Morgunblaðið - 07.11.2007, Blaðsíða 17
MORGUNBLAÐIÐ MIÐVIKUDAGUR 7. NÓVEMBER 2007 17
LANDIÐ
Borgarbyggð | Reiðhöllin í Vindási
ehf. og Golfklúbbur Borgarness
fengu hæstu styrkina úr Hornstein-
inum, nýjum styrktarsjóði Spari-
sjóðs Mýrasýslu, 15 milljónir hvort
félag. Styrkirnir ganga til bygg-
ingar reiðhallar í Vindási við Borg-
arnes og tækjakaupa, vallarfram-
kvæmda og undirbúnings að
byggingu tækjageymslu á fé-
lagssvæði Golfklúbbsins á Hamri
við Borgarnes.
Hornsteinninn var stofnaður með
50 milljóna króna framlagi í byrjun
ársins. Við þessa fyrstu úthlutun
bárust 46 umsóknir um styrki sam-
tals að fjárhæð yfir 150 milljónum
króna. Stjórn sjóðsins ákvað að
styrkja tíu verkefni með frá einni
og upp í fimmtán milljónir hvert,
eða alls um 49 milljónir kr.
Önnur verkefni sem hlutu styrki
eru á vegum Fólkvangsins í Ein-
kunnum, Landnámsseturs Íslands,
Snorrastofu, Tónlistarskóla Borg-
arfjarðar, IsNord, Veiðifélags
Borgarfjarðar, Grunnskóla Borg-
arbyggðar og UMSB.
Hornsteinar Tíu verkefni fengu stuðning úr nýjum styrktarsjóði Spari-
sjóðs Mýrasýslu. Hér eru fulltrúar þeirra ásamt stjórnendum SPM.
Bæta aðstöðu kylf-
inga og hestamanna
Eftir Óla Má Aronsson
Hella | Tekin hefur verið fyrsta
skóflustunga að reiðhöll á Gaddstaða-
flötum við Hellu. Þar með eru hafnar
framkvæmdir við langþráðan áfanga
að uppbyggingu hestaíþróttasvæðis-
ins sem hefur verið vettvangur
margra landsmóta og fjórðungsmóta í
gegnum tíðina að ógleymdum minni
viðburðum á þessu sviði.
Heiðurs- og stofnfélagar í Hesta-
mannafélaginu Geysi, Árni Jóhanns-
son bóndi á Teigi í Fljótshlíð og Sig-
urður Karlsson á Hellu, tóku fyrstu
skóflustunguna. Þeir hafa löngum
verið hvatamenn að uppbyggingu að-
stöðu á Gaddstaðaflötum til iðkunar
hestaíþrótta.
Tilbúin fyrir landsmót
Að byggingunni stendur Rangár-
höllin ehf. Hluthafar í Rangárhöllinni
ehf. eru Hestamiðstöð Suðurlands
ehf., Hestamannafélagið Geysir í
Rangárvallasýslu og sveitarfélögin í
Rangárvallasýslu þ.e. Ásahreppur,
Rangárþing eystra og Rangárþing
ytra.
Reiðhöllin sem slík verður 26 m
breið og 79 m löng, eða rúmir 2.000
fermetrar. Að auki er 240 fermetra
anddyri og móttaka. Um er að ræða
stálgrindarhús sem keypt er af
Landstólpa ehf. í Gunnbjarnarholti í
Árnessýslu sem jafnframt sér um
uppsetningu hússins. Árni Pálsson
vélaverktaki sér um jarðvinnuna.
Gert er ráð fyrir að 1. áfangi fram-
kvæmdarinnar kosti um 167 milljónir
kr. Innifalið í þeim áfanga er húsið
uppkomið og uppsteypt áhorfenda-
stæði fyrir rúmlega 200 manns auk
snyrtinga. Fjármögnun þessa áfanga
er langt komin en er ekki lokið að
fullu.
Reiðhöllin, þ.e. umræddur 1.
áfangi, á að vera tilbúinn til notkunar
á Landsmóti hestamanna sem hefst í
lok júní 2008 á Gaddstaðaflötum. Þess
má einnig geta að Landbúnaðarsýn-
ing á vegum Búnaðarsambands Suð-
urlands mun verða haldin á Gadd-
staðaflötum í endaðan ágúst 2008, en
þá verða liðin 100 ár frá stofnun sam-
bandsins. Þar mun reiðhöllin gegna
lykilhlutverki.
Ljóst er að með tilkomu reiðhall-
arinnar mun svæðið á Gaddstaðaflöt-
um taka forystu á landsvísu, hvað
varðar aðstöðu til hestamennsku og
einnig verður þar kjöraðstaða til sýn-
ingarhalds almennt.
Byggja reiðhöll á
Gaddstaðaflötum
Morgunblaðið/Óli Már Aronsson
Byrjun Sigurður Karlsson og Árni
Jóhannsson tóku fyrstu skóflu-
stunguna að reiðhöll.
Í HNOTSKURN
»Áætlaður kostnaður viðfyrsta áfanga reiðhallar á
Gaddstaðaflötum er 167 milljónir
króna. Loforð um framlög frá
ríki og sveitarfélögum eru á ann-
að hundrað milljónir.
»Á næsta ári verður Landsmóthestamanna haldið á Hellu
ásamt landbúnaðarsýningu.
Skagafjörður | Efnt verður til mál-
þings í Háskólanum á Hólum á morg-
un, fimmtudag, til heiðurs Sigríði Sig-
urðardóttur, safnstjóra á Byggða-
safni Skagfirðinga. Tilefnið er tuttugu
ára starf hennar. Sigríður er einn
helsti sérfræðingur landsins um torf,
torfhús og líf og störf í íslenskum torf-
bæjum. Að málþinginu sem hefst kl.
13.30 standa ferðamáladeild Háskól-
ans á Hólum, Hólarannsóknin og
Sveitarfélagið Skagafjörður.
Málþing til heiðurs safnstjóra
kl.
08
:00
ÁFÖSTUDAGINN