Morgunblaðið - 07.11.2007, Blaðsíða 2
2 MIÐVIKUDAGUR 7. NÓVEMBER 2007 MORGUNBLAÐIÐ
FRÉTTIR
Ný bók um Emblu
Þorvarðardóttur er
komin í búðir. Ekki
láta þessa fram hjá
ykkur fara!
Kíkið inn á
www.dramadrottning.com
til að lesa sýnishorn úr
bókinni.
Dramadrottningar
athugið!
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv.
Hermannsson fréttastjóri gummi@mbl.is
SKIPULAGSSTOFNUN höfðu í
gær borist á fimmta hundrað at-
hugasemdir vegna framkvæmda við
Bitru- og Hverahlíðarvirkjun, sem
ætlunin er að reisa við Hengilssvæð-
ið. Fresturinn til að skila inn athuga-
semdum rennur út á miðnætti á
föstudag og var annar kynningar-
fundur um framkvæmdirnar haldinn
í húsakynnum Orkuveitunnar í gær.
Að sögn Þórodds Friðriks Þór-
oddssonar, sviðsstjóra umhverfis-
sviðs hjá Skipulagsstofnun, hafa
stofnuninni aldrei borist jafnmargar
athugasemdir vegna auglýstra fram-
kvæmda, þar með talið við Kára-
hnjúka. „Þetta er sennilega mesti
fjöldinn sem okkur hefur nokkurn
tímann borist,“ sagði hann.
Þóroddur sagði athugasemdirnar
hafa borist með tölvupósti og að ekki
væri tímabært að tjá sig um efni
þeirra. Langflestar tengdust þó
Bitruvirkjun.
VSÓ Ráðgjöf myndi vinna úr þeim
fyrir Orkuveituna, sem væri fram-
kvæmdaaðili, og niðurstöðurnar
kynntar í endanlegri matsskýrslu
sem óvíst væri hvenær Skipulags-
stofnun fengi í hendur.
Metfjöldi athugasemda
vegna Bitruvirkjunar
Morgunblaðið/Ómar
Góð mæting Um 50 mættu á kynningarfundinn í Orkuveituhúsinu í
gær, mun fleiri en á þann fyrri 3. október sl. þegar aðeins einn mætti.
STÖÐUGT hefur verið dregið úr öryggiskröfum
á Keflavíkurflugvelli frá því að Flugmálastjórn á
Keflavíkurflugvelli tók við vellinum af Varnarlið-
inu að mati slökkviliðsmanna. Hefur fulltrúa-
ráðsfundur Landssambands slökkviliðs- og
sjúkraflutningamanna (LSOS) lýst yfir áhyggj-
um af neyðarviðbúnaði á vellinum. Segja þeir að
öryggisviðbúnaður Slökkviliðsins á Keflavíkur-
flugvelli hafi aldrei verið jafn lítill og nú. Öryggi
flugfarþega í neyð hafi farið úr því besta sem í
boði er í eitt það lélegasta.
Þegar Varnarliðið sá um völlinn var notaður
svokallaður NFPA-staðall að sögn Borgars Val-
geirssonar, formanns Félags slökkviliðsmanna á
Keflavíkurflugvelli. Staðallinn gerði m.a. ráð
fyrir tveimur slökkvistöðvum og þeirri starfs-
skyldu slökkviliðsmanna að fara inn í flugvélar
til bjargar farþegum.
„Nú eiga farþegar að koma sér út sjálfir með
hjálp flugfreyja,“ bendir Borgar á. Hann segir
að nú sé stuðst við lágmarskröfur Alþjóða-
flugmálastjórnar ICAO. Þar séu fáar skyldur
lagðar á herðar þeim sem reka flugvelli þótt á
hinn bóginn sé mælt með ýmsum öryggisþáttum.
Flugmálastjórn á Keflavíkurflugvelli segir
ásakanir LSOS rangar og að ekki hafi verið
dregið úr öryggiskröfum. Þvert á móti hafi við-
búnaður við hreinsun og hálkuvarnir á flug-
brautum verið aukinn. Þá hafi heldur engar
kvartanir borist frá flugrekendum né flugmönn-
um sem gefa tilefni til slíkra ásakana.
Sem fyrr sé völlurinn skilgreindur samkvæmt
staðli Alþjóðaflugmálastofnunarinnar þar sem
kveðið sé á um viðbrögð við slysi með ákveðnu
lágmarksmagni slökkviefna og þremur slökkvi-
bifreiðum. Ekki sé kveðið á um fjölda slökkvi-
liðsmanna.
Fjórar þrettán manna vaktir
Bent er á að í slökkviliðinu séu fjórar þrettán
manna vaktir sem þýðir að ávallt eru að lág-
marki tíu slökkviliðsmenn við störf á hverri vakt
auk símamanns. Einnig er bent á að rekstur
slökkviliðsins hafi breyst frá því að það tilheyrði
Varnarliðinu. Brunavarnir í fyrrum 5.000 manna
byggðarlagi Varnarliðsins hafi færst frá flug-
vallarslökkviliðinu til Brunavarna Suðurnesja og
allmargar herflugvélar, þ.m.t. orrustuþotur sem
þurftu mjög hátt þjónustustig, séu horfnar brott.
Bent er á að flugvellir af samsvarandi stærð
og með svipaða eða meiri flugvélaumferð í ná-
grannalöndunum hafa færri slökkviliðsmenn á
vakt en gerist á Keflavíkurflugvelli.
Hafa áhyggjur af öryggi
farþega á Keflavíkurvelli
Í HNOTSKURN
»Árlegur farþegafjöldi á Keflavíkur-flugvelli er um 2,2 milljónir farþega.
»Keflavíkurflugvöllur er starfrækturmeð starfsleyfi Flugmálastjórnar Ís-
lands sem setur flugöryggisstaðla, sam-
kvæmt lögum og alþjóðlegum skuldbind-
ingum og hefur eftirlit með að þeim sé
framfylgt.
»Að mati slökkviliðsmanna hefur öryggiflugfarþega í neyð farið úr því besta
sem í boði er í eitt það lélegasta.
Aldrei verið jafnlítill neyðarviðbúnaður og nú að mati uggandi slökkviliðsmanna
GLATT var á hjalla á aldarafmæli
Bergs G. Gíslasonar, eins af for-
ystumönnum Árvakurs á síðustu
öld, á heimili hans í gær. Af þessu
tilefni var útbúin bók með hundrað
krónupeningum fyrir afmælis-
barnið. Með honum á myndinni eru
Gerða Jónsson (t.v.), mágkona Ingi-
bjargar J. Gíslason, eiginkonu
Bergs, sem stendur við hlið hennar,
og Ása Gíslason, dóttir þeirra
hjóna. Hátt í hundrað manns fögn-
uðu afmælinu með Bergi á Lauf-
ásveginum og var margs að minn-
ast af viðburðaríkri ævi.
Faðir hans, Garðar Gíslason, var
einn af stofnendum Árvakurs 1919
og störfuðu feðgarnir samanlagt
með félaginu í tæp áttatíu ár, allt
þar til Bergur hætti í stjórn 1998,
en tók þar fyrst sæti árið 1942.
Bergur er einn af frumkvöðlum
flugs á Íslandi og fór 97 ára gamall
í útsýnisflug á svifflugu. Morgunblaðið/Kristinn
Litið yfir
farinn veg á
aldarafmæli
„ÞAÐ er verið að snúa út úr okkar
samtali,“ segir Geir H. Haarde for-
sætisráðherra, um bloggfærslu
Björns Inga Hrafnssonar borgarfull-
trúa, þess efnis að borgarstjóri hafi á
frægum kynningarfundi um samruna
REI og GGE í Stöðvarstjórahúsi OR
2. október sl. tilkynnt að samruninn
hefði þegar verið kynntur forsætis-
ráðherra og honum litist vel á.
„Ég tjái mig ekki um svona slúður,“
segir Geir. „Vilhjálmur greindi mér
lauslega frá því 28. september að í tal
hefði borist samstarf eða samruni
þessara fyrirtækja. Hann var ekki að
bera það undir mig eða ætlast til þess
að ég setti mig í dómarasæti yfir því
og var ekki með neina pappíra eða
neitt slíkt til kynningar. Þannig að
þetta var bara nefnt og ekki ætlast til
þess að ég gæfi nein sérstök viðbrögð
við því, enda hafði ég heldur engar
forsendur til þess,“ segir Geir.
Í samtali við Morgunblaðið stað-
festir Vilhjálmur Þ. Vilhjálmsson,
fyrrverandi borgarstjóri, frásögn for-
sætisráðherra af fundi þeirra tveggja.
„Ég sagði honum bara frá þessum
viðræðum og ekkert annað.“
Geir Haarde
samþykkti
ekki samruna
„ÞAÐ ER ekki á hverjum degi sem
manni er klappað lof í lófa,“ sagði Ax-
el Ingi Eiríksson flugmaður sem lenti
Fokker 50 flugvél Flugfélags Íslands
heilu og höldnu á Egilsstaðaflugvelli í
gærkvöldi á öðrum hreyfli vélarinnar.
Farþegar vélarinnar klöppuðu inni-
lega eftir að vélin var lent enda
heppnaðist lendingin sérlega vel.
Flugvélin fór í loftið frá Egilsstöð-
um um klukkan 20.30 með 38 farþega
en skömmu eftir flugtak missti vélin
olíuþrýsting á öðrum hreyfli. Axel
drap því á hreyflinum og sneri við.
„Þetta er það sem við erum þjálfaðir í
að gera og við áttum það langt eftir til
Reykjavíkur,“ segir Axel.
Um eiginlega bilun var að ræða og
greinilegan leka en lítil hætta var þó á
ferðum þar sem flugvélar af þessari
tegund eru byggðar til að geta flogið á
öðrum hreyflinum.
Ljósmynd/Aðalsteinn Sigurðsson
Lent Flugvélinni var lent á Egilsstöðum upp úr klukkan 21 í gærkvöldi.
Klöppuðu við lendingu