-
stjóri hjá skipulagsfulltrúa,
Páll V. Bjarnason arkitekt, deildar-
stjóri húsadeildar Árbæjarsafns,
Þórólfur Jónsson landslagsarkitekt,
deildarstjóri garðyrkjudeildar.
Fallegar lóðir fjölbýlishúsa
Kristnibraut 77–83
Lóðirnar Kristnibraut 77–79 og
Kristnibraut 81–83 fá viðurkenn-
ingu fyrir barnvæn og falleg garð-
svæði sem mynda snyrtilega um-
gjörð um byggingarnar.
Kristnibraut 2–12
Lóðin fær viðurkenningu fyrir
vel heppnaða aðlögun lóðar að nátt-
úrulegum staðháttum og gróðri.
Atvinnu- og stofnanalóðir
Ármúli 4–6
Veitt er viðurkenning fyrir fal-
lega og fjölbreytta lóð þar sem m.a.
upprunalegar klappir hafa fengið
að halda sér. Lóðin er jafnt gestum
sem starfsmönnum í húsunum til
yndisauka.
Engjateigur 7
Veitt er viðurkenning fyrir
snyrtilega og stílhreina lóð sem
spilar við húsið og sýnir að einfald-
leikinn getur verið fallegur.
Endurbætur á eldri húsum
Garðar við Ægisíðu
Húsið er steinhlaðið og vandað að
allri gerð. Það stendur fallega og
nýtur sín sérstaklega vel í umhverfi
sínu. Húsið ber þess merki að hafa
verið endurbyggt af fagmennsku og
alúð.
Sólvallagata 4
Húsið er í klassískum stíl með
áhrifum frá danskri þjóðarrómantík
og er frá síðasta skeiði þess tíma-
bils áður en fúnkisstíllinn hóf inn-
reið sína hér á landi. Hönnun og
endurbygging Sólvallagötu 4 ber,
að sögn nefndar, öll merki þess að
hafa verið unnin af mikilli fag-
mennsku og virðingu fyrir uppruna
hússins.
Háteigsvegur 12
Húsið er gott dæmi um síðfunkis-
stílinn í Reykjavík og er enn í upp-
runalegri mynd. Árið 2004 var gert
við steypuskemmdir, húsið endur-
steinað og endurnýjað á ýmsan
hátt. Nefndin segir þetta einkar
lofsvert framtak og mikilvægt for-
dæmi fyrir eigendur þeirra húsa
sem hafa varðveislugildi vegna upp-
runalegrar hönnunar.
Reykjavíkurborg veitir viðurkenn-
ingar fyrir umhverfisprýði
Hvatt til snyrti-
mennsku og alúðar
Morgunblaðið/Jim Smart
Prúður félagsskapur: Hinir viðurkenndu húseigendur fögnuðu ásamt
fulltrúum borgarinnar á tröppum Höfða í veðurblíðunni í gær.