Morgunblaðið - 07.11.2007, Blaðsíða 14

14 MIÐVIKUDAGUR 7. NÓVEMBER 2007 MORGUNBLAÐIÐ
ERLENT
Eftir Boga Þór Arason
bogi@mbl.is
STJÓRN George W. Bush Banda-
ríkjaforseta siglir milli skers og báru
í málefnum Pakistans eftir að Pervez
Musharraf, forseti landsins, ákvað að
setja neyðarlög og víkja flestum
dómurum hæstaréttar landsins frá.
Bush virðist nú þurfa að velja á milli
tveggja helstu forgangsverkefna
sinna: baráttunnar gegn hryðju-
verkastarfsemi í heiminum og fyrir-
heita sinna um að breiða út frelsi og
lýðræði.
Stjórn Bush lítur á Musharraf sem
mikilvægan bandamann í baráttunni
gegn hryðjuverkastarfsemi og allir
kostir hans í stöðunni fela í sér mikla
áhættu. Mikið er í húfi því að Pak-
istan er kjarnorkuveldi og hætta er á
að kjarnavopn komist í hendur ísl-
amskra öfgamanna sem eru áhrifa-
miklir í landinu.
Bandarísk stjórnvöld hafa veitt
Pakistan fjárhagsaðstoð að andvirði
nær ellefu milljarða dollara, sem
svarar um 660 milljörðum króna, frá
hryðjuverkunum í Bandaríkjunum
11. september 2001. Stjórn Bush get-
ur dregið úr þessari aðstoð komi
Musharraf ekki á lýðræði en hugs-
anlegt er að það grafi undan barátt-
unni gegn hryðjuverkastarfsemi.
Haldi stjórnin áfram að veita pakist-
önskum stjórnvöldum fjárhagsaðstoð
verða loforð hennar um að breiða út
lýðræði höfð að háði og spotti.
Nokkrir fréttaskýrendur telja að
stjórn Bush þurfi e.t.v. að viðurkenna
að hún hafi lítil áhrif á stefnu
Musharrafs. Það geti orðið til þess að
hún haldi að sér höndum í von um að
deilan leysist og láti nægja að gagn-
rýna neyðarlögin sem hafa orðið til
þess að hundruð andstæðinga forset-
ans hafa verið handtekin.
Hvetur til kosninga
„Við viljum berjast fyrir lýðræði.
En við þurfum líka að viðurkenna að
óstöðugleiki eða hrun ríkisvaldsins í
Pakistan væri martröð fyrir alla,“
hafði fréttastofan AP eftir Michele
Flournoy, fyrrverandi embættis-
manni í varnarmálaráðuneyti Banda-
ríkjanna.
Bush gagnrýndi ákvörðun Mush-
arrafs, sagði hana grafa undan lýð-
ræðinu. Hann kvaðst vænta þess að
kosningar færu fram í Pakistan eins
fljótt og auðið væri og að forsetinn
segði af sér sem yfirhershöfðingi.
Bush lagði þó einnig áherslu á að
Musharraf hefði verið „öflugur
bandamaður í baráttunni gegn öfga-
mönnum og róttæklingum“.
Ákvörðun Musharrafs hefur orðið
til þess að þingmenn úr röðum
repúblikana og demókrata hafa hvatt
Bush til að endurskoða aðstoðina við
stjórn Musharrafs. Öldungadeildar-
þingmaðurinn Patrick J. Leahy,
demókrati og formaður nefndar sem
fjallar um aðstoðina, sagði að Mush-
arraf hefði gert „hrikalegt glappa-
skot“ og hætta þyrfti aðstoðinni þar
til neyðarlögin yrðu afnumin.
Condoleezza Rice utanríkisráð-
herra og Robert Gates varnarmála-
ráðherra sögðu að aðstoðin yrði
„skoðuð gaumgæfilega“. Los Angel-
es Times hafði þó eftir embættis-
mönnum í Washington að of áhættu-
samt væri að draga úr aðstoðinni við
Pakistan vegna þess að Bandaríkja-
menn væru háðir þarlendum stjórn-
völdum í baráttunni gegn hryðju-
verkastarfsemi. Þess vegna væri
líklegt að stjórn Bush héldi áfram að
skamma Musharraf án þess að refsa
honum.
Fast lagt að Bush að hætta
aðstoðinni við Musharraf
Bush lætur líklega
nægja að skamma
bandamann sinn
AP
Harka Pakistanskir lögreglumenn berja á lögfræðingum sem efndu til
mótmæla gegn Pervez Musharraf forseta í borginni Multan í gær.
Í HNOTSKURN
» Þótt hundruð pakistanskrahermanna hafi fallið í átök-
um við liðsmenn al-Qaeda og
talibana telja margir banda-
rískir embættismenn að
Musharraf hafi ekki gert nóg í
baráttunni gegn íslömskum
öfgamönnum.
» Rúmir sjö milljarðar doll-ara af aðstoð Bandaríkja-
stjórnar við Pakistan hafa
runnið til hersins. Bandarískir
embættismenn segja að megnið
af fénu hafi verið notað til að
kaupa þungavopn, orrustuþotur
og aðrar vígvélar sem myndu
henta miklu betur til hefðbund-
ins hernaðar gegn Indlandi.
NICOLAS
Sarkozy, forseti
Frakklands, hét
því í gær að fara
aftur til Afríku-
ríkisins Tsjad til
að fá þarlend yf-
irvöld til að
framselja tíu
Evrópumenn
sem eiga yfir
höfði sér ákæru fyrir tilraun til að
flytja 103 börn til Frakklands.
Sarkozy fór til Tsjad á sunnudag til
að sækja þrjá franska blaðamenn
og fjórar spænskar flugfreyjur sem
voru handtekin vegna málsins.
Sex franskir starfsmenn hjálp-
arstofnunar, þrír Spánverjar og
belgískur flugmaður eru enn í fang-
elsi og hafa verið sakaðir um mann-
rán.
Beitir sér fyrir
framsali
Nicolas Sarkozy
ABDULLAH konungur Sádi-
Arabíu ræddi í gær við Benedikt
XVI páfa í fyrstu opinberri heim-
sókn sádi-arabísks konungs til
Páfagarðs. Þeir ræddust við í hálfa
klukkustund. Páfagarður er ekki í
stjórnmálasambandi við Sádi-
Arabíu.
AP
Áheyrn Benedikt XVI páfi tekur á
móti konungi Sádi-Arabíu.
Söguleg ferð
Pul-i-Khumri. AFP, AP. | Að minnsta
kosti 28 manns, þar af fimm þing-
menn, týndu lífi þegar sjálfsmorðs-
árásarmaður sprengdi sig í loft upp í
bænum Pul-i-Khumri, um 150 km
norður af Kabúl, í gær. Tala látinna
er á reiki og fullyrða aðrir miðlar að
allt frá 40 til 90 hafi legið í valnum.
Enginn hefur lýst yfir ábyrgð á
ódæðinu en árásin er ein sú mann-
skæðasta í landinu undanfarin ár.
„Á fjórum sjúkrahúsum hafa 120
verið skráðir særðir, 40 látnir,“ sagði
Yousuf Faiz, yfirmaður sjúkrahúsa á
svæðinu, í viðtali við AFP-fréttastof-
una í gær.
Meðal þeirra sem biðu bana var
Mustafa Kazimi, fyrrverandi við-
skiptaráðherra sem fór fyrir efna-
hagsnefnd þingsins, ásamt því að
vera lykilmaður í
stjórnarandstöð-
unni. Þá var
Ghulam Mustafa
Jawad, aðstoðar-
landbúnaðarráð-
herra, í hópi
særðra.
Fjöldi fólks var
samankominn hjá
hópi hátt settra
embættismanna sem var í skoðunar-
ferð um sykurverksmiðju. Var til-
gangur ferðarinnar að afla upplýs-
inga um viðskipti og stöðu
efnahagsmála á svæðinu.
Gekk inn í þvöguna
Að sögn vitna gekk árásarmaður-
inn inn í miðja þvöguna, með
sprengju í annarri hendi og
sprengjubelti um brjóstið.
Aðkoman var hræðileg þegar ætt-
ingja fórnarlambanna bar að, margir
fluttu látna ástvini sína á brott.
Sveitir Atlantshafsbandalagsins,
NATO, lögðu sitt af mörkum og
komu særðum undir læknishendur.
Hamid Karzai, forseti landsins,
fordæmdi árásina, líkt og Ban
Ki-moon, framkvæmdastjóri Sam-
einuðu þjóðanna og fleiri leiðtogar.
Á vefsíðu breska ríkisútvarpsins,
BBC, í gærkvöldi var haft eftir tals-
manni talibana að þeir hefðu ekki
verið að verki. Hins vegar minnir
fréttaritari BBC á að talibanar og
liðsmenn al-Qaeda hryðjuverkanets-
ins hafi borið ábyrgð á flestum árás-
um í landinu á síðustu árum.
Tugir taldir af eftir
árás í Afganistan
 Fimm þingmenn í hópi hinna látnu  Yfir hundrað særðir
Hamid Karzai
LÆKNAR á Indlandi skáru í gær
upp tveggja ára stúlku, Lakshmi
Tatma, sem fæddist með fjóra fæt-
ur og fjórar hendur. Aukalimirnir
tilheyra í raun höfuð- og búklaus-
um tvíbura stúlkunnar.
Læknarnir bjuggust við því að
skurðaðgerðin tæki allt að 40
klukkustundir. Þeir sögðu að þótt
mörg vandamál hefðu komið upp
hefði aðgerðin gengið vel fyrstu
klukkustundirnar. Þeir töldu um
það bil 80% líkur á því að stúlkan
lifði aðgerðina af, að því er fram
kom á fréttavef breska ríkisút-
varpsins, BBC.
Aukalimir
fjarlægðir
AP
Hver á Norðurpólinn?
Málstofa um réttarstöðu Norður-Íshafsins
Þjóðmenningarhúsinu
föstudaginn 9. nóvember kl. 11-14.
Dagskrá:
11.00 Ávarp Ingibjargar Sólrúnar Gísladóttur
utanríkisráðherra.
11.15 Ron Macnab, meðlimur Norðurskautsnefndar
Kanada:
The Central Arctic Ocean
- Shrinking Ice and Expanding Jurisdiction.
11.45 Jóhann Sigurjónsson, forstjóri
Hafrannsóknastofnunarinnar:
Fiskveiðar á norðurslóð við breyttar aðstæður.
12.15 Veitingar í boði Hafréttarstofnunar Íslands.
13.00 Douglas Brubaker, Fridtjof Nansen-stofnuninni:
The Northern Sea Routes - Legal Considerations.
13.30 Pallborðsumræður og fyrirspurnir.
Þátttakandi ásamt frummælendum: Trausti Valsson,
prófessor í skipulagsfræði við Háskóla Íslands.
14.00 Slit.
Málstofustjóri: Tómas H. Heiðar, þjóðréttarfræðingur í
utanríkisráðuneytinu, forstöðumaður
Hafréttarstofnunar Íslands.
Málstofan er öllum opin á meðan húsrúm leyfir.
m
b
l 9
30
68
1
Dalvegi 10-14 • Sími 577 1170
Innrettingar
Þi´n vero¨ld
X
E
IN
N
IX
0
7
06
0
08