Morgunblaðið - 07.11.2007, Blaðsíða 30

30 MIÐVIKUDAGUR 7. NÓVEMBER 2007 MORGUNBLAÐIÐ
MINNINGAR
Elskulegur bróðir
minn og vinur Árni
Friðfinnsson lést 28.
október sl.
Við vorum sex systkinin frá Húsa-
felli í Hafnarfirði. Þrír bræður eldri
og þrjár systur yngri og var Árni
elstur okkar systkinanna og kjölfest-
an í lífi mínu frá því að ég man fyrst
eftir mér. Hann var sá sem aldrei
brást. Heill og heiðarlegur fram í
fingurgóma. Árni hafði unun af söng
og tónlist og byrjaði ungur að syngja
með karlakórnum Þröstum í Hafn-
arfirði. Þó að ég væri bara lítil telpa í
grunnskóla sá Árni til þess að ég
fengi alltaf að fara með honum á ár-
Árni Friðfinnsson
✝ Árni Friðfinns-son fæddist í
Brekkugötu 25 í
Hafnarfirði 22.
ágúst 1927. Hann
lést á Landspítal-
anum við Hring-
braut 28. október
síðastliðinn og var
útför hans gerð frá
Fríkirkjunni í Hafn-
arfirði 5. nóvember.
legar söngskemmtanir
Þrasta í Bæjarbíói.
Hann stofnaði einnig
kvartett með frænda
sínum Árna Gunn-
laugssyni og fleirum
og sungu þeir á ýms-
um skemmtunum í
Firðinum og spilaði ég
oft undir hjá Árna á pí-
anóið þegar hann æfði
sig heima.
Ungur heillaðist
Árni af sjónum þó að
hann gerðist ekki sjó-
maður. Hann átti góða
báta um árabil og eftir einni ferð
man ég meðan ég lifi. Hann bauð föð-
ur okkar og mér með sér í siglingu
meðfram Vatnsleysuströndinni. Við
stoppuðum, fórum í land og borðuð-
um nestið okkar á steinunum við sjó-
inn. Þessi stund er greypt í minni
mitt. Blæjalogn var og glampandi
sólskin, fuglarnir syntu á spegilslétt-
um sjónum og alger þögn og ró ríkti.
Við urðum uppljómuð af fegurð og
friði náttúrunnar, runnum eiginlega
saman við hana.
Stundum bauð ég Árna sem mín-
um herra á skólaböll. Vinkonur mín-
ar litu hann heldur betur hýru auga
og engin furða því hann var fjall-
myndarlegur. En Árna lá ekkert á,
hann var að bíða eftir hinni einu
réttu. Og það kom að því að þau hitt-
ust. Einn daginn fréttist það að Árni
væri að skjóta rjúpu með ungri konu
upp um fjöll og firnindi. Þessi unga
kona var hún Elín Eggertz. Þau féllu
undir eins hvort fyrir öðru, giftu sig
og hófu sambúð í húsinu hans Árna
við Sundhöllina sem hann hafði
byggt um tvítugt að mestu leyti
sjálfur án þess að taka eyris lán.
Þau eignuðust yndislega dóttur,
Elínu, sem á fjögur afar mannvæn-
leg börn, tvo drengi og tvær stúlkur,
sem öll voru svo sannarlega auga-
steinar afa síns og stolt hans. Árni og
Elín voru sérstaklega myndarleg
hjón svo eftir var tekið, há, grönn og
tignarleg. En þau voru fögur jafnt
ytra sem innra. Svo samhentum
hjónum hef ég aldrei kynnst. Ég
held að aðalástæða þess hafi verið
góðvild þeirra og umhyggja fyrir
öðrum og fjölmargir hafa notið
hjálpsemi þeirra og alúðar í gegnum
tíðina. Við fjölskyldan mín höfum
ekki farið varhluta af því. Þau héldu
brúðkaupsveisluna fyrir okkur
Hrein og þegar við misstum frum-
burð okkar, lítinn dreng í fæðingu
upplifðum við slíkan kærleik og nær-
gætni hjá þeim hjónum sem aldrei
gleymist. Alltaf gátum við Hreinn
leitað til þeirra og svo þegar ég
missti Hrein fyrir sex árum hafa þau
hjón gætt þess að sleppa hvorki
hendinni af mér né börnunum mín-
um en fylgdust með okkur af alúð og
nærfærni. Síðustu árin hefur Árni
átt við veikindi að stríða og hefur El-
ín umvafið hann ástúð og umhyggju
ásamt dóttur þeirra, tengdasyni og
barnabörnunum fjórum. Megi Guð
blessa Árna bróður minn á nýjum
slóðum og styðja fjölskyldu hans í
þeirra sorg og mikla missi.
Helga systir.
Með Árna frænda mínum hverfur
af sjónarsviði einn af bestu sonum
Hafnarfjarðar, vandaður og mikils-
virtur. Allt hans líf mótaðist af heið-
arleika, hjálpfýsi, hógværð, reglu-
semi og skyldurækni. Hann ávann
sér traust og virðingu allra, sem hon-
um kynntust og nutu hans miklu
mannkosta.
Það var eitt mitt mesta lán í lífinu,
þegar Árni varð við tilmælum mín-
um að koma til starfa á lögmanns-
stofu minni og fasteignasölu í árs-
byrjun 1961, en Árna hafði þá boðist
góð staða hjá hinu opinbera. Í 40 ár
unnum við saman á skrifstofunni.
Betri starfsfélaga og þægilegri í öll-
um samskiptum var ekki hægt að
hugsa sér. Skyldurækni hans var
einstök og stundvísin óbrigðul.
Vandvirknin og nákvæmnin svo mik-
il að ekki mátti skakka eyri í bók-
haldinu. Villuna varð að finna, áður
en heim var haldið.
Árni var mjög duglegur og ósér-
hlífinn við alla vinnu. Fór orð af því,
hve afkastamikill hann var strax á
unglingsárum við múrverk og önnur
störf. Hann sýndi fádæma elju við að
byggja sitt veglega hús við Herjólfs-
götu, en þar hefur snyrtimennska
alltaf verið í hávegum höfð. Árni tók
aldrei lán á lífsleiðinni. Hann var
mjög hagsýnn og forsjáll og vildi
hafa reglu á öllum hlutum, enda eft-
irsóttur til starfa við endurskoðun.
Alla tíð var Árni einlægur bindind-
ismaður og tók ákveðna afstöðu
gegn allri áfengisdýrkun. Alltaf var
hann reiðubúinn til hjálpar og ráð-
gjafar. Hann náði mjög góðum
námsárangri í skólum, enda einbeitt-
ur og samviskusamur í öllu, sem
hann tók að sér.
Árni tók virkan þátt í starfi Félags
óháðra borgara við mikið traust fé-
lagsmanna þau 20 ár sem félagið átti
farsæla aðild að stjórn Hafnarfjarð-
arbæjar. Eftir prófkjör 1970 hefði
Árni átt að skipa eitt af efstu sætum
framboðslista félagsins en ákvað að
eigin óska að víkja úr því sæti fyrir
öðrum.
Við frændurnir áttum ýmis sam-
eiginleg áhugamál. Báðir stunduðum
við frjálsar íþróttir á yngri árum og
náði Árni þar góðum árangri, eink-
um í hlaupum og kúluvarpi. Iðkun
söngs var okkur alltaf hugleikin og
rifjuðum við oft upp endurminningar
frá söngárunum, þegar við sungum
saman Glúntana og önnur tvísöngs-
lög og vorum félagar í Áttmenning-
unum og Karlakórnum Þröstum, en
Árni hafði djúpa og fallega bassa-
rödd.
Árni sagði skemmtilega frá og var
stálminnugur um liðna tíma allt frá
bernskuárum. Heimsóknir til þeirra
hjóna, Árna og hans elskulegu og
góðu eiginkonu, Elínar, geymi ég í
sjóði minna bestu endurminninga.
Megi björt minningin um Árna
frænda minn verða mér og öðrum
leiðarljós á lífsleiðinni.
Sem hinstu kveðju geri ég að mín-
um eftirfarandi orð afa okkar, séra
Árna Björnssonar, við gröf mikils-
virts sómamanns:
Hvíl í ró
eftir dáðríkt dagsverk unnið
og dyggðum helgað lífsskeið runnið
Hvíl í ró.
Guð blessi minningu míns kæra
frænda.
Árni Gunnlaugsson.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
Grátnir til grafar
göngum vér nú héðan,
fylgjum þér, vinur. Far vel á braut.
Guð oss það gefi,
glaðir vér megum
þér síðar fylgja’ í friðarskaut.
(Valdimar Briem)
Við systkinin viljum þakka ást-
kærum móðurbróður okkar, Árna,
trausta og trygga vináttu. Árni var
heilsteyptur maður sem alltaf stóð
við orð sín og loforð. Hann neitaði
aldrei um hjálp þegar til hans var
leitað, hann bauð frekar aðstoð sína
að fyrra bragði þegar erfiðleikar
steðjuðu að hjá náunganum. Árni var
drengur góður og breytti svo sann-
arlega eftir orðunum; Við komum
fram við aðra, eins og við viljum að
þeir komi fram við okkur. Við send-
um Elínu konu hans, Elínu dóttur
hans, Stefáni tengdasyni hans og
barnabörnunum okkar innilegustu
samúðarkveðjur og biðjum góðan
Guð að styrkja þau í sorg þeirra.
Friðfinnur og Elín.
Fundir/Mannfagnaðir
Sjálfstæðisfélag
Álftaness
Aðalfundur
Aðalfundur Sjálfstæðisfélags Álftaness verður
haldinn miðvikudaginn
14. nóvember kl. 20.00
í sal Álftanesskóla.
Dagskrá;
 Venjuleg aðalfundarstörf
 Önnur mál.
Gestur fundarins verður
Þorgerður Katrín Gunnarsdóttir varaformaður
Sjálfstæðisflokksins og menntamálaráðherra.
Stjórn Sjálfstæðisfélags Álftaness
Bátar/Skip
Til sölu dráttarbátur
Hafnsögu- og dráttarbátur Þorlákshafnar, Latur,
áður Ölver, ssknr. 2219. Báturinn er stálbátu,
26.8 brl., ml: 15.92 m, b: 4.25 m, d: 2.2 m.
Smíðaður hjá Damen í Hollandi 1972.
Vél Caterpillar, árgerð 1989, 408 hö, 300 kw,
keyrslutími 3400 klst. Báturinn er nýskoðaður
og almálaður með gilt haffærisskírteini.
Tilboð óskast í bátinn í núverandi ástandi.
Tilboðum skal skilað til: Hafnarsjóðs
Þorlákshafnar, Óseyrarbraut 2, 815 Þorlákshöfn
eða á póstfangið hofn@olfus.is fyrir kl. 11.00
miðvikudaginn 14. nóvember n.k.
Nánari upplýsingar veitir hafnarstjórinn í
Þorlákshöfn, gsm 892 1528.
✝
Móðir okkar, tengdamóðir, amma, langamma og
systir,
HULDA REYNHLÍÐ JÖRUNDSDÓTTIR
frá Vestmannaeyjum,
sem lést fimmtudaginn 1. nóvember, verður
jarðsungin frá Fossvogskirkju föstudaginn 9.
nóvember kl. 15.00.
Björg Sigurðardóttir, Hallgrímur Valdimarsson,
Inga Jóna Sigurðardóttir, Sævar G. Proppé,
Guðlaugur Sigurðsson, Kristrún O. Stephensen,
barnabörn, systkini og fjölskyldur þeirra.
✝
Ástkær eiginmaður minn, faðir okkar, tengdafaðir,
afi og langafi,
GYLFI KRISTJÁNSSON
blaðamaður,
Steinahlíð 5h,
Akureyri,
verður jarðsunginn frá Akureyrarkirkju fimmtudaginn
8. nóvember kl. 11.00.
Birna Blöndal,
börn, tengdabörn,
barnabörn og barnabarnabarn.
✝
Innilegar þakkir fyrir auðsýnda samúð og hlýhug
við andlát og útför eiginkonu minnar, móður okkar,
tengdamóður, ömmu og systur,
GUÐRÚNAR MUNDU GÍSLADÓTTUR,
Drápuhlíð 45,
Reykjavík.
Jón S. Guðmundsson,
Ólafur Gísli Jónsson, Þórhalla Eggertsdóttir,
Guðrún Vigdís Jónsdóttir, Gunnar Thors,
Auðunn Örn Jónsson, Karen Guðmundsdóttir,
Guðríður Kristín Jónsdóttir,
Sigríður K. Gísladóttir,
og barnabörn.
✝
Elskulegur faðir minn, afi og langafi,
STEINARR KRISTJÁNSSON
fyrrv. skipstjóri,
lést á Hrafnistu í Reykjavík sunnudaginn
4. nóvember.
Útförin fer fram frá Bústaðakirkju föstudaginn
9. nóvember kl. 11.00.
Þórunn Júlía Steinarsdóttir,
Steinarr Kristján Ómarsson, Úlfhildur Ösp Ingólfsdóttir,
Jónas Sveinn Hauksson, Sandy Nausch,
Helena Júlía Steinarsdóttir.
Morgunblaðið birtir minningar-
greinar alla útgáfudagana.
Skilafrestur | Ef birta á minningar-
grein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er á
mánudegi eða þriðjudegi). Ef útför
hefur farið fram eða grein berst ekki
innan hins tiltekna skilafrests er
ekki unnt að lofa ákveðnum birting-
ardegi. Þar sem pláss er takmarkað
getur birting dregist, enda þótt
grein berist áður en skilafrestur
rennur út.
Myndir | Ef mynd hefur birst í til-
kynningu er hún sjálfkrafa notuð
með minningargrein nema beðið sé
um annað. Ef nota á nýja mynd er
ráðlegt að senda hana á mynda-
móttöku: pix@mbl.is og láta um-
sjónarmenn minningargreina vita.
Minningargreinar