Morgunblaðið - 07.11.2007, Blaðsíða 26

26 MIÐVIKUDAGUR 7. NÓVEMBER 2007 MORGUNBLAÐIÐ
MINNINGAR
✝ Sigríður Krist-insdóttir fæddist
að Brekku í Grinda-
vík 20. apríl 1932.
Hún lést hinn 30.
október síðastliðinn.
Foreldrar hennar
voru Guðmundur
Kristinn Jónsson, f.
7. júní 1894, d. 11.
október 1981, og
Guðríður Péturs-
dóttir, f. 25. janúar
1903, d. 26. maí
1980. Systkini Sig-
ríðar eru Hildur, f.
8. nóvember 1926, og Guðmundur
Hermann, f. 21. ágúst 1928, d. 19.
janúar 1952. Uppeldisbróðir Sig-
ríðar var Guðmundur Kristjánsson,
f. 18. maí 1928, d. 27. júlí 2007.
Eiginmaður Sigríðar er Kristján
Gunnar Jóhannsson vélfræðingur,
f. í Reykjavík 1. júní 1931. Börn
Sigríðar af fyrra hjónabandi eru: 1)
Kristín Herdís, f. 5. janúar 1955.
Maki Jón Sigurðsson, börn þeirra
eru Guðmundur Kristinn og Davíð
Þór. 2) Brynja Kristín, f. 11. mars
1956, sonur hennar er Baldur Þór-
ir. 3 ) Hildur, f. 6.
október 1958. Maki
Jón, f. Sigurðsson,
börn þeirra eru Sig-
ríður og Jón Gauti. 4)
Þór, f. 13. júlí 1964.
Maki Birna Jóna Jó-
hannsdóttir, börn
þeirra eru Valgerður,
Björn Jón og Hall-
dóra.
Uppeldisbörn Sig-
ríðar og börn Krist-
jáns Gunnars eru: 1)
Elmar, f. 7. október
1964. Maki Margrét
Sigfúsdóttir, börn þeirra eru Ró-
bert Ómar, Telma Kolbrún og
Gunnar Mikael. 2) Kristján Gunnar,
f. 13. júní 1966. Maki Pálína Ragn-
hildur, börn þeirra eru Einar Orri,
Viktor Ingi og Alda Marín. 3) Dag-
mar, f. 18. nóvember 1973. Dóttir
hennar er Kolbrún Ýr. 4) Ómar
Ægir, f. 30. janúar 1959. Sigríður
og Kristján Gunnar eiga alls 5
barnabarnabörn.
Útför Sigríðar fer fram frá Ás-
kirkju í dag og hefst athöfnin
klukkan 15.
„Guðdómlegasta reynsla sem
nokkrum getur hlotnast er að heyra
rödd vináttunnar þegar neyðin
sverfur að“. Elsku mamma, þetta
sagðir þú við mig eitt sinn þegar ég
heimsótti þig í Sævó í veikindunum
þínum. Við lágum í hjónarúminu á
spjalli eins og svo oft áður. Þær voru
ófáar stundirnar sem við áttum sam-
an þar sem við hrúguðumst upp í
rúm til þín til að spjalla þegar þú
varst ekki nógu hress til að koma
fram. Stundum vorum við bara tvær
en það kom oft fyrir að við værum
mættar allar systurnar og röðuðum
okkur upp í rúmið til þín og kjöft-
uðum og hefðum það kósý saman.
Þetta voru góðar stundir og ómet-
anlegar.
Mamma mín, ég held þú hafir nú
haft gaman af því þegar við sátum
við rúmið hjá þér síðustu dagana og
skellibjöllurnar dætur þínar hlógu
og hlógu og litli bróðir bað okkur að
hafa hljótt. Þetta var svo dæmigert
fyrir okkur.
Hvílík hetja sem þú alltaf varst.
Kvartaðir aldrei og varst ætíð svo já-
kvæð, alveg sama hvað á þig var
lagt. Umhyggja þín fyrir fjölskyld-
unni var okkur óviðjafnanlegur fjár-
sjóður. Hamingja í faðmi fjölskyld-
unnar er mesta gleði sem lífið hefur
upp á að bjóða. Hlýja, ástúð, vinátta
og trygglyndi eru orð sem koma upp
í huga minn þegar ég hugsa um þig,
elsku mamma mín. Þú varst yndisleg
kona sem gott var að heimsækja.
Heimili ykkar Kristjáns í Sævó var
eiginlega fasti punkturinn í lífi okkar
allra. Við systur komum ósjaldan við
í bakaríinu á horninu áður en við
kíktum inn til þín, settumst svo við
eldhúsborðið og spjölluðum um hitt
og þetta á meðan við gæddum okkur
á bakkelsinu. Það verður skrítið að
hafa þig ekki lengur þar þegar við
komum.
Elsku Kristján, þú varst lottó-
vinningur okkar systkinanna. Þú
varst svo góður við hana mömmu og
hugsaðir svo endalaust vel um hana.
Missir þinn er mikill.
Mamma mín. Þú ert alltaf í huga
mér og þannig verður það alla tíð.
Gjafir þínar hafa ekki verið áþreif-
anlegir hlutir, heldur staðfesta þín,
hláturinn og áhuginn, allt gamanið,
samverustundirnar, skemmtunin,
lífsgleðin sjálf.
Við kveðjum þig með tregans þunga tár
sem tryggð og kærleik veittir liðin ár.
Þín fórnarlund var fagurt ævistarf
og frá þér eigum við hinn dýra arf.
Móðir, dóttir, minningin um þig
er mynd af því sem ástin lagði á sig.
(Guðrún Jóhannsdóttir)
Takk fyrir allt og allt.
Þín
Kristín.
Elsku mamma, þú ert búin að
heyja langa, harða og sársaukafulla
baráttu við krabbameinið. Vanmátt-
ug stöndum við frammi fyrir þessum
sjúkdómi. Það er mikil sorg og til-
finningastríð fyrir okkur öll, sem
komum að umönnun þinni, að verða
vitni að þinni hetjulegu og löngu bar-
áttu til hinstu stundar. Mamma,
þessi fallega og góða kona, er horfin
af sviðinu en hún mun ávallt standa
utan skugga fortíðarinnar og horfa
yfir hópinn sinn.
Hugur okkar reikar aftur í tím-
ann, alls staðar varst þú til staðar í
lífi okkar til að hjálpa okkur og ljóm-
aðir af gleði og ástúð. Mamma gekk
að öllum verkefnum af dugnaði og
myndarskap, heimilið var alltaf svo
fallegt og umfram allt notalegt.
Mamma fékk snemma á ævinni liða-
gigt, sem hún vissi að hún yrði að
búa við, umbera kvölina, halda
áfram að hugsa um heimilið sitt af
sama myndarskap og ávallt.
Góðviljinn og hjálpsemin var alltaf
til staðar hjá mömmu, hún var alltaf
tilbúin að rétta okkur hjálparhönd,
það þurfti ekki að biðja um hlutina,
hún sá alltaf fyrir hvar hún gat orðið
að liði. Það er alltaf stór stund í lífi
allra fjölskyldna þegar móðurkeðjan
brestur, hvað sem aldri líður, miðjan
í lífi okkar færist til.. Maður er ekki
Sigríður Kristinsdóttir
✝
Ástkær faðir okkar, tengdafaðir, afi og langafi,
PÁLL GUNNARSSON,
Vallartröð 12,
Kópavogi,
lést í Sunnuhlíð mánudaginn 5. nóvember.
Útför auglýst síðar.
Gunnar Hreindal,
Sigurbjörn Hreindal, Elsa Skarphéðinsdóttir,
Guðbjörg Hreindal,
Örn Hreindal,
barnabörn og barnabarnabörn.
✝
Ástkær móðir mín, tengdamóðir, amma og lang-
amma,
LILJA SIGURÐARDÓTTIR,
Hjúkrunarheimilinu Sólvangi,
áður til heimilis að
Álfaskeiði 64,
er látin.
Svava Jóhannsdóttir, Kjartan B. Ólafsson,
Elín Kjartansdóttir, Ingimar J. Þorvaldsson,
Jóhann Kjartansson,
Ólafur Kjartansson, Eva Dögg Guðmundsdóttir,
Lilja Ingimarsdóttir.
✝ SvanhildurMaríasdóttir
fæddist á bænum
Kjós í Grunnavík-
urhreppi í Jökul-
fjörðum hinn 28.
desember 1925.
Hún lést á
hjúkrunarheimilinu
Sólvangi í Hafn-
arfirði hinn 29.
október síðastlið-
inn. Hún var dóttir
Maríasar Þorvalds-
sonar, f. 13. maí
1895, d. 7. ágúst
1956, og Sigríðar Jónsdóttur, f.
26. apríl 1894, d. 20. september
1974.
Svanhildi varð sjö barna auðið.
Sonur hennar og Aðalsteins
Jochumssonar er Bæring Vagn,
f. 1949.
Svanhildur hóf sambúð með
Elíasi Guðbjarts-
syni í Bolungarvík
og eignuðust þau
sex börn, þau eru
Jónas Friðgeir, f.
1950, Viðar, f. 1952,
Hilmar, f. 1953,
Svanur Elí, f. 1959,
Selma Björk, f.
1961, og Halldór
Guðbjartur, f. 1965.
Svanhildur og
Elías slitu samvistir
1971 og flutti hún
þá til Hafnarfjarðar
og bjó þar alla tíð
síðan. Þar vann hún við hin ýmsu
störf, en mest á hjúkrunarheim-
ilum. Síðustu æviárin dvaldi hún
á Sólvangi í Hafnarfirði.
Útför Svanhildar verður gerð
frá Fríkirkjunni í Hafnarfirði í
dag og hefst athöfnin klukkan
13.
Hún mamma lést snemma á mánu-
dagsmorgni. Hún hefur viljað hafa
daginn og vikuna fyrir sér þegar hún
lagði í vegferðina miklu, ef ég þekkti
hana rétt.
Hún var búin að vera mikið lasin
alla vikuna áður, en hún náði að hvíl-
ast og sofa mest alla helgina. Ég var
svo heppinn að ég gat setið hjá henni
síðustu stundirnar ásamt konu minni
Sesselju.
Hún ólst að mestu upp hjá þeim
hjónum Bæringi Einarssyni og
Vagnfríði Vagnsdóttur i Grunnavík-
urhreppi. Hún kom til þeirra mjög
ung á bæinn, vegna veikinda móður
sinnar, og tóku þau hjónin strax ást-
fóstri við Svanhildi og hún ólst upp
hjá þeim, og börnum þeirra. Fólkið
flutti svo flest allt til Bolungarvíkur
þegar fram liðu stundir.
Við mamma, Selma, Svanur og
Hilmar flytjum til Hafnarfjarðar um
1971 og setjumst að á Krosseyrar-
vegi í tvílyftu timburhúsi. Þar ólst ég
upp fram á unglingsár, í vesturbæn-
um í Hafnarfirði. Og kynntumst við
þar fullt af frábæru fólki. Mamma
vann hin ýmsu störf, við fiskvinnslu á
Langeyri, í Norðurstjörnunni í nið-
ursuðu, á Jósepsspítala, á Vífilsstöð-
um, á Hrafnistu í Hafnarfirði og síð-
ast á Sólvangi í Hafnarfirði. Hún
kunni vel við sig á Langeyri og í
Norðurstjörnunni, en það var erfiðis-
vinna. Hjúkrunarheimilin áttu hug
hennar allan. Kunni hún ákaflega vel
við sig í umönnunarstörfum að sinna
sjúkum og öldruðum. Og segir það
meira en mörg orð um hana. Hún var
ákaflega vel liðin á þessum stöðum og
þótti dugleg með afbrigðum.
Mamma flytur þaðan á Álfaskeið
49 í Hafnarfirði 1981 ásamt mér og
Selmu Björk. Bjó hún þar allt til að
hún fer upp á Sólvang í Hafnarfirði
sem vistmaður. Hún kynntist í Hafn-
arfirði mörgu af góðu fólki, sumt sem
fallið er nú frá.
Hún var ákaflega heimakær og
hafði gaman af að fá fólk í heimsókn
til að gefa kaffi og með því, og spjalla
um lífið og tilveruna. Komum við þar
oft, ég og mín fjölskylda og hafði hún
gaman að segja sögur frá því í gamla
daga.
Hún kunni alltaf ákaflega vel við
sig í Hafnarfirði, og vildi hvergi ann-
ars staðar búa í seinni tíð. Kannski
vegna þess að bærinn og bæjarbrag-
urinn minnti hana á árin vestur á
fjörðum. Ég veit að hugur hennar var
oft fyrir vestan. Vil ég biðja fyrir
kærar kveðjur til allra vina og ætt-
ingja í Bolungarvík, sem og annars
staðar.
Mamma fer upp á Sólvang árið
2004 eftir veikindi á Jósepsspítala. Á
Sólvangi naut hún frábærrar að-
hlynningar allt þar til yfir lauk.
Mamma fór oft heim á Álfaskeið frá
Sólvangi, og svaf eina og eina nótt
heima hjá sér, þangað til heilsan
leyfði það ekki lengur. Henni fannst
þetta oft óþarfa fyrirhöfn að láta
stjana svona við sig á Sólvangi.
Vil ég nota tækifærið og þakka öll-
um á Sólvangi á annarri hæðinni, fyr-
ir frábæra umönnun móður minnar.
Vertu, Guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni.
(Hallgrímur Pétursson.)
Kæra mamma, takk fyrir allar
góðu stundirnar og góðu ráðin.
Þinn sonur,
Halldór Guðbjartur Elíasson
Svanhildur
Maríasdóttir
Englasteinar
Helluhrauni 10
Sími 565 2566 - www.englasteinar.is
Fallegir legsteinar
á góðu verði
✝
Elskulegur faðir minn, bróðir okkar, vinur og afi,
JÓN ÓSKARSSON
frá Þórshöfn,
búsettur á Höfn,
lést á Landspítalanum við Hringbraut 4. nóvember.
Jarðarförin fer fram frá Keflavíkurkirkju föstudaginn
9. nóvember kl. 14.00
Fyrir hönd aðstandenda,
Freyr Jónsson Onryd.
✝
Elskuleg eiginkona mín og móðir okkar,
tengdamóðir, amma og langamma,
ANNA HATLEMARK
til heimilis að Nesbala 68,
Seltjarnarnesi,
lést á Hjúkrunarheimilinu Eir föstudaginn
2. nóvember.
Útförin fer fram í Neskirkju fimmtudaginn
8. nóvember kl. 15.00.
Ragnar Aðalsteinsson,
Steinn Ragnarsson, Laura Ortiz,
Geir Ragnarsson,
Ívar Ragnarsson,
Margrét Ragnarsdóttir, Sverrir Hreiðarsson,
Sólveig Ragnarsdóttir, Magnús Magnússon,
Cécile Parcillié, Guðmundur Kristjánsson,
barnabörn og langömmubörn.
✝
Elskuleg móðir okkar,
STEINGERÐUR JÚLÍANA JÓSAVINSDÓTTIR,
Brakanda,
Hörgárbyggð,
sem lést á Dvalarheimilinu Hlíð að morgni 31. októ-
ber, verður jarðsungin frá Möðruvöllum í Hörgárdal
laugardaginn 10. nóvember kl. 14:00.
Þeim sem vildu minnast hennar er bent á að láta
Dvalarheimilið Hlíð eða aðrar líknarstofnanir njóta
þess.
Börn hennar og aðrir aðstandendur.