Réttur - 01.07.1938, Side 55

hersins. Reynsla vor á Spáni gerði oss það kleyft að
skipuleggja loftherinn, sem fram til ársins 1936 var
að vissu leyti Akkilleserhæll landvarna vorra. Sér-
fræðingar vorir færðu sér lærdóma spánska lofthern-
aðarins í nyt til þess að endurbæta loftflotann.
Til þess að kunna að fara með flugvélar af full-
komnustu gerð, verða flugmennirnir að læra betur,
en það er vandamál, sem erfitt er að leysa úr. Þessir
erfiðleikar eru sameiginlegir öllum ríkju.a, og reynir
hvert þeirra að leysa þá eftir því, sem atvik sianda til.
Síðasta ár hefur sýnt oss að hugvitssemi, tækni og
stórframleiðsla nútímans hafa tekið miklu stórstígari
framförum en menntun og þjálfun hersins. Reynsla
vor á Spáni hefur gefið oss miklu meiri möguleika en
öðrum ríkjum til að minka þennan mismun, að minsta
kosti að verulegu leyti. Hin hagnýta reynsla þeirra
flugmanna, sem vér höfum sent til Spánar, hefur gert
oss fært að bæta menntun flugmanna vorra á mjög
skömmum tíma. Sú staðreynd, að vér eigum nú af-
burðaflugmenn, gefur oss mikla yfirburði fram yfir
framtíðaróvini vora, sem hafa yfir mikið minni reynslu
að ráða.
Hvað varnir gegn loftárásum snertir, höfum vér
notað vorar eigin aðferðir á Spáni, og hefur reynsla
Spánarstríðsins fært oss drjúga viðbótarþekkingu á
þessum hlutum.
Þá hefur þátttaka vor í styrjöldinni á Spáni fært oss
mjög mikilsverða og heilladrjúga þekkingu á notkun
brynvagna. í stríði. Vér vorum þar á villigötum. en
gátum snúið við á rétta leið, áður en það var orðið of
seint. Misgrip þau, sem vér gerðum í fyrstu, hafa orð-
ið oss dýr, því að hinir léttu brynvagnar vorir gátu
ekki einu sinni varizt vélbyssnaskothríð, hvað þá
heldur meiru. Þetta hefir leitt oss inn á þá braut að
nota hina þungu og velbrynjuðu brynvagna, sem hafa
reynst mjög vel á Spáni undanfarið.
Fótgönguliðið er ennþá talið einhver sterkasti þátt-
163