Morgunblaðið - 07.11.2007, Blaðsíða 23
MORGUNBLAÐIÐ MIÐVIKUDAGUR 7. NÓVEMBER 2007 23
að koma sýningunni upp á réttum
tíma. „Þetta var alveg á mörkunum
að þetta myndi klárast, en það
hafðist,“ segir Ragna.
Hugmyndir á færibandi
Hjónin í Safni voru vinafólk Birgis í
áraraðir. Þau sakna ekki bara vinar
síns, heldur líka mikilhæfs lista-
manns sem átti margt eftir ógert í
myndlistinni. „Hann var með svo
ofboðslega margar hugmyndir, al-
veg hreint á færibandi, það var svo
margt sem hann átti eftir að gera,“
segir Pétur. Síðustu vikurnar
fannst honum talsvert af honum
dregið. „Hann Biggi var alltaf að
vinna, ég hef aldrei kynnst neinu í
líkingu við þetta. Þessi flottu verk,
alltaf nýjar hugmyndir, hann var
alltaf vinnandi. Hann var að gera
ný verk fram á allra síðustu dagana
sem hann lifði,“ segir Pétur.
Ragna segist ekki mega hugsa til
þess ef sýningin hefði ekki komist
upp, eftir þann langa aðdraganda
sem hún átti. „Það var ofsalega
gaman að vinna þetta og gott að
hafa eitthvað eftir hann hérna
núna.“
Ljósmynd/Sigfús Már Pétursson
er textaverk Birgis sem sækir efni í gamla lýsingu á Kötlugosi.
na í Safni þegar tveir dagar voru enn í opnun
var enn eftir ógert.
„Eilífu gosi“
Eftir Andra Karl
andri@mbl.is
„EF EINHVER hefur í rauninni
axlað pólitíska ábyrgð í þessu máli
þá er það sá sem hér stendur, vegna
þess að hann sleit meirihlutanum á
grundvelli hugsunar sinnar í þessu
máli,“ sagði Björn Ingi Hrafnsson,
borgarfulltrúi Framsóknarflokks-
ins, á fundi borgarstjórnar Reykja-
víkur í gærdag. Björn Ingi lét orðin
falla í umræðum um samrunaferli
Reykjavík Energy Invest og Geysir
Green Energy, sem stóðu yfir í um
þrjár klukkustundir, og uppskar
frammíköll borgarfulltrúa sjálf-
stæðismanna að launum.
Hanna Birna Kristjánsdóttir,
borgarfulltrúi Sjálfstæðisflokks,
kom raunar upp í pontu í kjölfarið
og átaldi Björn Inga. „Hann segist
axla ábyrgð með því að sprengja
meirihlutann. Hann sprengdi meiri-
hlutann vegna þess að við vorum
ekki til í þessa vegferð með honum
og borgarfulltrúinn, sem hefur
hvorki meira né minna en 5% at-
kvæða að baki sér, kaus að setja öll
önnur góðu verkefnin á „hold“,
setja þau í frestun.“
Siðferðilegt og pólitískt strand
Umræðurnar um REI-málið
voru snarpar og hófust með fram-
sögu Svandísar Svavarsdóttur. Hún
hefur sem kunnugt er sinnt for-
mennsku stýrihópsins um samruna
REI og GGE og hóf ræðu sína á því
að gera grein fyrir fyrstu niðurstöð-
um hópsins. Þá rakti hún sín eigin
sjónarmið í málinu og sagði m.a. að
sér litist vel á að þekking starfs-
manna Orkuveitu Reykjavíkur
nýttist á alþjóðlegum grundvelli,
s.s. í gegnum REI. Það starf og
ákvarðanir sem teknar eru þurfa
hins vegar að fylgja föstum, skýrum
og gagnsæjum reglum.
„Ég teldi réttilegt að REI beitti
tækniþekkingu sinni í samvinnu við
aðstoð Íslands við þróunarlöndin
með skipulegum hætti og tel að það
mál ætti að skoða sérstaklega. Ég
er með öðrum orðum ekki með
milljarðaglampa í augunum sem
sést hefur í augnkrókum sumra
stjórnmálamanna í þessari um-
ræðu,“ sagði Svandís en nefndi eng-
in nöfn.
Svandís lýsti stöðu mála þannig
að nú væri staðið í miðjum brim-
garðinum en sæist þó til lands. Hún
sagði blasa við að reynt hefði verið
að gera forréttindasamninga við
tugi einstaklinga, reynt að sameina
REI einu tilteknu íslensku félagi án
þess að gefa öðrum kost á að vera
samferða og gerður hefði verið 20
ára samningur við eitt fyrirtæki.
Þetta hefði allt verið stoppað og nú
væri skipið kyrrt. Hins vegar þyrfti
að ná samkomulagi um stefnuna áð-
ur en lengra væri haldið. „Skipið
REI var að mínu mati í þann veginn
að sigla upp á sker; strand blasti við
– siðferðilegt og pólitískt strand.“
Ljóminn í augum Björns Inga
Borgarfulltrúar Sjálfstæðis-
flokks hrósuðu margir hverjir ræðu
Svandísar og þætti hennar í málinu
öllu. Mörg þeirra gripu á lofti orða-
lag Svandísar um að skipið REI
hefði stefnt í siðferðilegt og póli-
tískt strand og heimfærðu upp á
borgarfulltrúa framsóknarmanna.
Föstum skotum var leynt og ljóst
skotið í átt að honum og m.a. sagði
Hanna Birna að hún hefði aldrei séð
annan eins ljóma í augum Björns
Inga og þegar hann hélt að hann
væri að grípa gullgæsina í útlönd-
um. „Ég fyllist vonbrigðum og
vantrú á stjórnmálin þegar ég sé
menn eins og Össur Skarphéðins-
son, Dag B. Eggertsson, Björn
Inga Hrafnsson og fleiri fyllast ein-
hverjum ljóma þegar þeir halda að
þeir eigi einhver viðskiptatækifæri.
Ég hef aldrei séð sama ljómann í
sem við nálgumst óðfluga í þessari
vinnu. Þessir hlutir gerðust ekki af
sjálfu sér og það voru menn sem
vissu allan tímann hvert var stefnt.“
Við það bætti Gísli að það væru
menn sem vildu að sama stefna yrði
tekin þrátt fyrir að fundurinn yrði
dæmdur ólögmætur. „Eins og heyr-
ist af ítrekuðum frammíköllum í
salnum er einn maður sem er ósátt-
ur við þessa nýju stefnu. Mér segir
svo hugur að hann muni ekki við-
urkenna það hér í pontu – en við vit-
um öll betur.“
Svikabrigsl, ásakanir,
dylgjur og ærumeiðingar
Björn Ingi kom svo sjálfur upp í
pontu, sagði stór orð hafa verið lát-
in falla í sinn garð og oddvita sjálf-
stæðismanna í borgarstjórn. Hann
sagði því að það væri án efa fróðlegt
fyrir Vilhjálm Þ. Vilhjálmsson að
lesa hvað fram hefði farið í borg-
arstjórn því langt væri síðan önnur
eins svikabrigsl, ásakanir, dylgjur
og ærumeiðingar hefðu komið fram
í borgarstjórn. „Í fyrsta sinn í Ís-
landssögunni hefur komið í ljós að
tiltekinn stjórnmálamaður á Ís-
landi, hefur í krafti varafor-
mennsku sinnar í fyrirtæki algjör-
lega ráðið ferðinni síðastliðið eitt og
hálft ár, vafið stærsta stjórnmála-
flokki þjóðarinnar um fingur sér og
beitt hann blekkingum. […] Yfirlýs-
ingarnar eru með þeim eindæmum
að freistandi er að láta [borgarfull-
trúa Sjálfstæðisflokks] standa við
stóru orðin.“
Björn Ingi velti einnig fyrir sér
sinnaskiptum sjálfstæðismanna í
REI-málinu og útrásinni og hverju
þau skiptu. Meðal annars las hann
upp úr landsfundarsamþykkt Sjálf-
stæðisflokksins og vitnaði í Geir H.
Haarde forsætisráðherra á þingi
nýverið og sagðist merkja að Sjálf-
stæðisflokkurinn styddi eindregið
útrás orkufyrirtækja. Því næst vís-
aði hann í orð Davíðs Oddssonar
sem hann lét falla á fundi viðskipta-
ráðs Íslands í gærmorgun og sagði
þar kveða við nýjan tón. „Þetta eru
allt önnur sjónarmið en Geir H.
Haarde forsætisráðherra viðhafði á
þinginu í gær, allt önnur sjónarmið
en landsfundur Sjálfstæðisflokks-
ins ályktaði um fyrir stuttu. Þetta
er allt annað en er í stjórnarsátta-
mála ríkisstjórnarinnar en þetta
rímar algjörlega við málflutning
sexmenninganna á ákveðnum tíma-
punkti. Maður veltir fyrir sér hvort
hér sé ef til vill byltingarforinginn
fundinn.“
augum Björns Inga Hrafnssonar
þegar hann talar um hagsmuni
borgarbúa, þegar hann talar um
menntakerfið, leikskólana og skyld-
ur gagnvart íbúum Reykjavíkur.“
Hanna Birna sagði jafnframt að
umræðum um REI væri hvergi
nærri lokið, heldur aðeins einni að-
gerð. Hún sagði afar athyglisvert
starf fara fram í stýrihópnum um
samrunann. „Ég vil ekki segja að
það hafi verið ánægjulegt starf en
frekar starf sem vakið hefur okkur
til mikillar umhugsunar.“ Hanna
Birna lá ekki á þeirri skoðun sinni
að menn ættu að axla ábyrgð í mál-
inu og er sannfærð um það, miðað
við þau gögn sem hún hefur séð, að
vinna hópsins geti leitt til alvarlegr-
ar niðurstöðu.
Óskuðu eftir leiðsögn frá
umboðsmanni Alþingis
Gísli Marteinn Baldursson, borg-
arfulltrúi Sjálfstæðisflokks, kvaddi
sér einnig hljóðs en hann hefur
einnig unnið með stýrihópnum.
Hann las upp af minnisblaði Björns
Inga frá frægum sáttarfundi meiri-
hlutans. „Verði eigendafundurinn
af einhverjum ástæðum dæmdur
ólögmætur, verði boðað til hans aft-
ur og þá muni fulltrúar Reykjavík-
ur styðja samrunann aftur. […]
Með öðrum orðum; höldum áfram
[stefnunni] sem sett hefur verið og
að mati Svandísar Svavarsdóttur
borgarfulltrúa ber okkur í átt að
siðferðilegu og pólitísku skips-
broti.“
Síðar tók Gísli hálfpartinn undir
orð Hönnu Birnu þegar hann sagði
svo ótrúlega margar kytrur í mál-
inu að aðeins örfáar hafi enn verið
nefndar. „Það er öllum ljóst að jafn-
ræðisregla stjórnarskrárinnar var
ekki í hávegum höfð í þessu ferli
öllu. Var hún jafnvel brotin þegar
einum kaupsýslumanni var hleypt
að REI og honum leyft að koma inn
með sína aura. Var hún jafnvel
brotin þegar einu fyrirtæki var
hleypt að borðinu og ákveðið að
renna saman við það. […] Þetta eru
spurningar sem við viljum að verði
svarað,“ sagði Gísli og bætti við að
fulltrúar Sjálfstæðisflokks hefðu
lagt til að umboðsmaður Alþingis
yrði fenginn á fund stýrihópsins til
að veita ákveðna leiðsögn við það.
Hann sagði jafnframt að algjör-
lega nauðsynlegt væri að gera
stjórnsýsluúttekt til að komast að
því hvort lög hefðu verið brotin í
ferlinu og hver bæri á því ábyrgð.
„Vegna þess að ábyrgð er hugtak
Axlaði ábyrgð með
meirihlutaslitum
Líflegar umræður um REI-málið fóru fram í borgarstjórn
Svandís
Svavarsdóttir
Björn Ingi
Hrafnsson
Gísli Marteinn
Baldursson
Hanna Birna
Kristjánsdóttir
DAGUR B. Eggertsson borgarstjóri hafði sig lítið frammi á fundi borg-
arstjórnar í gær, þ.e. þegar rætt var um REI-málið. Þó steig hann einu
sinni í pontu, til að svara Hönnu Birnu Kristjánsdóttur.
Hanna Birna hafði þá vitnað til orða borgarstjóra sem sagði fyrir
tveimur vikum að mikilvægt væri að endurvinna traust og trúnað borg-
arbúa og að REI-málið hefði sýnt hversu mikilvægt væri að sýna lýðræð-
isleg vinnubrögð. Þetta þótti Hönnu Birnu ekki fara saman við vinnu-
brögð meirihlutans á undanförnum vikum. Sem dæmi nefndi hún að svör
borgarlögmanns til umboðsmanns Alþingis vegna samruna REI og GGE
hefðu ekki verið borin undir borgarfulltrúa. Borgarráð hefði jú verið
kallað saman af minna tilefni.
Borgarstjóri svaraði því til að hann hefði staðið frammi fyrir tveimur
vondum kostum, að fara fram yfir frest umboðsmanns eða að borgar-
fulltrúar sæju ekki svörin. Eftir á að hyggja þykir Degi að það hefði ver-
ið heillavænlegra að kalla borgarráð saman til aukafundar.
Heillavænlegra að kalla borg-
arráð saman til aukafundar