Morgunblaðið - 09.03.2007, Blaðsíða 16
„KÖTTURINN“ svokallaði kom tölu-
vert við sögu í vitnaleiðslum yfir Sig-
urði Einarssyni, stjórnarformanni
Kaupþings, og Hreiðari Má Sigurðs-
syni, forstjóra bankans, í gær. Kött-
urinn er krafa Baugs á hendur bank-
anum, tilkomin vegna þess að
stjórnendur félagsins töldu sig eiga
inni söluþóknun þar sem þeir seldu
hlutabréf í Baugi sjálfir. Sigurður og
Hreiðar könnuðust báðir við kröfuna
og töldu hana hafa verið gerða upp í
gegnum önnur viðskipti við Baug.
Söluþóknunin er ákæruefni tólfta
liðar í endurákærunni og eru Jón Ás-
geir og Tryggvi Jónsson báðir ákærð-
ir fyrir meiri háttar bókhaldsbrot. Er
þeim gefið að sök að hafa látið rang-
færa bókhald Baugs þegar Tryggvi
lét færa til eignar á viðskiptamanna-
reikning Kaupþings og til tekna hjá
Baugi rúmar þrettán milljónir króna,
en engin gögn lágu að baki færslunni.
Báðir hafa þeir haldið fram fyrir dómi
að um væri að ræða söluþóknun
vegna sölu á hlutabréfum fyrir milli-
göngu félagsins. Jóhannes Jónsson sá
um viðskiptin og voru hlutabréfin seld
til hins norska Odd Reitan.
Settur saksóknari, Sigurður Magn-
ús Tómasson, spurði Sigurð m.a.
hvort hann vissi til þess að þóknunin
hefði verið greidd og sagðist Sigurður
muna til þess að Baugur hefði farið
fram á greiðslu. „Ég man eftir því að
þeir töldu sig eiga rétt á þóknun, en
man ekki hvernig það var afgreitt,“
sagði Sigurður og þótti líklegast að
þóknunin hefði verið gerð upp í öðr-
um viðskiptum.
Sigurður mundi ekki hversu há
upphæðin var, hvort um hefði verið að
ræða prósentutölu eða ákveðinn hluta
né í hvaða viðskiptum þóknunin kunni
að hafa verið gerð upp og benti á að
viðskipti við Baug voru afar umfangs-
mikil á þessum tíma.
Var hann þá spurður hvort við-
skiptin væru ekki bókfærð sjálfstætt í
bókhaldi, neitaði Sigurður því og
einnig að það kæmi fram að verið
væri að ganga frá eldri viðskiptum.
Saksóknari spurði einnig út í hvort
Sigurður hefði komið á skemmtibát-
inn Thee Viking og játti hann því.
Sagðist Sigurður hafa komið þrisvar
sinnum um borð í bátinn og hefði það í
öll skiptin verið með Hreiðari Má,
ásamt fleirum. Var hann þá spurður í
boði hvers bátsferðirnar hefðu verið
og sagðist Sigurður ekki halda að
neinn hefði boðið um borð.
Gestur Jónsson, verjandi Jóns Ás-
geirs, spurði Sigurð út í stofnun
Baugs og sagðist hann hafa tekið þátt
í þeirri framkvæmd. Bar Gestur und-
ir hann stofnsamning og ráðningar-
samninga sem Sigurður undirritaði
og kannaðist við það. Spurði Gestur
þá hvort eitthvað óeðlilegt væri við
samningana og sagði Sigurður að svo
væri ekki, ef svo hefði verið væri nafn
hans ekki á samningunum.
Sett fram í viðræðum
Hreiðar Már var einnig spurður út
í kröfu Baugs á hendur Kaupþingi og
sagðist hann muna eftir viðræðum við
forsvarsmenn félagsins vegna þess,
aðallega Jón Ásgeir en einnig
Tryggva. Hreiðar sagði kröfuna ekki
hafa verið setta fram með reikningi
heldur í viðræðum. Hann sagði Baug
hafa haft eitthvað til síns máls en
krafan ekki verið skjalfest, fremur
gerð upp í öðrum viðskiptum.
Ríkislögreglustjóri sendi fyrir-
spurn til Kaupþings vegna kröfunnar
og var henni svarað af Helga Sigurðs-
syni og Guðnýju Örnu Sveinsdóttur,
starfsmönnum bankans. Meðal þess
sem kom fram í svarinu var að kostn-
aðurinn hefði ekki sést í bókahaldinu.
Aðspurður sagðist Hreiðar hafa vitað
af fyrirspurninni en svo langt hefði
verið um liðið að hann hefði ekki áttað
sig á að hverju fyrirspurnin sneri.
Mikil fagnaðarlæti hjá RLS
Einnig kom fyrir dóminn Helgi
Sigurðsson, sem var skrifaður fyrir
svarinu til RLS, og gerði hann grein
fyrir því. Sagðist hann ekki hafa fund-
ið hreina færslu, en gat ekki staðfest
hvort þóknunin hefði verið gerð upp
öðruvísi og væri því hluti af annarri
færslu. Saksóknari spurði hvort hann
hefði leitað til einhverra eftir upplýs-
ingum, því neitaði Helgi.
Gestur Jónsson spurði því næst
hvort gengið hefði verið eftir því að fá
svarið, og sagði Helgi að svo hefði
verið. Sagðist hann hafa rætt við Jón
H.B. Snorrason, fyrrverandi yfir-
mann efnahagsbrotadeildar ríkislög-
reglustjóra, í síma og greint honum
frá niðurstöðu könnunar sinnar.
„Hann leyndi ekki ánægju sinni með
það að þessi gögn fundust ekki,“ sagði
Helgi og lýsti því nánar að ósk Gests
sem fagnaðarlátum á fótboltaleik.
Sagði Helgi að símtalið hefði verið í
fundarsíma og því hefði Guðný Arna
einnig heyrt það sem fram fór.
Staðfestu báðir kröfu Baugs
Forstjóri og stjórnarformaður Kaupþings könnuðust báðir við kröfu Baugs á
hendur bankanum vegna söluþóknunar og töldu að krafan hefði verið gerð upp
Morgunblaðið/Andri Karl
Samræður Hreiðar Sigurðsson, forstjóri Kaupþings, og Gestur Jónsson.
Í HNOTSKURN
Dagur 19
»Í gær mættu sjö vitni í dóm-sal 101 í héraðsdómi Reykja-
víkur vegna aðalmeðferðar í
Baugsmálinu.
»Skýrslutökur tóku mislangantíma en þó sýnu stystan yfir
Heiðari Má Guðjónssyni, starfs-
manni Novator í Lundúnum.
»Heiðar var ekki á dagskránnien Jakob sagðist hafa hitt
hann fyrir tilviljun og þar sem
hann væri lítið á landinu ákveðið
að kalla hann til vitnis.
»Jakob R. Möller spurði Heið-ar út í kvöldstund í New
York hinn 7. september 2001 en
þá bauð Tryggvi Jónsson nokkr-
um Kaupþingsmönnum út að
borða.
»Heiðar staðfesti veru sína áveitingastaðnum umrætt
kvöld og yfirgaf dómsalinn um
tveimur mínútum eftir að hann
var kallaður inn.
»Jakob spurði Hreiðar Má,forstjóra Kaupþings, einnig
að því sama og mundi Hreiðar
jafnframt eftir málsverðinum.
» Í kjölfar þess að Hreiðarstaðfesti að hafa komið um
borð í bátinn Thee Viking spurði
Jakob hann hvort hann deildi
tónlistarsmekk með Tryggva
Jónssyni, og uppskar hlátur við-
staddra.
» Í kjölfar staðfesti Hreiðar aðTryggvi hefði séð um tónlist-
ina um borð í Thee Viking þegar
hann hefði verið þar.
»Aðalmeðferð heldur áfram ídag og mæta m.a. þau Lárus
Óskarsson, Íris Bjarnadóttir og
Aðalheiður Fritzdóttir.
16 FÖSTUDAGUR 9. MARS 2007 MORGUNBLAÐIÐ
AÐALMEÐFERÐ Í BAUGSMÁLINU
Eftir Andra Karl
andri@mbl.is
„ÞAÐ vakti athygli mína að blaða-
maður hringdi í mig þegar enginn
annar vissi að það hafði verið afhent
haldlagningarskýrsla,“ sagði Magnús
Guðmundsson, forstjóri Kaupþings í
Lúxemborg, á 19. degi aðalmeðferðar
Baugsmálsins svonefnda og svaraði
með því spurningum Jakobs R. Möll-
er, verjanda Tryggva Jónssonar, um
húsleit sem gerð var í höfuðstöðum
bankans í Lúxemborg um mitt sumar
árið 2003.
Fram kemur í lögregluskýrslu sem
tekin var af Magnúsi að íslenskur
blaðamaður [Morgunblaðsins] hefði
hringt og spurt út í húsleitina þá hinn
sama morgun og hún var gerð. Magn-
ús útskýrði reyndar að í Lúxemborg
er húsleit ekki það sama og húsleit á
Íslandi. Lögregla leitar ekki að gögn-
um heldur hefur heimild til að leggja
hald á tiltekin gögn samkvæmt hald-
lagningarskrá. Yfirvöld leggja það í
vald fyrirtækisins að taka gögnin
saman og afhenda þegar búið er að
afla þeirra.
„Ég neitaði blaðamanninum, sagði
að það væri ekki húsleit. Hann
hringdi aftur og sagðist vita að það
væri húsleit hjá mér,“ sagði Magnús
sem spurði þá blaðamann hvort væri
meiri frétt í því að húsleit færi fram í
bankanum eða að hann vissi af því.
„Hann svaraði því til að það hafi
menn hagsmuni af þessu máli í ís-
lensku þjóðfélagi.“
Jakob spurði þá hvort blaðamaður
hefði tilgreint þá menn og neitaði
Magnús því og sagði að ekki hefði
frekar verið rætt við blaðamanninn.
Magnús greindi jafnframt frá því að
símtölin hefðu borist á milli átta og
níu um morguninn, sem væri á milli
sex og sjö að íslenskum tíma.
Var stofnaður til að halda utan
um kaupréttarsamninga
Spurningar setts saksóknara, Sig-
urðar Tómasar Magnússonar, til
Magnúsar beindust að hlutabréfa-
kaupum í breska smásölufyrirtækinu
Arcadia og kaupréttarsamningum
æðstu stjórnenda Baugs.
Hlutabréf í Baugi, að nafnvirði
fjörutíu milljónir króna, voru geymd
á fjárvörslureikningi Baugs hjá
Kaupþingi í Lúxemborg og spurði
saksóknari m.a. út í reikninginn og
tilgang hans. Magnús sagði tilgang-
inn hafa verið að halda utan um kaup-
réttarsamningana og staðfesti að
hafa séð gögn um þá. Varðandi ráð-
stöfun á hluta hlutabréfanna á árinu
1999 sagði Magnús að samskipti hans
hefðu að mestu verið við Tryggva
Jónsson.
Saksóknari spurði einnig hvort
honum hefðu borist fyrirspurnir frá
endurskoðendum Baugs varðandi
stöðu á viðskiptareikningi, neitaði
Magnús því og spurði á móti hvort
ekki hefðu verið lögð fram gögn því
til staðfestingar, en svo var ekki.
Samdi starfsreglur stjórnar
Óskar Magnússon, forstjóri
Tryggingamiðstöðvarinnar, kom
einnig fyrir dóm í gær en hann var
starfandi stjórnarformaður Baugs
frá stofnun félagsins árið 1998 fram á
gamlárskvöld 1999. Saksóknari
spurði m.a. út í starfsreglur stjórn-
arinnar, sem Óskar samdi, og sagði
t.a.m. að ákvæði um að fjárfestingar
yfir 20–25 milljónir yrði að bera undir
stjórn hefðu verið til að reyna að setja
bönd á Jón Ásgeir Jóhannesson, for-
stjóra Baugs, svo að stjórnin gæti
fylgst betur með fjárfestingum.
Hann sagði engar formlegar breyt-
ingar hafa verið gerðar á reglunum
en vildi ekki fullyrða um hvort algjör-
lega hefði verið farið eftir þeim.
Saksóknari spurði einnig út í orð
Jóns Ágeirs sem hélt því fram fyrir
dómi að óformlegt samkomulag hefði
verið milli Baugs og fjárfestingar-
félagsins Gaums um að Gaumur færi
á undan í fjárfestingar og bæri því
áhættuna. „Ég get fullyrt að það var
ekkert formlegt samkomulag í gildi
og ég veit ekki með hvaða hætti
óformlegt samkomulag hefur komist
á,“ sagði Óskar en bætti við að slíkt
hefði þó gerst og kynni hann dæmi
um það. Hann sagði að hlutverk
Gaums innan Baugs hefði ekki verið
skilgreint sérstaklega.
Ekkert spurt út í Simons Agitur
Aðspurður um kaupréttarsamn-
ingana sagði Óskar að hann héldi að
þeir hefðu verið lagðir fyrir stjórn fé-
lagsins. Hann sagðist einnig hafa
ályktað að endurskoðendur félagsins
vissu um samningana, enda væri það
föst regla hjá þeim að ganga á eftir
slíkum samningum.
Gestur Jónsson, verjandi Jóns Ás-
geirs, spurði Óskar hvort eitthvað
hefði verið gert til að leyna ráðning-
arsamningunum og neitaði hann því.
Sagði hann fremur að gengið hefði
verið milli fjárfesta fyrir stofnun fé-
lagsins og samningarnir verið eitt at-
riði sem sérstaklega var kynnt. Taldi
hann að þeir hefðu kynnt samn-
ingana á 10–30 stöðum.
Gestur spurði einnig út í viðskipti
Nordica og Baugs annars vegar og
Simons Agitur í Danmörku og Baugs
hins vegar. Sagði Óskar að það hefðu
verið sambærileg viðskipti. Spurði
Gestur þá hvort eitthvað hefði verið
spurt út í Simons Agitur hjá lögreglu
og neitaði Óskar því.
„Sagðist vita að það
væri húsleit hjá mér“
Forstjóri Kaupþings í Lúxemborg meðal vitna gærdagsins
Morgunblaðið/G. Rúnar
Gengið til þinghalds Gestur Jónsson, verjandi Jóns Ásgeirs, Sigurður T.
Magnússon saksóknari og Jakob Möller, verjandi Tryggva Jónssonar.
ÁÐUR en þinghald hófst eftir há-
degið óskaði Sigurður Tómas Magn-
ússon, settur saksóknari, eftir því
við Arngrím Ísberg dómsformann
að Hreiðari Má Sigurðssyni, for-
stjóra Kaupþings, yrði vikið úr dóm-
sal í nokkrar mínútur svo hann gæti
lagt fram ný gögn í málinu. Vörðuðu
þau framburð Sigurðar Ein-
arssonar, stjórnarformanns bank-
ans, frá því fyrir hádegið.
Arngrímur varð við ósk saksókn-
arans sem skýrði svo frá að í hádeg-
inu hefði hann fundið tölvubréf á
milli Jóns Ásgeirs, Kristínar Jó-
hannesdóttur og Hreiðars Más
vegna málaferla í Bandaríkjunum
sem tengdust Jóni Gerald Sullenber-
ger og bátnum Thee Viking.
Sigurður, sem stefnt var í málinu
sem vitni, greindi svo frá að hann
hefði ekki sett sig inn í það, ekki
fundað með nokkrum manni né
mætt fyrir réttinn. Samkvæmt sak-
sóknara virtist hins vegar mega
ráða af tölvubréfinu að Sigurður og
Hreiðar hefðu hitt lögmann Baugs í
Bandaríkjunum vegna málsins.
„Þetta er hrein
hryðjuverkastarfsemi“
Verjendur mótmæltu þessu harð-
lega og tók Arngrímur undir þau
mótmæli. Dómsformaður spurði
m.a. hvernig þetta kæmi málinu við
og svaraði saksóknari því til að hann
teldi það skipta máli til að sann-
reyna trúverðugleika vitna. Dóms-
formaður sagði það töluvert lang-
sótt hjá saksóknaranum.
Gestur Jónsson, verjandi Jóns Ás-
geirs, spurði þá hvort þetta væri enn
eitt skjalið sem óvænt finnst um há-
degisbil og Jakob R. Möller, verj-
andi Tryggva Jónssonar, benti á að
saksóknarinn hefði með þessu nán-
ast fullyrt að stjórnarformaður
Kaupþings hefði sagt rangt frá fyrir
dómi, og sagði hann gera það til að
sigra í fjölmiðlastríði.
„Hann er búinn að tryggja sér fyr-
irsögn í helstinu,“ sagði Jakob og
Gestur bætti um betur: „Þetta er
hrein hryðjuverkastarfsemi sem hér
á sér stað.“
Að lokum fór svo að tölvubréfin
voru lögð til hliðar í bili.
Enn valda
tölvubréf
uppnámi
Bankastjórar báru vitni
í Baugsmálinu
VEFVARP