Réttur - 01.07.1938, Qupperneq 6
að koma auga á leiðir til stórbrotinnar viðreisnar og
nýsköpunar atvinnuveganna. í því skyni er nauðsyn-
legt, að þeir möguleikar, sem nefndir hafa verið hér
að framan, verði teknir til alvarlegrar athugunar.
Árum saman hefir Kommúnistaflokkurinn barist
fyrir einingunni. Og þegar horft er um öxl, verður
ekki annað sagt, en m.jög hafi þokast í áttina. Hin
klofnu verkalýðsfélög eru nú sameinuð víðast hvar.
Samvinnuhreyfingin í Reykjavík, sem til skamms
tíma lá í rústum, er nú orðin voldug og sterk í krafti
einingarinnar. Og í haust sameinast íslenzkir sósíal-
istar í sterkum, fjölmennum marxistiskum flokki-.
Enda þótt þokast hafi í áttina, væri mjög heimsku-
legt að láta það stíga sér til höfuðs. Hætturnar eru
svo yfirvofandi að við megum engan tíma missa. Og
því er ekki að leyna, að í sambandi við sameininguna
í haust dregur upp bliku, sem hlýtur að valda mönn-
um nokkurs kvíða. Það lítur helzt út fyrir, að sumir
af forustumönnum hægri mannanna í Alþýðuflokkn-
um hugsi sér að gera tilraun til að einoka samband
verkalýðsfélaganna undir sinni stjórn, hverju sem
fram vindur, setja einræðisstjórn yfir Alþýðusamband-
ið, sem á að drottna yfir stéttarsamtökunum gegn vilja
þeirra, með aðstoð ríkisvaldsins. Slíkt tilræði við verka-
lýðsfélögin, sem minnir mjög á þýzkar aðferðir, myndi
miða að því að leggja landssamtökin í rústir. — Það
er mjög áríðandi, að vera vakandi fyrir þessari hættu.
Það þarf að leggja alla stund á, að sameina alla þá,
sem vilja að verkalýðssamtökin haldi áfram að vera
til, um þá sjálfsögðu lausn, að Alþýðusambandinu
verði breytt í samband verkalýðsfélaga, er starfi á lýð-
ræðisgrundvelli, óháð pólitískum flokkum.
Við þurfum á öllum kröftum að halda. Næstu skref-
in eru sameining Kommúnistaflokksins og sósíalist-
anna í Alþýðuflokknum í öflugan marxistiskan flokk
og sameining allra verkalýðsfélagaálandinuíeitt óháð
stéttarsamband. Það eru næstu áfangarnir á þeirri
114