Morgunblaðið - 09.03.2007, Page 19

MORGUNBLAÐIÐ FÖSTUDAGUR 9. MARS 2007 19
ÚR VERINU
Vestmannaeyjar | Loðnuvertíð er um
það bil að ljúka og tregt orðið á mið-
unum. Stóru fiskvinnslufyrirtækin í
Vestmannaeyjum, Ísfélagið og
Vinnslustöðin, hafa náð megninu af
kvótanum og áttu um miðja vikuna
hvort um sig eftir um 2.000 tonn.
Sameiginlegur kvóti þeirra er um
90.000 tonn af 300.000 tonnum sem
leyft var að veiða að þessu sinni.
Skip Ísfélags Vestmannaeyja eru
langt komin með að veiða 60.000
tonn og skip Vinnslustöðvar hafa
landað 28.000 tonnum. Verð á öllum
afurðum hefur verið hátt, það er á
lýsi, mjöli, heilfrystri loðnu og
loðnuhrognum.
Ægir Páll Friðbertsson, fram-
kvæmdastjóri Ísfélags Vestmanna-
eyja, sagði vertíðina hafa gengið vel
og að enn væru skip á veiðum.
„Loðna hefur verið fryst í Eyjum,
um borð í Þorsteini ÞH, Guðmundi
VE og á Þórshöfn. Við erum langt
komnir með að veiða 60.000 tonn af
62.000 tonna kvóta og af þessum
60.000 fóru 25% í frystingu og hitt í
bræðslu. Loðnan var heilfryst á
Rússland og Japan og síðan fram-
leiddum við loðnuhrogn.“
Hátt verð á afurðum
Ægir Páll sagði verð á afurðum
hafa verið hátt í erlendum gjald-
miðlum bæði á Japansmarkað og
Rússlandsmarkað auk þess sem
verð á mjöli og lýsi væri gott.
„Við berum okkur vel eftir vertíð-
ina þrátt fyrir að gengið sé sterkt.
Almennt er vertíðin góð en við erum
að fá kvótanum seint úthlutað þann-
ig að það hefur verið erfitt að skipu-
leggja undanfarnar vertíðir. Kvót-
inn lá ekki fyrir fyrr en í lok janúar
og fyrir þann tíma vissu menn ekki
hversu miklu eða hvort einhverju
yrði yfirleitt úthlutað,“ sagði Ægir
Páll.
Vertíðin gengið
vonum framar
Sigurgeir Brynjar Kristgeirsson,
framkvæmdastjóri Vinnslustöðvar-
innar, var sömuleiðis ánægður með
vertíðina sem hann sagði hafa geng-
ið vonum framar. „Við erum nánast
búnir að ná kvótanum, eigum eftir
um 2.000 tonn af 30.000 og enn eru
tvö skip á miðunum. Af þessum
28.000 tonnum erum við búnir að
frysta rúmlega 5.000 tonn af bæði
loðnu og hrognum.“
Sigurgeir sagði að prýðilega hefði
gengið að selja afurðir og verð á
mjöli og lýsi hefur verið hátt. „Verð
á loðnuhrognum er í hámarki miðað
við undangengnar vertíðir, Japans-
loðna er á prýðilegu verði líka og
Rússlandsmarkaður ágætur. Þessi
vertíð er ekki stór í magni talið, mið-
að við fyrri vertíðir. Hins vegar er
það nýtt að afurðir í bræðslu, hrogn
og frystingu eru allar á háu verði á
sama tíma.
Fyrstu 540 tonnin af
hrognum um borð
Guðmundur VE var á miðunum á
Breiðafirði, nánar tiltekið norður af
Rifi, á miðvikudagsmorgun. „Það er
mjög lítið að sjá og virðast vera lok-
in í þessu,“ sagði Sturla Einarsson
skipstjóri. „Það eru fjögur eða fimm
skip hérna og önnur út af Reykja-
nesi. Þetta er að syngjast upp en
það rættist mjög vel úr þessu seinni
hlutann af vertíðinni. Það hefur
náðst að gera góð verðmæti úr hrá-
efninu og ég reikna með að menn
séu almennt sáttir. Ég geri ráð fyrir
að þetta sé síðasti dagurinn hjá okk-
ur á vertíðinni,“ sagði Sturla um há-
degisbil á miðvikudag.
Sigurbjörn Árnason, vinnslustjóri
á Hugin VE, er ánægðir með loðnu-
vertíðina. Á tveimur mánuðum, frá
8. janúar til 6. mars, er aflaverð-
mætið um 250 milljónir á móti 118
milljónum á loðnuvertíðinni í fyrra.
Þeir frystu tæp 2.100 tonn af Rússa-
loðnu, 640 tonn af Japansloðnu og
um 450 tonn af hrognum. Er Hug-
inn eina vinnsluskipið sem vann
loðnuhrogn.
Við berum okkur vel
Loðnuvertíð hefur gengið vel
Afurðir í bræðslu og fryst-
ingu eru allar á háu verði og seljast jafnóðum úr landi
Morgunblaðið/Sigurgeir
Vinnslan Friðrik Ragnarsson gerir loðnuhrognin klár fyrir frystingu í Ís-
félaginu. Mikið hefur verið fryst af hrognum í Vestmannaeyjum í vetur.
Veiðarnar Strákarnir á Hugin voru í óðaönn að þrífa eftir loðnuvertíðina í
gær og voru ánægðir með árangurinn. En stoppið verður stutt því á sunnu-
daginn halda þeir til kolmunnaveiða. F.v. Ágúst Gísli Helgason, Kolbeinn
Agnarsson, Sigurbjörn Árnason, John Berry og Grímur Gíslason.
Í brúnni Feðgarnir Guðmundur
Huginn Guðmundsson, skipstjóri
á Hugin, og Guðlaugur Gísli um
borð í aflaskipinu.
Í HNOTSKURN
»Loðna hefur verið fryst íEyjum, um borð í Þorsteini
ÞH, Guðmundi VE og á Þórs-
höfn.
»Á tveimur mánuðum eraflaverðmætið um 250
milljónir á móti 118 milljónum
á loðnuvertíðinni í fyrra.
»Verð á loðnuhrognum er íhámarki miðað við und-
angengnar vertíðir, Jap-
ansloðna er á prýðilegu verði
líka og Rússlandsmarkaður
ágætur.
Suðurlandsbraut 24 • 108 Reykjavík • Sími 569 0900
Fax 569 0909 • lifbank@lifbank.is • www.lifbank.is
Ársfundur
Ársfundur Lífeyrissjóðs bankamanna verður haldinn
fimmtudaginn 12. apríl nk. kl. 17.30.
Fundurinn verður haldinn á Hótel Loftleiðum, Þingsal 1.
Dagskrá:
1. Venjuleg störf ársfundar
skv. 6. gr. samþykkta sjóðsins.
2. Tillögur stjórnar til breytinga á samþykktum.
Meðal annars kynnt tillaga um
aldurstengingu réttinda í Stigadeild.
3. Önnur mál.
Tillögur til breytinga á samþykktum Lífeyrissjóðs bankamanna
liggja frammi á skrifstofu sjóðsins, Suðurlandsbraut 24,
sími 569 0900. Einnig má nálgast tillögurnar
á heimasíðu sjóðsins www.lifbank.is.
Fyrir fundinn verður boðið upp á léttar veitingar.
Stjórn Lífeyrissjóðs bankamanna.
Stjórn MS/Auðhumlu svf. boðar til aðalfundar
félagsins, föstudaginn 16. mars 2007. Fundurinn
hefst á hádegisverði kl 12:00 að Hótel Flúðum
en að loknum málsverði hefst sjálfur aðalfundurinn
að félagsheimilinu á Flúðum.
Dagskrá fundarins:
1. Venjuleg aðalfundarstörf skv. samþykktum félagsins.
2. Önnur mál.
Fundurinn er opinn öllum félagsmönnum.
Stjórnin
Aðalfundur MS/Auðhumlu
Föstudaginn 16. mars 2007