Morgunblaðið - 07.11.2007, Blaðsíða 36

Reconstruction: what
the hell happened, ?m
jafna gengur upp … 38
»
reykjavíkreykjavík
MÖRG járn eru í eldinum hjá Zik
Zak kvikmyndum um þessar mundir
og margar myndir í undirbúningi.
Þetta kemur fram í viðtali við Skúla
Malmquist hjá Zik Zak sem birtist á
vef Norræna kvikmyndasjóðsins
fyrir skömmu.
Í viðtalinu kemur meðal annars
fram að framundan séu tökur á nýrri
mynd Dags Kára, The Good Heart,
sem tekin verður í New York, og
myndinni Brim í leikstjórn Árna
Ólafs Ásgeirssonar í samvinnu við
Vesturport.
Þá segir Skúli að fyrirtækið muni
leggja aukna áherslu á heimild-
armyndir á næstunni.
„Við erum að vinna að hinum
ýmsu heimildarmyndum. Ein þeirra
er um Kötju, unga stúlku frá Úkra-
ínu, en ótrúleg saga hennar af götum
Kænugarðs er bæði átakanleg og
mannúðleg. Svo erum við með
Electronica Reykjavik í bígerð, en
það er mynd um sögu elektrónískrar
tónlistar á Íslandi. Loks má nefna að
við erum meðframleiðendur að
Draumalandinu sem fjallar um iðn-
væðinguna sem ógnar íslensku
landslagi.“
Meðal annarra verkefna sem
Skúli nefnir eru Back Soon, kvik-
mynd í fullri lengd eftir Sólveigu
Anspach og stuttmyndirnar Two
Birds eftir Rúnar Rúnarsson og Un-
holy Night eftir Árna Þór Jónsson.
Að lokum má nefna að á heima-
síðu Zik Zak kemur fram að verið sé
að skrifa handrit upp úr tveimur vin-
sælum íslenskum barna- og ung-
lingabókum, annars vegar upp úr
Öðruvísi dögum eftir Guðrúnu
Helgadóttur sem þær Margrét Örn-
ólfsdóttir og Inga Lísa Middleton
skrifa, og svo upp úr Gauragangi eft-
ir Ólaf Hauk Símonarson sem þeir
Ottó Geir Borg og Gunnar B. Guð-
mundsson skrifa handritið að.
Fjölmargar myndir í bígerð
Morgunblaðið/ÞÖK
Dagur Kári Á meðal þeirra mynda sem Zik Zak framleiðir er The Good He-
art, sem verður tekin á jafn ólíkum stöðum og New York og Miðnesheiði.
Zik Zak framleiðir myndir af öllum stærðum og gerðum
 Tónlistar- og
útvarpsmaðurinn
Brynjar Már
Valdimarsson
hefur verið á
feiknaferð um
vinsældalista
heimsins með lag sitt „Forget
About Me“. Þegar hefur verið
sagt frá sigrum hans í Grikklandi
en nú hefur útvarpsstöð í Indónesíu
hafið spilun á laginu og er það kom-
ið í 10. sæti eftir aðeins fjórar vikur
á lista. Indónesía er stærsta músl-
ímaríki heims og fjórða fjölmenn-
asta landið en í höfuðborginni Jak-
arta er útvarpsstöðin staðsett.
Fróðlegt verður að fylgjast með ár-
angri lagsins á næstu vikum en það
fer að verða það víðförlasta sem ís-
lenskur lagasmiður hefur samið.
BMV klífur vinsælda-
lista um allan heim
 Hljómsveitin Ampop vinnur um
þessar mundir að upptökum á sinni
nýjustu breiðskífu sem búist er við
að komi út í mars. Um síðustu helgi
var sveitin stödd á Seyðisfirði, nán-
ar tiltekið í frystihúsi Arnarklóar
ehf, þar sem finna má stóra og vel
einangraða frystiklefa sem þykja
henta vel til upptöku. „Frystikistu-
lagið“ og „Ísbjarnarblús“ voru
rædd sem möguleg tökulög á fyrsta
degi. Svo tók alvaran víst við.
Ampop í frystihúsi
 Hver er besta íslenska plata
allra tíma? Gas með Bara flokkn-
um? Hold með Ham? Æ með Unun?
Deluxe með Ný dönsk? Eða jafnvel
XXX Rottweilerhundar með XXX
Rottweilerhundum? Farðu inn á
mbl.is og veldu fimm uppáhalds
plöturnar þínar – „best af öllu“.
Úrslit verða svo kynnt í Morg-
unblaðinu og á mbl.is á Degi ís-
lenskrar tónlistar á föstudaginn.
Veldu bestu íslensku
plöturnar á mbl.is!
Eftir Ingveldi Geirsdóttur
ingveldur@mbl.is
„ÉG byrjaði að vinna þessa plötu fyrir fjórum ár-
um, dúllaði mér í henni samhliða öðrum verk-
efnum en vildi ekki skila henni af mér fyrr en
hún væri orðin góð og nú er hún orðin góð,“ seg-
ir Páll Óskar Hjálmtýsson um fyrstu sólóplötu
sína í átta ár, Allt fyrir ástina, sem kemur út á
föstudaginn. „Þetta er hreinræktuð dansplata en
það sem aðgreinir hana frá venjulegum dans-
plötum eru hvað lagasmíðarnar eru flottar og
safaríkar. Þar stend ég í þakkarskuld við þá sem
sömdu lögin með mér eins og Örlyg Smára, sem
útsetur líka flest lögin, Niclas Kings, Trausta
Haraldsson, Jón Andra, Togga og Svölu Björg-
vins. Þrátt fyrir að margir hafi komið að verkinu
hljómar platan mjög heilsteypt. Lögin taka við
hvert af öðru og platan rennur í gegn nánast án
þagnar,“ segir Páll Óskar og kveðst vera að
rifna úr stolti yfir þessari plötu. „Ef það eru ein-
hverjar þrjár plötur sem ég elska framar öðrum
sem ég hef gefið út er það Seif (1996), fyrsta plat-
an með mér og Moniku, Ef ég sofna ekki í nótt
(2001) og svo núna þessi. Það er einhver orka á
þessum þremur plötum sem við náðum að kló-
festa sem ég fíla í botn.“
Danssjúkir Íslendingar
Páll Óskar gefur plötuna út sjálfur auk þess að
sjá um dreifingu í gegnum fyrirtæki sitt, POP
ehf., en það stendur fyrir Paul Oscar Production.
„Ég hef gefið út allar mínar plötur sjálfur síð-
an 1995 og þær hafa staðið undir sér, fyrir utan
eina sem kom út í mínus. Að eiga listaverkin mín
sjálfur er mér mjög mikilvægt,“ segir Páll Óskar
sem telur plötufyrirtæki að verða óþörf. „Ef
maður er duglegur, týpískur Íslendingur og
tilbúinn að spýta í lófana þá er ekkert mál að
gera þetta allt sjálfur, internetið er líka dreifing-
armáti framtíðarinnar, maður þarf bara að passa
að hugverkunum sé ekki dreift á ólöglegan
hátt.“
Spurður hvort danstónlist eigi alltaf upp á
pallborðið hjá Íslendingum segist Páll Óskar nú
halda það.
„Ég hef unnið sem plötusnúður í mörg ár og er
einmitt að gera þessa plötu því Íslendingar eru
svo danssjúkir. Reyndar hef ég tekið eftir því að
Íslendingar eiga mjög erfitt með að dansa eftir
takti, en þeir elska að syngja með lögum sem
þeir kunna. Íslendingar dansa eftir textum en
t.d. Ameríkanar eftir takti. Bæði er jafn gott og
platan mín sameinar þetta tvennt, fullt af textum
og takti,“ segir hann og hlær. „Þessi plata er í
raun minn eigin þakklætisvottur fyrir allar þær
góðu stundir sem ég hef átt sjálfur á diskógólf-
inu.“
Formlega útgáfutónleika fyrir Allt fyrir ástina
heldur Páll Óskar á Akureyri næstkomandi laug-
ardag og á Nasa 17. nóvember. Sú nýbreytni
verður höfð á að sérstakt barnaball verður á báð-
um stöðum fyrr um daginn, eða milli kl. 16 og 18.
„Mér finnst frábært að halda sérstakt barnaball
en börn og fullorðnir elska mig jafn mikið. Við
lækkum aðeins niður í hljóðkerfinu á barnaball-
inu en á fullorðinsballinu verður kerfið hækkað í
botn.“
Taktur og textar
Hreinræktuð dansplata kemur frá Páli Óskari Hjálmtýssyni á föstudaginn
Morgunblaðið/Frikki
Páll Óskar „Þetta er hreinræktuð dansplata en það sem aðgreinir hana frá venjulegum dansplötum
eru hvað lagasmíðarnar eru flottar og safaríkar,“ segir Palli um Allt fyrir ástina.
www.myspace.com/palloskar